أضف سؤال أو موضوع جديد          

ما هي ارخص السيارات في امريكا؟

up 4 down 2
mat2rain 246
قبل 7 سنه و 6 شهر



بسم الله الرحمن الرحيم
السلام عليكم ورحمة الله وبركاته

اخواني الاحباء
احببت ان اسأل عن ارخص السيارات في امريكا

للتوضيح انا ما ابيها تجارة | ولا ابي اشحنها للمملكة بعد

انا مسافر ان شاء الله امريكا للدراسة ولمدة خمس سنوات ( ولاية فلوريدا - مدينة غينس فيل )

وابي اشتري لي هناك سيارة سيدان مستعملة بس ما ابي موديلها اقل من 2006

ابيها 4 سلندر (اقتصادية) مثل ما تعرفون البانزين هناك غالي

ايش اقتراحاتكم لي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يوفقك بدراستك

اقطرح لك اكسنت او صني ...

الله يكون بالعونك المعيشه بالغرب غاليه 


up 3 down 2
raeed.55 287
قبل 7 سنه و 6 شهر



الكامري - الاكورد - السفيك - والجموس ترا اسعارها 10 الاف دولار ما يقارب 37 الف ريال موديل 2007 والفوردات ايضا 2006 على 25 الف ريال تقريبا لكنها 8 سلندر هي والجمس :(


up 0 down 2
ابو يزيد 000 8712
قبل 7 سنه و 6 شهر



ولد عمي يدرس بي امريكا شراء كمارو 2010 بسعر 34 الف شرها بولايه تكساس بمعرض مستخدمه خفيف  وباعها 70 الف بسعوديه ويقول سيارات رخيصه هناك 


up 0 down 1
سكودر 14927
قبل 7 سنه و 6 شهر



يا اخوي انت رح وشف الأوضاع اول شي وبعدها فكر بسياره 
ترا التصليح والصيانه غاليه هناك اذا تبي تاخذ شي خذ شي نظيف
لان هناك التصليح يتعاملون بالساعة والساعه ١٠٠ دولار ولا تنسي 
ان بأمريكا الطالب له امتيازات يركب المواصلات ببلاش الا التاكسي 
وغير الخصومات انا عندي اخوي الأصغر مني يقول قبل لا يروح لامريكا
انه اول ما يوصل راح يشتري سياره ولما وصل هناك شاف التصليح والصيانه
والبنزين غالي نار تدري وش شرا والله العظيم شرا سيكل ويستعمله بالمدينة 
ويروح عليه للمعهد واذا يبي يطلع بالويك اند يقول أسافر ومعاي السيكل 
يقول اركب الباص ويحط السيكل علي الصدام الأمامي وفيه علاق للسياكل 
واسافر لمنطقه ثانيه واستانس بالويك اند وارجع نفس الحاله اعلق السيكل 
بصدام الباص وارجع لمنطقتي وهو ساكن بسكارمنتو بولاية كالفورنيا يقول
لدرجة واحد من عيال الرياض جديد قال ابشتري سياره قاله اخوي يا رجال
اشتر سيكل وضحك قال من جد تتكلم قال اخوي يا رجال محد يعرفك وثاني 
شي رجالهم وحريمهم علي سياكل واقتنع الرجال وشرا سيكل وصاروا يروحون
ويجون مع بعض ومستناسين علي السياكل ويقول سوينا قروب سياكل بالمعهد
ههههه واخوي يقول سبحان الله عندي بالسعوديه ٣ سيارات وبأمريكا عندي سيكل 
وانت اول شي شف الوضع وبعدها قرر وشف الشركات اللي متعاقده مع السفاره 
السعوديه بتسهيل علي الطلاب انهم يشترون سيارات منها شركة فلوكس واقن 
نصيحه لا تستعجل انت أستشير اول وثاني شي عندك سيارات الطلاب المبتعثين
اللي خلصت بعثتهم تلقاه يعطيك سيارته عطي ويقولك كمل باقي اقساطها .
والله يوفقك وترجع رافع راسك بالشهاده
تحياتي


up 10 down 1
foxzx 1593
قبل 7 سنه و 6 شهر



اغلب السيارات الي تشوفها في شوارعنا بتحصلها هناك رخيصه نوعا ما وبسعر معقول


up 0 down 0
iturki1 540
قبل 7 سنه و 6 شهر



وما ازيد على كلام foxzx  ان البنزين غالي وسعره يتغير ويفرق من محطة لمحطة وكنا نعبي اكسنت 2007 فل بنزين 87 اردى نوع بحدود 140 ريال لذلك خذلك كرت الباص بحدود 69$ وحاول تعرف اوقات الباص وتقدر عن طريق خريطة الجوال وحط المحل اللي بتروح منه ووين بتروح واختار وسيلة المواصلات اللي هي الباص ويطلع لك كم باص بتركب والوقت التقريبي للرحلة وارقام الباصات بس المشكلة اللي كانت تواجهنا ان الوﻻية اللي حنا فيها اخر دوام للباصات على الساعة 8 وهو الوقت ذا يكون تقريبا حول المغرب عندهم يعنى يبيلك تعرف تنظم جدولك وانتبه ترا بعض شوارعهم بفلوس تمر فيها اذا معك سيارة ومخالفاتها غالية اذا ما دفعة للشارع


up 2 down 0
ابوابراهيم ksa 1391
قبل 7 سنه و 6 شهر



والله السيكل فكرة ممتازة ولو حبيت ممكن تاخذ دباب


up 1 down 1
raselny 222
قبل 7 سنه و 6 شهر