سبحان الله وبحمده سبحان الله العظيم

ما ذكرت نوع سيارتك عشان تعرف نتكلم
بشكل عام مبردات القير الي داخل الرديتر فاشله و مع الوقت تسبب لك مشاكل كثيره و منها اذا اختلطت
مويه الرديتر مع زيت القير بسبب تلف رديتر القير الداخلي لكن أول شي شيك على كلتش المشروحه
اذا وجد و شيك على مراوح التبريد حقت الرديتر و الي انا أعرفه أن القير مايرفع حرارة السياره اذا كان
فيه عطل و انشاءالله خبراء المنتدى يفيدوك أكثر    و موفق الخير انشاءلله

تأكد من عمل المراوح

تأكد من بلف الحرارة

قد قريت واحد رهم لموتره مبرد خارجي وهو اصلا يجي داخلي حاول تبحث عن تجربته وان شاء الله تفيدك

من جدك تروح للورش اقسم بالله ماعندهم سالفة ..الا من رحم ربي والله اني شردت من الوكالة ورحت لورشة اغير سير التيمن
والله ندمت وتمنيت اني رحت الوكالة ودفعت فرق 400 ريال... تصدق الان السيارة لها 4 ايام واقفه يبيلها بلوف ووجه راس وجلد

شغلهم بالبركه والله اني اجزم ان نصهم سباكين او طباخين بخاري جو ومالقوا محل حشروهم قالولك تعلمو في الشعب
انا قعدت لهم وخليت التصليح على حسابهم ..لكن افرض ورشة ثانيه رفضت او انكرتك وجحدتك؟
نصيحة على الوكالة تراك بتدفع حول 1000 لكن والله انهم اضمن ويعطونك ضمان ...

تأكد من حساس الحراره .
تماتيك المروحه لو كانت المروحه عادي ""وضح نوع السياره""
مراوح التبريد لو أوتوماتيك ..يمكن ضعيفه ومع الهواء أثناء سيرالسياره تعكس لفتها أو توقف ..

إفحص عند مركز كويس كمبيوتر و وضح لهم المشكله قبل الفحص عشان يركزون على المواضيع ذات الصلة

المراوح تعمل 100% ..
اليوم ركبت بلف (ترموستات 160 جديد ) ..
وجربت اليوم مشيت عليها 200 كيلو خط بالظهر والمكيف شغال والحرارة للمكينة في الخط 75 وحرارة القير 85 والسرعة 120 كيلومتر بالساعة..
المكيف ثلج ما شاء الله تبارك الرحمن ..
اليوم لاحظت شي بعد ما وصلت الدوام .. وصلت الدوام وطفيت السيارة .. بعد 5 دقايق شفت مويه كثيير تنزل من قربه الماء .. مدري طبيعي هذا الشي؟

المشكلة اذا دخلت المدينة ترتفع حرارة القير الى 102 واحيانا اكثر شوي ... وحتى بالخط المكينة بارده حرارتها بين 75 الى 77 وحرارة القير بين 83 الى 85

السيارة لمبة المكينة ماهي شغالة ..

السيارة تشتغل طبيعي وتعشق وكلو تمام .. المشكلة هي الحرارة قلق اخاف اطنش وتروح المكينة ولا القير..

حرارة القير داخل المدينه طبيعيه و لاتشيل همها بسبب الزحمه وقلة حركة السياره ولو تمسك خط مثل الدايري راح تشوفها تنزل وتكون في حدود ال ٩٠ و ١٠٠ ولو تمسك خط اطول تنزل اكثر  
وترا  حرارة المكينه الطبيعيه ٨٨ ومع كثرة الوقوف والزحمه توصل ١٠٥ ثم تشتغل المراوح وتنزل في حدود ال ٩٥ ثم تفصل المراوح  ومبرد القير داخل الرديتر عشان كذا حرارته تكون نفس حرارة الرديتر 
ولو تشوف كل الكوابرس واللومينات حرارة قيرها كذا ومحاكيك واحد منهم
اما بالنسبه لتهريب المويه فتاكد من غطاء الرديتر  وشيك على المويه لما تبرد لا يكون نقصة لما صار التهريب