أضف سؤال أو موضوع جديد          

اعتقد اسمه حراج -- مو حاول تاخذه بارخص سعر ...

up 6 down 3
YASSER505 4167
قبل 5 سنه و شهر



يا جماعة مستخدمين الموقع اقرفوا اهل اهل اهل اهلي


يحسبون الواحد اذا عرض شي يعني خلاص يبغى يرميه بالزباله ويكسر لك ابو السعر

والله انهم سايمين لي حاجه باقل من نصف السعر وحاط رقمه بعد ويقول مستعجل هههههههه

يعني اخلص علينا واحمد ربك اني سمته بهالسومه

والله اني كرهت البيع وقلت ارميه فعلاً بالزبالة ولا ابيعه بهالسعر وهالطريقة

وش رايكم ؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وسع صدرك اخوي وكلامك صحيح فيه ناس تبخس في سعر السيارة بشكل رهيب والله يوفقك بالبيعه الي تسرك


up 1 down 0
ابوليلي المهلهل 284
قبل 5 سنه و شهر



اخوي كل سلعة لها مكانها انا اشوف غلطان اللي يعرض سيارة تستاهل فوق50 هنا ودها المعارض وبعدين اشوف ناس يعرضون زد ار1
او شيلبي او سنتغراي منجدهم؟؟
ودوها صالات او معارض والله تجيب لهم فرق 


up 0 down 0
m11013 926
قبل 5 سنه و شهر



لا والي يجيك يسوم سومه ويبخس أوم قيمة السياره ويقول السومه لمدة يومين أو ثلاث ايام لا لا تكفى :D


up 1 down 0
عسى ربي يفرجها 40
قبل 5 سنه و شهر



انا اتكلم عن عموم السلع

مو شرط سيارة ,, حتى لو تعرض جوال قيمته ريال جاك واحد يقول ابيه ب 0.75



up 0 down 1
YASSER505 4167
قبل 5 سنه و شهر



انا الي حصل انه جاني بالخاص وسايم ب 600

والجهاز يسوى اكثر 3 اضعافها ..!!!!!


ولا قبل فتره عارض سيارة تسوى 12 بدون طمع بالسعر

والله يا اخوواان انه جا واحد راسل لي رسالة خاصة ويقول 3 الاف ولا ابشوف سيارة غيرها ,, لا تكفى هههههه ومن هذاك الوقت مبطل البيع حوالي 3 سنوات للحين السيارة موجودة ..!!


يكرهونك بحلالك ياشيخ :(


up 0 down 1
YASSER505 4167
قبل 5 سنه و شهر



طول صبرك يالغالي ولاتحرق اعصابك كل واحد على كتفه ملك ويسجل.بخس السلع.
ومكتوب بالموقع آيه كريمه.ولا تبخسوا الناس أشيائهم.


up 2 down 0
عقاب آل مطير 185
قبل 5 سنه و شهر



الله يهديك التجارة والبيع والشراء يبي له طولة بال وسعة صدر وصبر وصدقني الزبون بيجيك ولو طال الوقت وبالسعر الي تبيه أنت ولكن الصبرالصبر
 وثلاث ارباع الي يسومون بالموقع اطفال ومراهقين لو تنفضه ماحصلت معه 100 ريال 


up 3 down 0
sokar1983 271
قبل 5 سنه و شهر



لا لا

نحسن النية فيهم ,, لكن انا اقصد انه يسوم باعتقاد ان الواحد يبي الفكه من سيارته او من جهازه وكذا


بس اقصد هالمعتقد انا


up 0 down 0
YASSER505 4167
قبل 5 سنه و شهر



الحراج يبدأ من سعر منخفض لين يوصل للقيمة الفعلية لأي سلعة كانت !!!!! يعني أنا عارض
جوال يسوى لها 1000 ريال طبيعي ما راح يبدأ السوم من 900 ، يبدأ مثلا" من 600 أو 
700 لين يوصل السعر اللي يرضيني كبائع و يرضي المشتري ، أخبارك ياسر من زمان عنك ؟


فعلا خصوصا اللي يكلمك في الموقع وتتفق معاه وتتبهدل وتقابله 
ويجيفي وجهك يعطيك سعر غير ويقولك تكفى !! 
فعلا انا افضل ارمي حاجتي في الزبالة الله يكرمكم ولا ابيعها لواحد يبخسها 


up 1 down 0
sosisos 614
قبل 5 سنه و شهر