ايش الفرق بين السيارات هذي ركز وحدد هي في فرق؟؟

والله مثلها مثل الكروان فيكتوريا والماركيز والتاون كار ... محركات وحده واختلاف اكسسوارات ونظام الكهرباء فقط ... مثلها مثل الترايلر بلايزر والانفوي الاختلاف فالشكل والحركات وحده ... مثلها مثل اليوكون والتاهو والاسكاليد تنتج من خط واحد محركات وحده والبدي يختلف والاكسسورارت وقس على ذلك باقي السيارات ... الرانج روفر محركات بي ام دبليو x5 حتى الشركات العالميه اتخذت نفس المنهج .. يغيرون الشكل والفخامه والتقنيه والمحرك واحد .... عندك الرينو سافران هذي محركات مكسيما لكن الشكل والقنيه والفخامه تختلف نهائيا ((( مجرد وجهة نظر لمستها على ارض الواقع )))

ممكن نفس الشكل ولكن جودة التصنيع تختلف والله اعلم

على فكره اللينكون تاون كار الفل اوبشن قيمته 134 الف عند توكيلات الجزيره ... الكراون فيكتوريا فل اوبشن ب105 تقريبا ... لكن تعال افتح كبوت التاون كار والكروان فيكتوريا بتلقى المحركات وحده مافيه اختلاف .. والسبب هو الشكل والفخامه والاكسسوارات ... نفس حكاية تويوتا ... جيب لكزس 470 اغلى من اللاندكروزر والمحركات وحده لكن الفرق انه ال 470 لكزس فخامته وتقنيته اعلى بكثير من اللاندكروزر رغم ان المحركات واحده

كلام سليم ياشاقح .. الأختلاف في الإكسسورات والمحرك واحد .. لايك للجميع ..

الفرق شي بسيط وحدة نايمة في سابع نومة ووحدة صاحية وغاسلة وجها ولايك على جهودك

يمكن الشكل الخارجي فقط لكن المكاين والقير الاكسورات غير

انا اتفق معك يا العبداللطيف .. وتشكر ع مجهودك
ونقاطي قليله والا كان حطيت الايك

 صدقت اخوي موضوع جميل ليت قومي يعلمون 

مغفل يا عزيزي

كل شركة سيارات او اغلبها لديها فرع فخم 
النيسان لديها انفنتي تويوتا لديها لكزز ولنكولن هي أحد فروع شركة فورد وأكورا هيا فرع هوندا الفاخر
وإسكاليد تابع الشركة الأم, جنرال موتورز التي تنتج التاهو واليوكون

فمن المعقول ان يكون هناك شبه بينها ونفس الشاصيه لانها خارجه من شركه وحده بختلاف العلامه الفارهه
فلابد لكل شركه ان يكون لها فرع خاص او فخم لتقدمه للمشتري وغير مناسبه لاصحاب الدخل المحدود 

وهي قد تكون نسخه مطوره من شاصيه سياره معينه بميزات فخمه لترضي اصحاب الفخامه

ارتقي ياعزيزي بطرحك ليكون هادف لي ولغيري من القراء واستعمل طرق البحث قبل الاسقاطات الغير هادفه

لست متعصب لشركه معينه لاكن احببت ان اوضح اللبس الحاصل في موضوعك :)

تصحيح لكلام شاقح

التاون كار قيمته وكاله فل اوبشن حدود الـ200 الف

اما الكراون فكتوريا فل حدود 110 الف

وشوف التوكيلات اللي في طريق المدينه في جده

واحد من جماعتنا عنده اللكزس اللي بأول صوره موديل 2003 على ماأضن يقول قطعها قطع كامري

اشكر مروركم اخواني الكرام وهذا الموضوع ممكن مايعجب شريطية وعملاء تويوتا لكن الواقع يفضل واقع اللكزس كامري مطور شئت ام ابيت

الاخ اللي فوق^^^""qdd5 "   مين المغفل ياجاهل انت اوزن كلامك ولا تغلط المغفل هو اللي زيك ينخدعون عند الشراء من ابو جميل يروحو يشتروا سيارة فخمة ومبسوطين وهي اصلا سيارة عادية ومغير العلامة ومركب شاشة والخرابيط هذي وانتم مبسوطين وعلى بالكم كنكم راكبين بنتلي مثلا  قبل تتكلم افهم الموضوع زين بعدين علق احنا عارفين ان في شركات كثيرة لديها سيارات متشابهة وفئات شي رخيص وشي غالي لكن بيكون في فرق كبير ملاحظ وفرق بسيط بالسعر لكن تويوتا مافي فرق ابدا بين الكامري والانكروزر واللكزس فقط العلامة والاكسسوارات اللي حاطها وفرق السعر خيالي جدا وهنا ارد على اخوي شاقح بهذي النقطة بالذات اللحين اخوي شاقح كلامك صحيح اللكزس في التشابه بينها وبين سيارات تويوتا العادية مثلها مثل الكراون فيكتوريا والجراند ماركيز ومثلها مثل التاهوواليوكن لكن ابي اسالك ايش يفرق سعر الكراون فيكتوريا عن الجراند ماركيز وايش يفرق الفل عن الاستاندر في السعر وايش يفرق سعر التاهو عن اليوكن والفل عن العادي انا اجاوبك الفرق بين بسيط جدا والاسعار متقاربة لكن لكزس مو معقول انه بودي كامري وفقط اللهم ان مقاعد جلد وحساسات ومسجل سي دي ومقود لكزس وبسعر الكامري مرتين على ايش وابي اسالك كم سعر جيب اللكزس570 الجديد وكم سعر اللاندكروزر الجديد الفرق يمكن اكثر من 150 الف ريال وعلى ايش اذا كان البودي واحد والشكل واحد مية بالمية والفرق الوحيد هو العلامات فقط وزي ما جيب اللكزس فيه حساسات وايرباقات وجنوط ومقاعد جلد وسي دي كمان اللاندكروزر فيه نفس الشي طيب ليش فرق السعر هذا اذا كان حتى المحرك واحد والشاص واحد والمقود كمان واحد اللهم هذا عليه علامة لكزس والثاني علامة تويوتا وابي اعرف ايش التقنية اللي تقول عنها  احنا عارفين ان مافي اختلاف بين الجيوب نهائيا والمحرك واحد الفرق فقط في الشمعات الامامية والتقنية الموجودة بجيب اللكزس اكيد انها موجودة بجيب لاندكروزرgxr عرفتو اللحين انا ايش اقصد

اخوي"dr:hdrz " والشكر ليك ياغالي وتستاهل احلى لايك 

مازال مجتمعي جاهل الاستغفال احيان نعمه لاكنكم تعديتموها ووصلتم لمرحلة الحماقه

وتستمر الحياة ياعزيزي