أضف سؤال أو موضوع جديد          

بخصوص تجليد السياره والجنوط

up 2 down 0
mrabdullah 1349
قبل 8 سنه و 3 شهر



السلام عليكم ورحمة الله وبركاته

حبيت أسأل عن تجليد السياره , في أحد جربه ؟

كيف لو بأفكه هل أقدر ولا يعدم السياره ؟ 

لو واحد حكني ولا صدمني هل يتغير التجليد واحصله متوفر ولا اتورط فيه
وهل يتغير لونه ام لا ؟

كم المده الي يقعدها التجليد ؟ 

وهل يتحمل حرارة الشمس ؟

وانا حدي فيها 2000 ريال يعني ما عندي نيه ادفع اكثر وافضل لو حصلت ب 1500

كيف اعرف النوعيه كويسه وهل التركيب صحيح ام لا ؟

وهل ممنوع من المرور علماً إني بحط ذهبي نفس الي في الاستماره بس التجليد الذهبي يلمع
مدري هل اللمعه هذي ممنوعه لان بعضهم يقول تعكس ساهر وغيرها فبالتالي ممنوعه

والتركيب هل يكون شغلهم نظيف ولا فيها عيوب ؟

ايش هي التجليده الالمانيه ... وانا عندي رش فباب الراكب الي خلف السائق ومعجون بسيط جداً
هل فيه مشكله ولا مافي ان شاء الله ؟ 
انا اقصد والتجليد راكب لكن بعد الفك لو خرب شي ماهي مشكله اساساً الباب كامل ببويته في الوكاله ب 750 ريال




اسف على الاسئلة الكثيره بس محتاج معلومات

وانا بسوي سيارتي نفس لون البورش الي في الصوره او الكاديلاك ان شاء الله

علماً  أن سيارتي جيلي ec7  صورها موجوده

وبالنسبه للجنوط هل لو ركبت جنوط اكبر وبارزه اكثر يضر السياره ؟

لأن جنوط سيارتي موديل 2012  صغيره كذا وداخله على جوه شويه 

وصراحه شكلها مو عاجبني 

وانا سمعت انه لو كبرت الجنوط وحطيت 17 تصير السياره راسيه وافضل في المطبات

هل الكلام هذا صحيح؟ 















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يعطيك العافيه اخوي

انا ماني رغبان في لون مطفي 

انا ابغى اجلد عشان اللمعه غير كذا ماني مجلد

طيب لو واحد حكني في الباب مثلاً هل ارجع اجلد الباب فقط ولا اجلد السياره بالكامل مره ثانيه ؟ 


up 0 down 0
mrabdullah 1349
قبل 8 سنه و 3 شهر



التجليد افضل من الرش
التجليد يروح عند التلميع الساطع بسهوله
لكن الرش حتى لو راح بيبقى اثره بين الابواب والفراغات الصغيره

واتمنى يا اخواني تدعمني بلايكات ابي اشارك تكفون


up 5 down 1
coco13 893
قبل 8 سنه و 3 شهر



شكراً لك أخوي




up 1 down 0
mrabdullah 1349
قبل 8 سنه و 3 شهر



اعطيتك لايك اخوي

بس بسأل هل فيه رش نفس اللمعه الي انا ابغاها وكلها مطفيه

يا اخوان انا ابغى نفس الي في الصوره الذهبي المعكوس الي كأنه ذهب

غير كذا ما افكر اسوي شي

بس لان الشكل الذهبي واللون الذهبي الي في الصور عاجبني اكثر من سيارتي 




up 0 down 0
mrabdullah 1349
قبل 8 سنه و 3 شهر



اخوي تألمت تتوقع زي سيارتي كم متر تحتاج ؟






up 0 down 0
mrabdullah 1349
قبل 8 سنه و 3 شهر



اخوي طبعا اللون اللي تبيه ممنوع وما ينفع الا لو عندك واسطة قوية 
عادة التجاليد اغلبها مطفية 
وازالتها افضل من الرش وتقريبا السيارة المتوسطة تكفي 15 متر وممكن يزيد مع سيارتك
الجنوط لا تركب كبير مرة لانه تعملك قربعه في السيارة 
وبالنسبة لحكة التجليد يحطلك تجليد مكان الحكة وبالحرارة وتترقع 
وبالنسبة للاسعار من 2000 الى 3000 والسعر حسب الجودة طبعا والضمان 
والمعجون بيعدم البوية حسب كلام اكثر راعين التجليد
وهذا اللي اعرفه


up 1 down 0
sosisos 615
قبل 8 سنه و 3 شهر



قبل كم يوم اخذت تجليد نيكل أصلي تايواني المتر بـ 120 ريال ! , يجيكـ مررة غالي , واذا كان لكـ نية تشتري الافضل في النيكل التايواني , لكن اخوي المرور والله راح يجننوكـ يندموكـ انكـ سويته بالذات في النيكل , سمعت انه ممنوع في الصباح عشنه عاكس عالناس وله شروط روح استسفر عنها في المرور , بس مستحيييل يكلفكـ اقل من 4000 بشغل اليد !


up 1 down 0
موليا 772
قبل 8 سنه و 3 شهر



هلا فيك اخوي الغالي

اجابه علىى سؤالك الاول

كيف لو بأفكه هل أقدر ولا يعدم السياره ؟

انا اعرف واحد معه كومارو 2010 جلدتها 3 مرات و الحين رجع لون الوكاله , والسياره ما فيها شيء ولا اثرت على البويه الاصليه , يمكن اثرت بالكثير 10% من البويه الاصليه للي بيدقق لكن بشكل عام ما اثرت


اجابه على سؤالك الثاني

لو واحد حكني ولا صدمني هل يتغير التجليد واحصله متوفر ولا اتورط فيه
وهل يتغير لونه ام لا ؟

تروح لم اللي جلد لك السياره , وراح يجلد لك الباب فقط من جديد


اجابه على سؤالك الثالث


كم المده الي يقعدها التجليد ؟

وهل يتحمل حرارة الشمس ؟

راعي الكومارو جلدتها 3 مرات , وتقريبا كل 4 شهور يغيرها , طبعا احيانا تطلع فقاعات صغيره جدا في منطقه معينه بسبب الشمي فالافضل توقف بالضل و يقول يمكن يتغير لونها بشكل تدريجي بسبب الشمي وما تلاحظه الا بعد فتره , يعني ما ادري اذا طولت يمكن يطلع فيها عيوب وخصوصا تحت الشمس

اجابه على سؤالك الثالث

وانا حدي فيها 2000 ريال يعني ما عندي نيه ادفع اكثر وافضل لو حصلت ب 1500

راعي الكومارو جلدتها ب 3 الاف ريال , في مركز 3M , وطبعا جلدتها 3 مرات واحد المرات جلدها ( احمر نيكل ) مثل اللي بالصوره ولكن احمر وطلعت التكلفه اعلى طبعا

اجابه على سؤالك الرابع

كيف اعرف النوعيه كويسه وهل التركيب صحيح ام لا ؟
والتركيب هل يكون شغلهم نظيف ولا فيها عيوب ؟

راعي الكومارو يقول افضل جلاد هو الجلاد الالماني

اما بخصوص الشغل , فـ على حسب المحل اللي بتروح له , لو 3M اكيد بيكون الشغل ممتاز لانها شركه معروفه , لكن لو بتروح محل ثاني فما ادري يمكن ما يظبطون لك الشغل زين , ولعلمك الاسعار في المحلات العاديه من 900 ريال ويوصل الى 1800 ريال لـ حجم سيارتك


اجابه على سؤالك الخامس

وهل ممنوع من المرور علماً إني بحط ذهبي نفس الي في الاستماره بس التجليد الذهبي يلمع
مدري هل اللمعه هذي ممنوعه لان بعضهم يقول تعكس ساهر وغيرها فبالتالي ممنوعه

نعم ممنوعه , وراعي الكومارو يوم جلدها احمر نيكل يقول الدوريات كل شوي تقولي وقف , ولكن انا معي كومارو اذا في راسه شيء خله يلحقني , يقول لانها ممنوعه فاحط رجلي وهي التجليده الوحيده اللي على طول غيرها , ويقول لازم يكون معك واسطه قويه من المرور عشان تقدر تطلع لون نيكل



ايش هي التجليده الالمانيه ... وانا عندي رش فباب الراكب الي خلف السائق ومعجون بسيط جداً
هل فيه مشكله ولا مافي ان شاء الله ؟
انا اقصد والتجليد راكب لكن بعد الفك لو خرب شي ماهي مشكله اساساً الباب كامل ببويته في الوكاله ب 750 ريال

التجليده الالمانيه هي افضل تجليد , ولكن اسأل وقول اللصق وشو , اذا قالوا لك 3M فهذا افضل لصق , ويروح بالتمليع الساطع

عكس الرش المطفي يعدم البويه ويخليها مبهته و لا يطلع كامل , يبقى اجزاء كبيره ,فكل اصحاب السيارات اللي راشينها مطفي مستحيل يرجع لونها حق الوكاله الا بالرش من جديد

وللعلم فيه تجليد مطفي !! , افضل من الرش المطفي , لان الرش ما يطلع ولازم تعيد صبغ السياره من جديد , بعكس الجلاد المطفي يطلع بالتمليع الساطع , لكن احرص تاخذ نوعيه ممتازه ولصقها 3 ام عشان يطلع بالتمليع , لان فيه لصق قوي ممكن يقشع البويه

واما بالنسبه للباب اللي فيه رش ومعجون , نعم اذا شلت الجلاد راح يتقشر الباب عليك ولازم تعيد رشه من جديد

وملاحظه يمكن تفيدك , اول 3 ايام بعد التجليد لا تتعدى سرعه 80 كم بالساعه , عشان اللصق يمسك زين ولا يطلع فيه فقاعات او ما شابه

اجابه على سؤالك التالي

وبالنسبه للجنوط هل لو ركبت جنوط اكبر وبارزه اكثر يضر السياره ؟

ما فيه مشكله لو تركب جنوط اكبر , بشرط انه اكبر من حقت الوكاله بواحد انش الى 2 انش بالكثير , مثلا لو جنوطك مقاسها 15 , افضل مقاس تركبه 16 , ويجي بعده مقاس 17 لكن 16 افضل , لانه بيكون لين على السياره اكثر وبيكون نفس جنط السابق , ولا مضره من جنط 17 ولكن راح تقسى شوي عليك

اما بالنسبه للتبريز فما انصح فيه , يقولون يرج بالسياره


اجابه على سؤالك التالي

وانا سمعت انه لو كبرت الجنوط وحطيت 17 تصير السياره راسيه وافضل في المطبات

اعرف واحد معه النترا 2009 جنوطها 15 اتوقع , قام وغيرها الى جنوط النترا فل كامل مقاس 17 وشراها من الوكاله

ويقول والله انها سارت ارسى من اول بكثير , لكن المطبات يقول ما تغيرت عن جنوطي الاولى , لان السياره اصلا قاسيه مع المطبات ويقول يمكن الجنوط الكبيره اقسى بشوي لكن ارسى من مقاس جنوطي الاول 15

فلو بتغير انصحك تغير بجنوط وكاله اصلي عشان تكون راسيه , اما لو بتغير تجاري ما اتوقع راح ترسى بالشكل اللي انت متوقعه


اتمنى اكون افدتك اخوي

تقبل تحياتي اخوك ابو يزيد


up 5 down 0
ابو يزيد 000 8712
قبل 8 سنه و 3 شهر



يعطييييييييييييييييكم الف عافيه شباب

وشكراً ابو يزيد ما قصرت والله 

اجابه وافيه وكامله

ودام إن اللماع الذهبي ممنوع اجل بطلت من التجليد

لاني انا بجلد عشان هذا الموضوع اذا ممنوع فما راح استفيد شي 

شكراً للجمييييييييييييييييييع 




up 1 down 0
mrabdullah 1349
قبل 8 سنه و 3 شهر



اخوي بالنسبة لسؤالك عن الجنوط كل ماكانت أكبر راح تزيد الرساوة لاكن راح تقل الراحة السيارة ماراح تكون مريحة 

سؤال بسيط الصورة اللي فيها  جيلي ملبقة وين المكان فيه ماشاء الله اعجبني


up 1 down 0
hamad2008 1557
قبل 8 سنه و 3 شهر



المكان في كباين المرجان في جده 

اول فله على يدك اليسار 

ويعطيك العافيه على المعلومه
ولك لايك



up 1 down 0
mrabdullah 1349
قبل 8 سنه و 3 شهر