أضف سؤال أو موضوع جديد          

قرب الصيف وقرب...

up 5 down 2
walled709 172
قبل 6 سنه و 7 شهر



السلام عليكم
بسم الله الرحمن الرحيم
كيفكم طيبين يالرِبع.....
قرب الصيف وجاتك الزحمه المشكله مو في الزحمه المشكله في الحفريات اللي مالها سنع
كل صيف نفس الموال يجيك (اغلب) الشوارع نظيفه والطريق مستوي وتجيك البلديه بسلامتها تكسر ام
الشارع وتخليه فتره مكسر وبعدها يبدون يزفلتون الشارع حبه حبه يعني ياخذ 3 اشهر وفوق لانهم يشتغلون
اول يومين او ثلاثه بعدها يبدون بالانسحاب وبعد فتره يتذكرون الشارع ويرجعون يكملون شغلهم
يعني توهمون الشعب انكم تشتغلون يارجل ماتعرفون الا تحطون مطبات الواحد بكبر الجبل اما
الشارع حالته حاله طول السنه ما نشوفكم الا وين ووين وكل شغلكم الشاغل مطبات
واذا قرب الصيف توهمون الناس انكم شغالين عدمتوا الطرق وقفلتوا الطرق وتحويلات
اقسم بالله ان ما عندكم ما عند جدتي........
اتركم مع بعض الصور::::::

http://www.youtube.com/watch?v=gR_zeFl1lyg

http://www.youtube.com/watch?v=mxhtDMM_C6U









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خليها في القلب تجرح بس


up 0 down 0
business to consumer 1163
قبل 6 سنه و 7 شهر



والله ما اكذب عليكم .. شارع صار له 8 سنين متكسر وفيه حفر كثير.. لو معاك كافي ينسكب كله برى بالعربي منتهي جدا ..

قبل شهر عملوا شارع جديد ووالله تمشي ماتصدق نفسسك بالسعودية .. حتى صوت الكفرات ما تسمعه ..

قبل اسبوع عملوا فيه حفريات والشارع جديد ما صار له ثلاث اسابيع !!!!!

القهر لما خلصوا حفرياتهم ياريت رجعوا رقعوه بشوي زفلت .. لا دفنوا الحفره برمل وطنشوه ..

والامس حطو فيه 4 مطبات + عيون القطط .. والمطب ما شاء الله جبل مو مطب

لو معاك جيب يحك بالاسفل كيف لو معاك كابرس 2007

ترى البلا كله هذا من البلدية ..

اخخخ بس لو فيه رقابة عليهم وتفتيش على الشوارع مثل مافيه نقاط تفتيش المرور تعطي مخالفات

كان تحصل الشوارع نظيفه ومايحتاج كل سنتين تطق لك سيارة جديدة او طقم عضلات للسيارة


up 2 down 0
ammar-512 21
قبل 6 سنه و 7 شهر



اي والله كلامك صحيح 100%


up 0 down 0
bang 56
قبل 6 سنه و 7 شهر



يارجال شف الخميس وابها عندنا الان زحمة لايعلم بها الى الله فما بالك بالصيفة اذا جت شكلي ما بطلع من البيت مررة
ابها والخميس كلها تحويلات ومشاريع وتكسير وخويش ما قد حصل
عندك الخالدية كل شهر يغيرون الزفلت مرة ولا مرتين الان شالوا الزفلت الاول وبيركبون واحد جديد مع ان الي قبله ماله الا شهر لكن يدورون للفلوس ويقشعون في ذي الطرق حسبي الله عليهم وطبعا الخميس وابها معروفة اذا قربت الصيفية تجيك المشاريع من كل صوب طيب ليش ما تسوون المشاريع قبل الصيفية ؟؟!! ما اقول الا الله يخارجـــنا بس -.-


up 0 down 0
mosfer alyami 774
قبل 6 سنه و 7 شهر



ياشباب انا اكتشفت حاجه زفلتوا شوارع حارتنا قبل شهر وشالوا المطبات وانا كنت واقف وهم يشتغلون اقسم بالله يجون شياب من الحارة يعطونهم فلوس يقولون حطوا مطب قدام بيتي يوم سألت قلت له مو حرام عليك قال:والله عيالي مابيهم ينصدمون طيب انت من الاساس ليش تفلت عيالك تقل غنم؟
والله ثم والله اني متأكد ان معظم المطبات المواطن هو سببها الاول وتبون الاكيد لاحظوا لما تمشي في شارع ماحوله مباني !نادرا وممكن مستحيل تلقى مطب ...لكن روح لحارة السلق متفلتين فيها والورعان بكل مكان تلقى قدام كل بيت مطب ... عاد في حارتنا قامت هوشة واحد حضري اكل مطب وقام على اللي حاطه لين كسره وانعدم الشارع يعني
الشوارع نلوم الحكومه فيها ..لكن المطبات والله ان ماينلام غير اللي حطها ... اسألكم بالله الحكومة عاجزة تجيب اسفلت عشان يسوون مطب اسمنت؟ لا والله ان المطبات يامن رشوة العمال من اللي مايخافون الله او من اللي مسوي حريص يجيب اسمنت ويحط لك رصيف


up 1 down 0
m11013 923
قبل 6 سنه و 7 شهر



يا m11013 المطبات ما تحطها الا لازم موافقه المرور في حال حصلت وفاه او حادث في الحي


up 1 down 0
walled709 172
قبل 6 سنه و 7 شهر



تدري انه الشاحنات في الدول الاوربية لها وزن و حمولة محددة مستحيل يتجاوزها و ايضا تلزم الشاحنات المسار الايمن 

له الزفلت اكرمك الله في اقصى المسار الايمن مكلف و مهيئ لتحمل الاوزان الثقيلة لكن عندنا هنا تشوف الشاحنات في كل مسار 

ولا في انظمة صارمة تلزمهم باتباع انظمة المرور


up 0 down 0
tootee 131
قبل 6 سنه و 7 شهر



ماقول الا حسبي الله ونعم الوكيل فيهم. 


up 0 down 0
حب حار 99
قبل 6 سنه و 7 شهر



وليد ..يعلم الله ماتكلمت من فراغ والمرور ماله دخل بالمطبات البلديه هي المسؤولة عنها عاد  خذلك نص الشياب لهم واسطة في البلديه خصوصا في المطبات اما المرور مستحيل ماله دخل بالمطبات اذا على كذا تراه مسؤول حتى عن زفلته الشوارع


up 0 down 0
m11013 923
قبل 6 سنه و 7 شهر