أضف سؤال أو موضوع جديد          

هل جربت تشتغل في سيارتك بنفسك ؟

up 8 down 0
naac 2 2722
قبل 8 سنه و 2 شهر



السلام عليكم ورحمة الله وبركاته 

هل جربت تشتغل في سيارتك بنفسك ؟
احيانا الواحد يصير عنده وقت فراغ وفي نفس الوقت فيه اشياء سهلة حاب يسويها في سيارته 

مثلا تركيب شمعة ، اسطب ، تركيب ، بطارية
تغيير سير أو بكرة للمتعمقين شوي والمتمرسين اكثر بعضهم يغير البواجي والفحمات الخ...

وهذي الفئة من الناس يريحون انفسهم من مشاوير الورش والاستغلال

اعرف شخص ساكن في الحارة ما شاء الله عليه كل ما طلعت العصرية القاه يركب شي في سيارته 
لدرجة انه شاري فرهول عشان يشتغل على سيارته ههههههههههههه

الرجل حالته المادية ميسورة لكنه يحب يشتغل في سيارته 
وطبعا كان مثل اي واحد جاهل في كثير من الامور لين بدا شوي شوي يتعلم وصار يصيّن سيارته بنفسه 
واهل الحارة صاروا يسألونه عن بعض الاشياء 
والرجل يخدمهم ما شاء الله عليه 

جت في بالي فكرة بسيطة وهي عرض تجارب الاعضاء في تركيب قطع او عمل صيانة بسيطة لسياراتهم
يعني عشان نغيّر جو المنتدى ونشوف تجارب الاخوة الاعضاء

هذي بعض المقاطع البسيطة عن طرق تركيب القطع السهلة والاجزاء الي ما يبيلها مجهود يذكر في السيارة

http://www.youtube.com/watch?v=OJqY1di8uUg
http://www.youtube.com/watch?v=3MYXIUlupx0
http://www.youtube.com/watch?v=n8bPLA6jtE0
http://www.youtube.com/watch?v=2ekr9TmlBv8
http://www.youtube.com/watch?v=dQuDxiYMNEo







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بالنسبه لي أشتغل بنفسي في كثير أشياء في الموتر .... وأشجع كل سائق سيارة يعمل كذا وصدقوني بتخف ظاهرة النصب

حق الورش ....... لايك .


up 1 down 0
أبو ميان . 154
قبل 8 سنه و 2 شهر



اخاف اجيب العيد , فعشان كذا افضل اني اوديها ورشه :)


up 1 down 0
ابو يزيد 000 8712
قبل 8 سنه و 2 شهر



والله هذا الرجال الي انت تكلمت عنه اني احترمه
يعني فيه بعض الاشياء تروح عند الهندي يقلك تغييره ب 50 او 100 ريال واي واحد يقدر يغيره
قبل فتره رحت عند هندي سالته عن الضوء الخلفي قلي 20 ريال قلتله ركب
لمه ركبة اعطيته 50 ريال رجعلي 10 ريال ههههههه
يبي ينصب علي 
قلتله ويييين رايح انت ليه خصمت 20 ثانية 
يقلي هذا حق التركيب ،،  قلتله يعني بتاخذ نفس حق اللمبة انت ايش الي سويته
المهم والله يا شباب ان الهنود وانا ما اقصد الهنود كجنسية لكن كل الي بجنوب افريقيا 
انهم ينصبون علينا واحنا ساكتين لازم نغير من وضعنا


up 1 down 1
moathyaseen 1393
قبل 8 سنه و 2 شهر



الحمد لله كم مره افك واركب بالموتر 
وتجيني فتره تقول هذا ملجلج تلقاني الساعة 12 بالليل جالس تحت الموتر ازين فيه شيء 
او امسح السياره 
ومره من الفضاوه فكيت المراتب الخلفيه اول مره 
ولقيت تحت من الوصخ من راعيها الاول ونظفتها 
ومره فكيت الديكور اللي عند القير ورجعته مكسور 
وفكيت ديكور المكيف جهت السواق وكسرت الايطار حقه 



up 0 down 1
المشيعلي 454 3368
قبل 8 سنه و 2 شهر



ويا ابو يزيد والله هذي المشكلة 
ياخي طيب خربانة خربانة
يعني اذا بتبلش فيها بتخربها
طيب هي اصلا خربانة وبعدين حتى اذا فكيتها وما عرفت تكمل عادي
لمة تروح عند الميكانيكي وتشوف كيف يصلحها تاخذ خبرة
يعني اذا خرب عليك مرة ثانية تعرف تصلحة لوحدك


up 0 down 0
moathyaseen 1393
قبل 8 سنه و 2 شهر



موضوع جميل .....
انا عن نفسي ما اروح الورش الا للحاجات الصعبه
لكن الحاجات الخفيفه انا اسويها بنفسي وماعندي اي
مشكله اذا خربت شي او كسرته 
احس حالي مبسوط وانا اشتغل في سيارتي او في البيت او اي شي 



up 1 down 1
yahia qarn 486
قبل 8 سنه و 2 شهر



ما اروح  على الورشة  الا على عشان  الرافعة   ولو عندي رافعة  ما يشوفو  وجهي  حقين الورش  



up 1 down 0
abd_alrhmn 2352
قبل 8 سنه و 2 شهر



اذكر مرة انا والوالد الله يحفظه غيرنا المساعدات واليايات حق البيوك رود ماستر تحت البيت 

طبعا حاليا عندنا ماركيز غيرنا فيه اقمشة و بكرات وشداد وسير ونظفنا الثروتل و غيرنا الكويلات وغيرنا لمبات الطبلون وشحمنا الجلود تبع المقصات وامور بسيطة تحت البيت 

والحمد لله ما نحتاج للورشة الا في الامور الكبيرة اللي تحتاج حفرة او عدة صعبة 


up 1 down 0
عبدالعزيز باعبدالله 164
قبل 8 سنه و 2 شهر



كنت اشتغل بالسيارة بنفسي ايام الدراسة اما الحين الله يخلف يمكن لو بنشرت بحمل السيارة بسطحة ههههههههه. 


up 1 down 0
raselny 222
قبل 8 سنه و 2 شهر



واللي يعرف يشتغل لكن مايعرف وين الخلل وش يسوي؟

>> مرفعه حرارة السياره !!


up 0 down 1
ammar-512 21
قبل 8 سنه و 2 شهر



اكيد جربت اشتغل بسيارتي  

 وياليت بس عندك مكان وعده  والله اشتغل بسيارتي  بنفسي واوفر 


up 0 down 0
سكودر 14928
قبل 8 سنه و 2 شهر



اللي ما يعرف يتعلم واللي يعرف ما جاته المعرفة من الهوى ولا خرج من بطن امه عالم 

لازم تتابع الورش وتجلس معهم وتتعلم وتجرب وتغلط مرة واثنين 

لكن مشكلة اكثر الشعب انه يرمي سيارته عند الورشة ويقول برجع لك في الوقت الفلاني او اذا جلس ما يتابعه يعني بس يوقف ويتمشى في الورشة بين القطع




up 1 down 1
عبدالعزيز باعبدالله 164
قبل 8 سنه و 2 شهر



سيارتي كامري 2005 ركبت لها صدام وشمعات واصطب خلفي وفلتر البنزين وكشافات ومسجل ولامبات الديكور حقت المكيف وبواجي ومساحات واشياء اخرى والحمدلله وفرت فلوس وافتكيت من شغل الورش


up 0 down 0
ابوسلطان الزهراني 580
قبل 8 سنه و 2 شهر



 لمعت الاسطبات والانوار الامامية وركبت براقات ..وكمان نظفت فلتر الهواء والمكينه ..حساس الشكمان كمان نظفته 
لمعت داخلية سيارتي .... اتمنى يكون عندي حفرة بس والله لا أبدع في السيارة بس للاسف مافيه


up 0 down 0
m11013 923
قبل 8 سنه و 2 شهر



لا ما احاب افتي من راسي باشياء ما اعرفلها والاسعار عارفينها يعني اطلق شنب ميكانيكي او كهربائي ما يقدر يبلفني بس انا شخصيا ممكن اسوي اشياء بسيطة مثل وزن شمعات تثبيت صدامات كذا يعني 


up 0 down 0
00700 542
قبل 8 سنه و 2 شهر



انا مره وحده كنت ابي انظف منظم الهوا بنفسي وجبت العيييييييييد ما عرفة ارجعه لكن طلبة صديق من احد الورش المجاوره وعدة على خير ويقولك المثل اعطي الخباز خبزه حتا لو اكل نصه وسلالالالالامتكم



up 1 down 0
جبل ما يهزه ريح -10
قبل 8 سنه و 2 شهر



انابصراحه ماشتغل بنفسي لكن عندي خبره الحمدلله في تشخيص الاعطال انادايمن لم اروح لميكانيكي اقوله غير كذا وغير كذا بس وامشي من عنده وتطلع كل الخرابات من الاشياء الي غيرناها


up 0 down 0



@# ياجماعة  انصحكم نصيحة لوجه الله

لاتشتغل في سيارتك اذا كانت مو ب اسمك او شي زي كذا 

لاني دايم اشتغل في سيارتي وقبل اسبوع كان الوقت قبل العصر الساعة 3 يمكن 

كنت شغال في سيارتي عند البيت وفاك الديكورات والكبوت وكذا جا عسكري بيب بيب رحت له 

قال وش تسوي ؟ السيارة لك ؟

قلت ايوة حقي وقاعد اصلح فيها

قال جيب الاثباتات  اخذها ورفع القزاز

واتصل ع المركز يحسبني سارقها او مبلغ عليها وانا قاعد ازيل اثار الجريمة

المهم وانا واقف جنب سيارته هو طول وانا طفشت رحت اكمل شغل وخليته يشوف شغله

شوي دق لي بوري وناداني ب اسمي جيت اعطاني اوراقي وراح

..وانا الحمد لله وضعي تمام رخصة واستمارة السيارة وتامين كلله ب اسمي



وما حصل شي الحمد لله

اذا كانت مو باسمك يمكن يحسب سارقها وقاعد تغير معالمها او اي احتمال ثاني

يعني ينصح الشغل في مكان مغلق للشغل الكبير اما تغير لمبة وكذا عادي ماتاخذ وقت

بس شي يبغاله فكفكه ووقت !! هنا المشكلة

يلا الله يحفظكم



up 2 down 0
feroo li 1816
قبل 8 سنه و 2 شهر



أنا ولله الحمد اشتغل بيدي من كل شي والشغلات الكبيره وانا انزل مكاين لوحدي واستمتع
بالشغل وانا ما عندي مانع لو اقعد ساعات بس بالشغل بس اهم شي عندي أكون مروق ولوحدي
ويا كرهي اذا تجمعت علي الجيران فوق راسي اللي يسأل واللي يفتي من راسه واللي يسرق من 
العده ولا يجيك واحد يقول ابي مفتاح كذا وارده لك.
وتصير معي مواقف بالشغل اذكر مره شريت شفر كابريس وشلحته عند الباب وانا قاعد اشتغل ولا 
ما حسيت الا البحث فوق راسي قال وش تسوي قلت شوفت عينك قال سيارتك قلت ايه وانا السياره 
شاريها من وأحد اعرفه بدون نقل او أوراق قال يعني السياره لك مو مسروقة قلت يا اخوي بالعقل 
اجيب سياره مسروقة وعند بيت الوالد افككها كلمني بالعقل اقتنع الرجال بكلامي مع انه ما شاف 
حتي اثباتي قالي يا اخوي انتبه ترا في واحد من جيرانك هو اللي بلغ عليك وانا جيرانا اعرفهم من 
سنين وعلاقتي معاهم زينه وراح الرجال وألحقه وأمسكه من يده واحلفه بالله من اللي بلغ قالي يا ابن
الحلال والله ما اقدر أعلمك ولا اعرفه انا جاني الضابط قال الموضوع كذا كذا ورح شف وش موضوع 
الرجال والسياره وهذا انا جيتك وبعدها مشي الرجال وما شفتها بعده .
واذكر مره صار موقف معاي طريف ويضحك عندي اثنين من جيراني مسميهم يأجوج ومأجوج والرجالين
هذولا ودهم يتعلمون الميكانيكا وهم بطات الواحد فيهم وزنه فوق ١٠٠ واذكر مره قاعد اركب ماكينة شفر 
مشبوكه مع القير وعندي رافعة البلانكو فيه كم سن مكسوره وهي ترفع بس لما توصل عند السن المكسور 
تفرط ولازم ارفعها بسرعه ورفعة الماكينه والقير لاني ابوزنها علي كرسي الماكينه مو راضيه تدخل ولما اشوف
وش عند الكرسي ولا لي الكمبريسر طايح علي الكرسي وارفع الماكينه فوق ورفعتها بارتفاع كبير ولا تفرط الرافعه
وتجي الماكينه مروحه علي والرافعه اذا فرطت صوتها عالي ومزعج وتنزل الماكينه بسرعه وأمسك الجنزير بيدي وثبتت
الماكينه والحين لازم اثبتها وارفع راسي وانادي ياجوج ومأجوج يا فهد يا عامر ولا ما حولي احد اتريهم لما طاحت الماكينه
يحسبونها طاحت علي وذبحتني وهربوا لبيوتهم من الخوف هههههه والله وانزل الماكينه واحط سكروب بالجنزير واثبته ونزلت 
الماكينه بعدها شوي شوي قلت يا رجال الحين انا تعبت وانا سهران والحين الفجر خلني اجمع العده واروح أنام والعصر أشد
الماكينه والمسامير ورحت نمت وأقوم العصر وأكمل شغل ولا ما حسيت يأجوج ومأجوج فوق راسي هههههههه يقولون انتي حي 
ما مت نحسبك مت وقلنا اكيد عند بيتكم عزا ههههههههه والله هالموقف ما انساه طول عمري وصارله اكثر من عشر سنين وياجوج 
ومأجوج تزوجوا وعندهم عيال الحين واذكرهم بالموقف هذا واضحك عليهم 
والله ياما تصير معي مواقف بسبب الميكانيكا .
أشكرك علي الموضوع 
وتحياتي لك ^_^ 


up 2 down 0
foxzx 1593
قبل 8 سنه و 2 شهر