أضف سؤال أو موضوع جديد          

مقارنة اسعار السيارات 2003 و2006 و20012 واسباب ارتفاعها الحقيقية

up 12 down 2
lahab400 631
قبل 6 سنه و 9 شهر



بسم الله

********** مقارنة تقريبية للاسعار بين الاعوام (٢٠٠٣) و (٢٠٠٦) و (٢٠١٢) **********
********************************************************************************

   (السيارة)     (عام٢٠٠٣)     (عام٢٠٠٦)     (عام٢٠١٢)     (الفرق بين٢٠٠٣ و٢٠١٢)

١. اكسنت         ٢٧ ألف           ٣٧ ألف         ٤٠ ألف                *(١٣ ألف)*
٢. إلنترا           ٣٣ ألف          ٤٠ ألف          ٥٥ ألف                *(٢٢ ألف)*
٣. سوناتا          ٤٠ ألف          ٥٠ ألف          ٧٣ ألف                *(٣٣ ألف)*
ـــــــــــــــ
٤. كورولا         ٤٢ ألف          ٥٢ ألف          ٥٦ ألف                *(١٤ ألف)*
٥. كامري         ٥٣ ألف          ٦٥ ألف          ٨١ ألف                *(٢٨ ألف)*
٦.لاندكروزر    ١٠٠ ألف        ١٤٢ ألف         ١٩٢ ألف               *(٩٢ ألف !!)*
ـــــــــــــــ
٧. سيفيك          ٣٨ ألف          ٥٢ ألف          ٧٢ ألف               *(٣٤ ألف)*
٨. أكورد          ٥١ ألف          ٦٦ ألف          ٩٤ ألف               *(٤٣ ألف)*
ـــــــــــــــ
٩. فوكس          ٤٤ ألف          ٤٨ ألف          ٦٣ ألف                *(١٩ ألف)*
١٠. توروس      ٦٠ ألف            -----            ٩٩ ألف               *( ٣٩ ألف)*

********************************************************************************
** ملاحظة : مصادر الاسعار ( الإنترنت و موقع الراجحي ) ( وهي تقريبية )**


******* ترتيب أعلى السيارات إرتفاعاً *******
*****************************************
١. لاند كروزر  ( ٩٢ ألف ريال !!!!! )
٢. أكورد         ( ٤٢ ألف )
٣. توروس       ( ٣٩ ألف )
٤. سيفيك         ( ٣٤ ألف )
٥. سوناتا         ( ٣٣ ألف )
٦. كامري        ( ٢٨ ألف )
٧. إلنترا          ( ٢٢ ألف )
٨. فوكس         ( ١٩ ألف )
٩. كورولا        ( ١٤ ألف )
١٠. إكسنت       ( ١٣ ألف )
*****************************************

***** التحليل الاقتصادي و شرح الاسباب الحقيقية وراء الارتفاعات *****
****************************************************************
بسم الله 

(١). ارتباط الريال بالدولار .. (وهو السبب الاهم) :

** الشرح / 
يطول شرح هذه النقطة .. ولكن بإختصار .. الدولار كل سنة تقل قيمته بسبب ضعفة و بسبب
طباعة الحكومة الامريكية للكثير من الدولارات (( فتقل قيمت الدولار ))

** توضيح / 
س: أيهما أغلى الذهب أم التراب ؟ ولماذا ؟ 
ج: الذهب .. لأنه نادر الوجود .. اما التراب ففي كل مكان .

وبما أن امريكا .. تقوم بطباعة الكثير من الدولارات كل سنة .. ( أجل صار الدولار مثل التراب )
يوجد في كل مكان .... لذلك تقل قيمته في كل مرة تقوم أمريكا بطباعة المزيد منه.
وبما ان الريال مرتبط فيه ... إذاً الريال ينزل معاه.


(٢). طمع التجار :

وهذه النقطة فيها خلاف كبير ... لأن التاجر مضطر لرفع قيمت سلعته .. بسبب قلة قيمت الريال.
لأن الريال في ٢٠٠٣ كان يشري لك بيبسي .. الحين لازم ريال ونص عشان بيبسي .

** ولكن :  
طمع التجار يظهر في الارتفاع ( المفرط ) للسلعة ...
مثل اللاند كروزر ( ٩٢ ألف ) جدا ارتفاع غير مبرر.
بينما الارتفاعات التي بين (١٠ ألاف إلى ٢٠ ألف) على مدى ٩ او ١٠ سنوات معقولة و مبررة .
****************************************************************

*** إنتبة من الكذبة ***
********************
فيه كذبة دايم يرددونها المسؤولين 
وهي ان الارتفاع الكبير اللي حاصل ... هو بسبب التجار .. لكي يبعدوا اصابع الاتهام عنهم

وهذه أكبر كذبة .... 

بل الارتفاع بسببهم هم ... وربطهم الغير مبرر للريال بالدولار المتهالك .
********************

**** المستقبل .. ومايخفيه *****
للأسف ... سوف ترتفع اسعار السيارات اكثر واكثر .. وكذلك اسعار السلع 
بسبب انخفاظ الدولار و ارتباط الريال فيه
****************************


تحياتي أخوكم : لهب ٤٠٠ درجة  Lahab 400
**** الرجاء نشر الموضوع لتعم الفائدة .. وشكراً








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يارجال مافيه اي عذر ترفع الجيب 100 الف الا حرامي ابن حراامي والشرهه على حماية التجار المعفنه يعطيك العافيه لايك


up 4 down 0
lolo-ss 4524
قبل 6 سنه و 9 شهر



كفو يالهب والله اني استمتعت بقراءة موضوعك تدري ليش؟؟؟

احس ان كلامك يشفي الغليل من التجار الطماعين

ولك احلى لايك


up 5 down 0
أبوعوض 2210
قبل 6 سنه و 9 شهر



هاذي الموضيع الي ترد الروح استمر وفقك الله 


up 5 down 0
لافي يوسف 1155
قبل 6 سنه و 9 شهر



الله يقويك ويعطيك العافية على موضواعك الاكثر من رائع اشهد انه من اجمل المواضيع اللي بالمنتدى


واحلى لايك


up 5 down 0
bafaba 359
قبل 6 سنه و 9 شهر



تدري ان التجار مالهم ذنب المخطى كلها حماية المستهلك (التجار) كل شي ارتفع قيمتة الاكل والجوالات والملابس والايجارات
والاراضي والمواطن المسكين ماله غير الصبر لين ربك يفرجها


up 4 down 0
عبدالله فريح 836
قبل 6 سنه و 9 شهر



الان الريال السعودي مايسوى شي عند التجار والمستهلك نفسه وعند الصناعه الاساسيه 
كل ماحولك ارتفع سعره اي شي يخطر بالك ويفرح الموظف او المواطن بزيادات الرواتب 15% او20% ويحسبنه حصل فلوس واجد  ولكن الدوله تعلم بن الفتره التى صارت الزياده بها ان الاسعار غير راكده  وينفق كل ماعنده 
الذي يقع اللوم على حماية المستهلك لو تكل حماية المستهلك واتخذ كل اجرائته لكن خسرت الدوله الخساره العالميه  
وان رفع الاسعار ليس من قريب بل هو من بعيد بعيد جدا 
التاجر مكسبه من البضاعه 3 او 4 اريال حسب البضاعه  من راس مال البضاعه  ولكن اذا زاد راس مالها بيطلع مكسبه فوق الزياده ويستمر رفع الاسار على هذه الطريقه  الى ان يفرجها ربك


up 1 down 0
لافي يوسف 1155
قبل 6 سنه و 9 شهر



انا واقف على الفي اكسار بالتسعينات في وكالة ابو جميل ب 95 الف اليوم الفكسار ب 290 الف 
مهر الزوجه كان 30 الف اليوم من خمسين وطالع يعني وش عرف الشيبان بنزول الدولار
الا كله طمع هذا رغيف الخبز من يوم طلعنا على الدنيا بريال


up 3 down 0
ابوسطاام 3202
قبل 6 سنه و 9 شهر



أسباب إرتفاع السلع أولها وأهمها إرتفاع أسعار النفط من (22-26)دولار في عام 2001م - إلى أكثر من 60 دولار في 2006م وطبعا اللي يقول لازم تبقى الأسعار مثل ماهي سواء كانت 100 دولار ولا 20 دولار هذا ما عنده سالفه


up 1 down 0
mcmanaman 1805
قبل 6 سنه و 9 شهر



والله ( حماية المستهلك ) نايمـــــــــه
المفروض حماية المستهلك .. تدرس قيمة السياره وهي طالعه من المصنع .. وجمركها .
. وبعدين تجمع قيمة السياره .. وتضــــــع حد للوكيل بالربح

كلنــــأ يااخوان نعرف ان قيمة السيارات بدول شرق اسيا على اوروبا على الغرب بشكل كامل
 متقاربه معنا .. مع ان فيه فرق بالسعر ملحوظ
هــذ اذا واحد مننا حب يجيب سياره لــه كأستعمال .. او يتكسب منها ..

ولكـــن ( صاحب الوكاله ) يجيبها جملــــــه .. يعني بالجمله ارخص بكثير
وتحصل ربحـــه في السياره يوصل 25.000 كـ حد  أدنـــى

لان سياراته جايبها جملـــــــــــــــــــه !!

والغذاء بعــــــــد جملـــــــه !! لذالك تلاحظ بعض مراكز بيع الاغذيه تكون اسعارهم متفاوته بشكل كبير
واحيان يعلنون عن تخفيضات 50% ... << هل معقوله ينزل نصف السعر وهو خسران ؟


بس مشاكلنا بـ( حماية المستهلك ).......... نأيـــــــــــــــــــــــــــــمه ..


رشحوني إكون المسؤول عن حماية المستهلك تروني عاطل وراح اضبط الامور لكم ههههههه :)
عندي افكار جهنميه وأحسن شيء اني انام نومة شيبان بعد العشاء وأقوم الفجر .< يعني لاتخافون ماراح اتهاون هههههههه




up 1 down 0
dr:hdrz 308
قبل 6 سنه و 9 شهر



شكرا لك الردود .

** يا جماعة .. انا ما اقدر استفيض في شرح الاسباب الاقتصادية هنا .
لكن : صدقوني ... ان جشع التجار .. هو رقم ٢ بعد انخفاظ الدولار .


** اما اللي يقول : الشيبان وش فهمهم ... (( لو فرضنا انهم مايفهمون )) فالموضوع ماله علاقة فيهم .. الموضوع

له علاقة بالشركة الام ... (( ترفع سلعتها ريال <بسبب الدولار> .. والشايب يرفعها علينا ١٠<بسبب الطمع> ))


**أما حماية المستهلك : 
نعم .. حماية المستهلك نايمة ... (( ولكن .. من تقاضي .. إذا كان خصمك القاضي ؟ )) << وافهم يافهيم
هذا مطعم تشيليز (( يبيع لحم فاسد على الناس )) ولا قفلوه ... ((معليش .. بس حنى مواطنين درجة تحت الصفر))


** اما التخفيضات ٥٠٪ :
هذي موضوعها ثاني ... هذي ماتصير إلا في البضائع اللي لها تاريخ انتهاء ... (( نعم يبيعونها بخساره بسيطة ))
اذا ماعاد باقي في صلاحيتها وقت كثير .. (( يعني كم يوم وينتهي تاريخها ))

**ولو تلاحظ :
شوف تاريخ انتهاء اي بضاعة عليها تخفيض كبير .. وتأكد بنفسك .. (( يتخلصون منها على حسابك))
ويرجع راس ماله .. ولو بخسارة بسيطة .. احسن من انه يخسر راس ماله كله ... (( اما صحتك .. بسلامتها ! ))


up 0 down 0
lahab400 631
قبل 6 سنه و 9 شهر



يا جماعة : 

السالفة (( ماهي إرتفاع السلع )) ............................ السالفة بالمقلوب  (( إنخفاظ الريال )) 

***** يعني : البضايع ماهي قاعدة تطلع فوق .... حنى و فلوسنا اللي قاعدين ننزل تحت ******


up 2 down 0
lahab400 631
قبل 6 سنه و 9 شهر



كل اصابع الاتهام موجهة لهيئة الفساد سواء عن غلاء او اطعمة فاسدة او عمالة سيئة او انتهاء فترة المنتج ...
كلام معقول بس انوه للاخ لهاب ان الدولار قوي وهوا سبب نزول العملات والاسباب كثيرة على سبيل المثال التسليح والادوية
لايك جميل جدا :)


up 1 down 1
كارمي 2034
قبل 6 سنه و 9 شهر



طيب شوف بعام 2003 ايش  المواصفات وبعام 2012 ايش المواصفات 
زيادة السعر بسبب زيادة المواصفات


up 1 down 0
klmne 10
قبل 6 سنه و 9 شهر



ي رجال احلم انو يننفك ريال عن دولار ..ماعندنا غير النفط وذا مصدرنا
ولا عندنا غيرو من دخل للدوله .. ووالنفط ينباع بالدولار ي حبيب

شوفوا الكويت مو مربوطهه بالدولار ..وعملتها اقوى من دولار ضعف تقريبا !!


up 1 down 0
عاشق كولا 302
قبل 6 سنه و 6 شهر



لو ريال في 2006 الان = 59 هللة واللي يبي يتاكد يبحث يجريدة الرياض عن اخنفاض قيمة الريال


up 0 down 0
albroker99 742
قبل 5 سنه و 8 شهر