عليكم السلام ورحمة الله وبركاته .. الله يكون في عونك اخوي قبل فترة سددت مخالفات قديمة لها اكثر من 10 سنوات والله هجولة اكثر من اسبوع علشان اسدد وكان فيها مخالفات محجوبة وما قدروا يطلعونها لانها قديمة وعلى كلام العسكري المخالفات كانت من قبل ما يجي الارشيف في المرور والحمد لله تم فك الحجب من دون حجز في المرور وسددت المخالفات اخذت معي تقريبا اسبوع و 3 ايام مراجعات ثاني شئ الاستمارات القديمة نفسي ارجع ايامها ايام 5 قروش ايام راحوا الطيبيين الحين لو شريت من البقالة وباقي نص ريال والله ما يسامحك راعي البقالة الا لما تسددها ولو تبي منه نص ريال يعطيك علك لبان بحجة انه ما عنده نص ريال

الغرامات على كل تجديده 100 ريال 

عندك 3 تجديدات مطوفه 300 ريال 
وكل تجديده بعد برسومها

احسب 3 تجديدات وفوقها 300 ريال
واضف فوقها تجديدتين 

يعني عليك غرامه 300 ريال 
غير رسوم التجديد الرسميه

السنه ب١٠٠ ريال
يعني عليك تسدد التطويف ١٢٠٠
وتجديد ١٥٠ 
وتأمين ٤١٥ شركه أمانه
واذا التعقيب كامل على التجديد واستخراج اللاستماره ويجدد لك طبعا على حسابك
فأنصحك اشتر راحه بالك واغتك من غثا المرور والقلق

وافتك *
والله ييسر لك امرك