الى متى الاستهتار...

صدقت يا شيخ المعارض امس انا شايف حوالي 3 او 4 حوادث الله يحفظنا واياكم

حصلت معي صدمني من ورا ويوم نزلت وقربت عليه دعس ولا عاد شفتة ولا اي جهة قدرت تفيدني او تساعدني مع اني اعطيتهم رقم اللوحة

المصيبة حتى سواقين تريلات وباصات نقل جماعي يجيك داااعس ويكشح عليك وانت بمسار الايسر
 تخيل وين وصلت المهزلة
واسئل اهل مكة هم عارفين ذا شئ

الله يهونها يا اخوان
شاكر مروركم 

قال ايش قال اسبوع مرور وش سويتو اللي فلحو فيه جابو واحد يسرقنا وهم يكملون الناقص ويجبرون الكسر بنقاط التفتيش اللي أغلبهم نفسيات ودنفسه

السرعة والتفحيط هم سبب الحوادث

يآخي اغلب السعوديين همج يحسب السيارة لعبه ..

انا ما عممت وقلت كل السعودين...

الآجانب مافيه عندهم شي اسمه سرعة .. ورآها سجن وحجز سيارة وغرامة .. كآنها جريمة قتل عندهم السرعة ..

نادراً تحصل اجنبي يسرع .. واذا راح يسرع لازم يكون بحلبات ومدري وش ..

اما عندنا والله لو السيارة موديل 2015 نزلت قبل يومين .. روح اليوتيوب تحصلك مقطع تسارع من الصفر الى نهاية الطبلون 260

قبل يومين الصباح مريت جنب اكسنت 2011 ضارب في بلوك ضربة خفيفه  هديت وقلت عوافي تبي مساعده؟ قالي تسلم خفيفه ماجا شي 
حركت رجعت بعد ساعه لقيت الاكسنت والله زي الاستيكر على جدار الكوبري وفيه تريلة انبوبات غاز واقفه بعد 20 متر ..والدوريات مالية المكان ..

سألت واحد قال الظاهر راعي التريلا نايم جا ماشي حول 130 وطير الاكسنت وصاحبها كان جواها ,والحمدلله اصابته بسيطه بس اكثر شي خلاني افكر (القدر)
تو كان يقول خفايف مادرى ان القدر يخبئ شي اكبر ...والله يسلمنا واياكم من الحوادث