وش رايكم في تيرين 2014

سيارة غير منتشرة وقطع غيرها غير متوفرة الا عند الوكالة هذا اذا هي متوفرة وهذي وجهة نظر انا من رأي انك تستخير والله يرزقك بالسيارة الي تريحك وتطيب خاطرك

جزاك الله خير اخوي

نصيحة اخوية *
ابعد منهااااااااا هي والشله بليزر وانفوي واكاديا
 اذا بغيت سيارة تخدمك وعند البيع تجيب لك سعر زين ( يـوكن . تـاهو ) خصوصاً الوان مرغوبة ابيض اللؤلؤي او سكري
ولو اســــــــــــــــــــــــــــود خطيير وهيبه بالخط

رحت مرة للجميح ابشوف الكابريس وشفت تيرين بسمونه فرخ اليوكن (انا ماهضمت اليوكن عشان اهضم فرخه)ههههههه المهم فتحت الباب حسيت المقبض بيدي شوي وتنكسر .والبرواز الكروم اللي داير مدار نافذة السواق تهز هز مو طبيعي ملزقة بغراء ..وصكيت الباب والمراية تهز ههههههه هذا وهو جديد كل شي فيه يهز جودة ردئية خله عنك رح شف طرازات فورد اعلى جودة بكثير

هذا غير صيانته وغياره وماتدري عن خرباته هالردئ نصيحتي سيارات الجميح كلها ماتنبغى انحش عنها

هههههههههههههههه حلوه قصة الفيوكن وفرخه

تسلم يالغالي ومشكور على النصيحه الأخويه

ابحث فالمنتديات عن ناس مجربه السياره شخصيه
اللي اعرفه مكينتها قويه 3.6

ادخل منتدى السيارات او منتدى مكشات وحاول توصل لناس جربوه
وخذ الكلام من مجرب لانه هو بيعكس لك حقيقة السياره 

الزين فيه ان صناعته كندية واذا على القطع ماراح تغير الا قماشات وامن عليه شامل وريح راسك حتى لو القطع ماتوفرت وتأخر التصليح يعطونك سيارة الين تخلص سيارتك يعني الامور سهالات

مع نسيبي واحد 2013 slt فل كامل والله انه شيخ وحلو ورسمي واشوفه انتشر بشكل غير طبيعي خصوصا بالرياض 

اذا انت ناوي تستخدم اشتر اذا فتره وبتغير مانصحك لان سعره ما يمسك كثير يعني تشتريه مثلا 100 الف بعد سنه يمكن يجيب لك 70 الى 75

الاخ طلال انا مجرب السيارة بنفسي اولا راسي ثانيه عزمه ممتااااز ثالثا
سألت ملاك السيارة ما اشتكى منها ولا شي
و قطع غيارها رخيصة