هل تقوم بالصيانه الدوريه بالوكاله ..

والله انا ماعندي موتر وكاله 

ماعندي الا هالكامري وكل شهر امر واسلم على الورشات 

وانهد حيلي من مصاريفها 
كيف لو هي على الوكالة 

وعلى العموم الله يرزقنا بموتر وكاااله اررررررررربعطعش 

بغض النظر عن الضمان فهذا موضوع اخر

تغيير الزيت لسيارتي 126 ريال بمكان شبه محترم و شغل نظيف بلا قلق اذا باغيره عند بنشري برة اول سؤال هل هو محترف ؟ اذا نعن ما حيخرب شئ هل زيوته و مواده أصلية؟ لتوفير 10 -15 ريال لازم اشتري الفلتر من الوكالة و اسير عليه فاشتري راحة دماغي





---

سيارتي السابقة كان تغيير الزيت ب 800 ريال تقريبا في الشركة - كنت اشتري الزيت الي بياع في البناشر ب 35 ريال بسعر 19-21 ريال و اجيب الفلتر من الشركة و اغيره في مركز صيانة مختص تطلع 9 علب زيت مع فلتر و اجرة ب 340 ريال بدلا من 760 الى 800 ريال



و على ذلك اقيس صيانة 5 الاف 200 ريال حاليا صيانة 10 الاف 450 ريال فالاسعار معقولة و (((هذا ما بحثت عنه قبل الشراء))) المصاريف التشغيلية للسيارة


دمتم برعاية الله و حفظه

موتري ما طب الوكالة الا اول 1000 كم 

وبإذن الله الوعد على 80 الف لتغيير زيت القير فقط 

اعتقد قرار وزارة التجارة وضح الواضح وزيادة

واللي مقتدر مالياً بيشتري راحة باله يروح للوكالة

للجميع : هناك فرق بين الصيانة والضمان 

فالضمان من الشركة والصيانة من الوكالة

وهذا ينطبق على اي منتج سواء من السيارات او غيرها من المنتجات 

انا مريتهم اول 1000 كيلو وبعدها سحبت عليهم
السيارة جديده يعني بالله الوكاله وش تبي تسوي غير تغيير الزيت والسيفون

انا ماغيرت الا مر واحدة اهي ٥٠٠٠ والمرة  الجايه انشالله عند بترومين لانة ارخص من الحاج حسين
وشكرا 

الوكاله كلها تلاعب فك صره بخمسين الريال والزيت العلبه ب80 ريال ليش علشان اسم دخلتها وكاله فقط ولا شي اكثر

انا فقط الاجراءات الروتينيه بالوكاله لحد 20 الف

بعد قرار وزير التجارة ان عدم صيانتي لديهم لايلغي الضمان وحقي محفوظ لين انتهاء الكفاله 3 سنوات او 100 الف
يحق لي تغيير اي شي مجاني اذا كان سببه عيب مصنعي
وغيرت عندهم مرتين بطاريه واسطبات دخل بها تراب وربل


اما الصيانة الباقيه اقوم بصيانه السيارة بنفسي
سوا تغيير قطع او فحمات الخ

المساله بسيطة تحتاج شوي معلومات عن اجزاء سيارتك وستوفر مبالغ كثيرة
عن محلات الورش والنصب

ووسويت غرفة خاصه ومخصصه لعدد السيارات والمواطير والدريلات ( ميكانيكا سمكره كهرباء) والشغل بنفسي
اظمن واريح لي

يارجل اغفل ولا توسوس انا مامريتهم حق ١٠٠٠ كيلو بس عشانه مجاني 

يعني سياره جديده وش الي بيخرب الا عيب مصنعي يصلحونه غصب عنهم 

ترا السياره اذا هي جديده وش تحتاج زيت فحمات وزيت قير وكفرات والحمد لله 

الصراحة شغل سرقة على الفاضي 

تدري متى اضحك اذا شفت صيانة بورش 

اجل صيانة ٥٠ الف كيلو  ب ٢٦٠٠٠ الحمد لله على العقل 

يعني وش تفيد الوكالة اذا لك لسان تاخذ حقك واذا مالك لسان ماعطوك حقك 

مريتهم بعد 5000 الاف كيلو وبعدها سيفون لي الحين وصلت 170 الف

ولاطرى علي امرهم

نصابين كذابين حراميه

حفرة الزيت ضرورية في كل منزل، بلا وكالة بلا بنشر، اخواننا اليمنيين ما يسوقون سيارات في اليمن يجون السعودية يشتغل بنشر يعني انا احسن منه

أنا طلعت كامري 2001 وكالة بسعر 55 الف ماعمرها طبت وكالة الآن ماشيه 500000 نصف مليون واشتراها الوالد لأخوي الصغير بـ 20 الف ولكن 
كل 60-80 الف اشيك عليها بورشة 

يا شباب هل اكيد هذا القرار حق وزارة التجارة انه الصيانه الخارجية لا تلغي الضمان ؟؟؟ يا ريت احد يأكدلنا لانه تعبنا من صيانات الوكاله الغاليه صراحه