كم يستغرق نقل الملكيه

نفس اللحظه اذا مفحوصه 

دقايق وانت واقف

في نفس اللحظه في شيء اسمه نقل فوري , اما لو تبغى تخلي السياره بالمعرض عشان سعر ارخص لنقل الملكية تقدر تصبر لها لليوم الثاني - بس فيه نقل فوري بنفس اللحظه !!

غريباوي يا اخوي انت سألت وجاوبت علي نفسك 
أيه نعم تسوي مكاتبه بالمعرض والبائع يأخذ فلوسه 
ويوقع تنازل بالمعرض عن السياره والسياره تنحجز 
بالمعرض وما يفرج عنها الا بعد ما تتحول باسمك لان 
المعرض يأخذ صوره من الاستماره ويخليها عنده هذا 
اللي اعرفه من سنين هم شغالين علي هالنظام ولو عندك
معرفه بالمعرض تاخذ سيارتك وتتوكل بس بعض المعارض 
تخاف لان اول ما يوقع البائع علي التنازل وتنحجز السياره
بالمعرض المعرض هو مسؤول عن السياره وحتي لو احترق
المعرض هو يعوضك والتحويل والنقل هذا علي مندوب المعرض
اذا رجال كان حركي وحامي يقدر يخلصها لك بيوم ولا يومين
واذا دمه بارد وكسول الله يعينك عليه أطول من اسبوع الي ١٠ ايام
ونصيحه لك بالبيع والشراء خلك رسمي وتعاملك رسمي تشتري السياره
ادفع للمعرض وخذ سندات قبض واذا قالك المعرض يا رجال ما يحتاج سند
قبض قل اذا ما فيه سندات قبض كنسل البيعه وهذا من حقك لان بعض المعارض
نصابين يقول كذب ما عطاني شي خلك رسمي ومكشر ولا تضحك بوجيهم وترا هم
الشريطيه والمعارض يحاول يستظرف دمه يبي يشوف وش انت من رجال ينوكل حقك
ولا ما ينوكل وانا اكتفي بالكلام هذا وما ودي اكمل لان الكلام بالمعارض وأهل المعارض
يشيب الراس ولا يخلص الكلام .
انتبه والله يوفقك 
تحياتي

برنامج (( تم )) الجديد وانت واقف ينقلها لك

الان وانت جالس بالمعرض تقدر تنقلها وتطلعها من المعرض وتجي بعد كم يوم وتستلم الاستمارة

اخوي بعت سيارة من حوالي شهر المكتب اعطى المشتري (ورقة فيها بيانات الاستمارة وتكون باسم المشتري الجديد ) والاستمارة تاخده بحسب الاتفاق ممكن نفس اليوم او بعده

في نظام جديد اعتقد اسمه برنامج تم
والرسوم اكثر من اول كلفت حوالي 430 ريال وسلمه السيارة وقال له اي مخالفة من الان عليك وليست على البائع وسيارتي كانت مؤمنة باسمي والمكتب ماطلب تأمين باسم المشتري المهم تأمين ساري المفعول

اشكر جميع من رد وشكرا لكم على  التوضيح