انتبهوا من الهونداي الازيرا ٤
13
4
إضغط هنا للإخفاء
السلام عليكم
اخواني انا اشتريت هونداي ازيرا 2014 نص فل من الوعلان وللاسف كانت غلطة عمري اقولكم ليه علشان ما تقولون اتبلى عليهم
اول ماطلعت السيارة كانت الاف كيلو التجربة وبعدها بدينا المعركة مع السيارة والوكالة اول المشاكل
مكيف حار والسيارة فيها كتمة دخلتها الوكالة وغيروا الكمبروسر وقالو انهم صلحوا الكتمة طلعتها العصر بالليل ولعت لمبة الماكينة رجعتها لهم من بكره وقالوا برمجة وبتطلع بنفس اليوم وللاسف جلست اسبوع يقولون حساسات خربانه وبنطلبها ويبيلها اسبوع وبعدين طلعنا السيارة ولازالت نفس المشكلة لدرجة ان الفلبيني يجرب سيارتي ويقول سيارتك اربع سلندر والا ستة ودخلت السيارة عندهم وجلسوا يجربون بسيارتي وماهم عارفين المشكلة وطلعت السيارة ونفس المشكلة الان السيارة مشت 25000 والمشكلة زادت فيه تقطيع واضح عند 80 والقير يفوت ورجه غريبة بالسيارة وريحة حراق اذا دعست
انا اقول ذا الكلام وباذن الله بكره بروح لوزارة التجارة اشتكي وبشوف وش بيسون لي
على العموم موضوعي هذا علشان الناس تتنتبه من ذا النصابين قالبين العالم حقل تجارب
واللي يبي يتاكد يراسلني واوريه الاوراق
للمعلومية كانوا علشان يسكتوني يعطوني بديل جنيسيس
إبلاغ
الردود
0
0
سيارتي ازيرا 2014
مشيت حتى الان 8 الاف كلم
ماواجهني الا الرجه ومريت العضيب والامور ممتازه
الكوري اذا سلم من الحوادث حمار مكده
ماتفرق بين ازيرا او اكسنت بقوه التحمل ...,
قبل 10 سنه و 7 شهر