ما الحل مع السيارة المعيونه غير البيع طبعا
5
6
إضغط هنا للإخفاء
السلام عليكم
يااخوان موضوعي انه سيارتي والحمد لله والشكر له ملفته للنظر لندرتها وقوتها وانا والله عندي قاعده هالزمن انه شريت سيارة بمبلغ وقدره ماراح اخليها بالكراج واطلع كل شهر مره او اثنين فيها لذلك انا بشكل شبه يومي اطلع على الموتر واتمشى الموتر قبل اسبوع نفضته نفض كامل والحمد لله وقبل يومين وانا على طريق خريص وانا ماشي طلع زيت على القزاز والبدي والمكينه وبعد الفحص طلع زيت الدركسون انتهى من العلبة ، وديتها للورشة المختصه بالسيارة بحث و بحث ومالقى اي مكان يثبت انه الزيت طلع منه والغريب انه الليات بالسيارة مغيرها جديدة والمروحه جديدة ... فالاستنتاج حالياً والاكيد انه صابني عين على الموتر والحمد لله انه جات على كذا .... لانه نادر احد يمر من الموتر مايناظر ،، وانا اشوف نظرات الناس فمستحيل يكون الى حاصل لي وسوسه بالذات انه الورشة مستغربه من خروج الزيت فجاءة وبدون اثر او مشكلة
والان وش الحل يااخوان لانه الشي الى اعرفه انه اذا الشي صابه عين من شخص معروف فلازم اخذ شي من اثره كمنديل او بذر التمر واغسل فيه ماء وارشه على الشي لكن الان انا مااعرف من الى عان الموتر فوش الحل ؟
واحد من الشباب قالي انزل بالموتر الحراج <<< الميكرفون بالمعارض وخلهم يحرجون عليها وان شاء الله تروح لكن ماادري هل صحيح وهل يجوز شرعاً ؟
نبي رأيكم بالموضوع والحلول ؟
إبلاغ
الردود
صحيح انه حق لكن .. الكل يظنه كالمرض !!
اذكر ربك + قول الاذكار + روح ورشة تعرف شغلها تمام !!
(( اعقلها و توكل ))
وصلى الله على سيدنا محمد ,,
0
0
ودها المعارض التحريج وبعدها إن شالله تروح
قبل 10 سنه و شهر