تجربتك مع السرعه و تجربتك بدون السرعه شكرا لمشاركتكم

كنت جندي مجند في الجيش وانا من اهل الرياض ودوامي في تبوك ورحت مره في خميس وجمعه وكنت مجبر علا السرعه وانا راجع لتبوك ككنت امشي ٢٠٠ علا كامري وكان قدامي شاص اكبس ابيه يفتح الخط ومافتح طفت مع الكتف وكان مع لفه خفيفه اثر الخط الكتف فيه.حصاء صغار من المحطه الي مع السيد الثاني الناس تطلع من المحطه وتطاير الحصا علا الاكتاف بغيت اروح بس ربك ستر والله ماني قادر استوعب سلامتي الا الان  بعدها (حرمت السرعه والتجاوز مع الاكتاف )

انا مره كنت ماشي حول الساعه 2 في الليل و الخط فاضي 
طبعاً الخط مشترك للرايح والجاي وكنت ماشي 200-220 
مدري بالتحديد كم السرعه.
المهم طلع في الخط كلب"اكرمكم الله و رفع منزلتكم" وانا تفاجأت
لكن بما ان الخط فاضي عكست الخط"كأني متجاوز سياره" ويوم عكست 
اكلت حفره..
المهم ومالكم في الطويله الا السياره حاست مثل المفحطين 
وتروح السياره يمين وارجعها يسار وتروح يسار وارجعها يمين 
علماً اني ما افحط بس كيف مشت معي مدري وربك ستر 

انا الحين في الوضع الطبيعي 120-100 بس واذا كنت مستعجل 140 
واذا كنت مسافر سفر طوييل160 
والله هو الحافظ من كل شر 
دمتم بود