ياخوان بسئلكم بخصوص الاكسنت الفل كامل الاردني وش رايكم فيها؟

ايه يفرق
انا دايم احذر اخوي مع الاكسنت يحاول مايسرع ويهدي اذا شاف زحمه لان السياره تزلق مافيها ABS 
الحمدلله ماقد زلقت معي لاني حذر مره

لكن ال ABS اعتبره مهم
مايخلي السياره تزلق اذا كبست فرامل على الاخر
ويقلل مسافة التوقف

لكن مايعني هذا تمشي 120 فالزحمه وتبيها توقف في خلال 3 امتار عشان فيها ABS 

لازم تعرف ان نظام الاي بي اس مايخليها تزلق
ويقلل المسافه

مو يعني تسرع مثل ماتبي ووقت ماتكبس فرامل خلاص بتوقف 

لكن انصحك بلي فيها ABS ائمن من اللي مافيها ABS خصوصا وقت الامطار

اها تمام اخوي سوال يقلون بعض الاحيان النظام هذا السياره ماتمسك معك فرامل ؟ صحيح الكلام هذا ولا كلام فاضي

اها تمام اخوي سوال يقلون بعض الاحيان النظام هذا السياره ماتمسك معك فرامل ؟ صحيح الكلام هذا ولا كلام فاضي

هذولي تلقاهم مسرعين ويبون السياره توقف على طول مثل ماوضحت فردي الاول 

فيه ناس فاهمين انظمة السيارات غلط بمجرد ماتقوله هذي فيها نظام الفرامل ونظام منع الميلان ونظام منع الانحراف
يفكر ان السياره مستحيل تنقلب او تزحف عليه

الاكسنت تراها خفيفه لو تحط عليها انظمة البي ام دبليو كلها وضرب عليك كفر على 160 راح تكون سريعة الانقلاب
لان وزنها خفيف مره 

الانظمه لم توضع من اجل حل المشكله نهائيا
ولكن من اجل تخفيف المشكله بشكل متوسط

ال ABS وضع من اجل تقليل مسافة التوقف ومنع السياره من الزحف

لكن تمشي 150 وعلى طريق كله ماء وتسحب جلنط تتوقع السياره مابتحوس عليك لان فيها انظمه !!
لاتشيل هم انت خذلك فيها ABS بتكون افضل من اللي بدون هالنظام

عندي الاكسنت ترا مقدر امسك فرامل على الاخر عشان ماتحوس
لكن لو فيها ABS بالعكس راح امسك فرامل بقوه ماراح تحوس   

جزاك الله خير كفيت وفيت ياخوي شاقح وبكره تقريبا بطق لي وحد ادعلي البركه

أخوي ماأعقتد أنها نفس السعودي القطع أكيد بتفرق أقرب مثال عندك ال ABS لو خرب عليك مثلا
بتروح الوكاله أو محل قطع غيار ماراح تحصله عندهم لأن السعودي مافيه ABS والوكاله مابتجيب القطعه وهي أساسا مش موجوده بالسيارة 
وليش سعرها رخيص عشان القطع مش زي السعودي واسأل أصحاب المعارض الي عندهم ذمه وضمير وبيفيدك أكثر 
بالتوفيق لك وأمل أنك ماتتسرع اسأل عنها بالبدايه
والقرار بالأخير هو لك 
تحياتي ....

إضافه بعد إذنك لقيت رد في منتدى السيارات لأحد الأخوان وسأذكر المصدر في الأخير


انا سافرت للاردن كثير 
وسيارات هونداي منتشره عندهم بشكل كبير خصوصا ً الألنترا ولها اسم ثاني هناك
يسمونها ( أفانتي )
وتلقاها بموديلات قديمه من منتصف التسعينات الى 2013
وكلها نظيفه وماشيه احسن من اللي عندنا




ولكـن فيه اشياء لازم تتحرى عنها وتشوف هل هي موجوده بالسياره اللي انت بتاخذ او لا 




اولا ً : الريديتر و المروحه ..هل الريديتر بنفس حجم ريديتر وارد الوكالات هنا
لانه لو كان اصغر لا تاخذها ..وذلك لان الاجواء البارده عندهم نوعا ً ما ماتحتاج نظام تبريد نفس نظامنا




والمروحه ايضا ً لازم تشوف هي نفس الحجم او لا وهل فيها سرعتين او لا




وثالث شي فيه برمجه يركبونه هناك يتحكم بصرف البنزين ويجعلها اقتصاديه جدا ً
ولكن هذا له ضريبه وهو العزم الرديء 
و اذكر ركبت مع واحد اردني بألنترا و حنا طالعين على طلـعه بنص الطلعه طفت بنا السياره 
قلت له ليش كذا .. قال هذي برمجه عشان ماتصرف السياره بنزين








عموما ً ..لو تبي تريح راسك خذ سياره وارد خليجي فقط 
لان وارد امريكا و اوروبا مواصفاته ماتساعدك بالخليج




اتكلم هنا عن نظام تبريد المحرك + التكييف + جودة الديكور الداخلي ومدى احتماله لحرارة الشمس + الكفرات احتمال تجي مخصصه للاجواء البارده




و اخيرا ً الله يرزقك بأطيب ماعنده

http://www.assayyarat.com/forums/thread269366.html

واحد من الشباب معاه اكسنت فل كامل ما ادري وارد اي وكيل لاكنه سعودي وفيها abs
لكن الظاهر ما يجي الا بالفل الي بفتحه ودامه موجود بالفل بتحصل له قطع غيارل abs مع العلم
اني ما اذكر ان هالنظام عطل علي من سنوات
الشي الثاني بالنسبه لرد الاخ زياد
كلامك مضبوط لكن الالنترا سمها بالاردن افانتي لكن ذي الي مستخدمه وارد كوريا اما بالنسبه لوكيل
هونداي بالاردن فاسمها النترا ونفس مواصفات الخليجي ماتفرق شي عن الي عندنا بالقطع الي يفرق
الي وارد كوريا مستخدم وله مسميات مختلفه عن الي عندنا وعند وكيلهم

واخير
خذ الي فيها نظام abs وتوكل على الله هذا النظام ممتاز بزحمة سورعنا والوقوف المفاجأء الكثير 
وبدونه بتتعب 

ياشباب بخصوص اللي يقول السعودي مافيه abs 




اعتقد بعض الوكالات جابت اكسنت ABS  




انت مر الوكلاء الثلاثه
الناغي الوعلان المجدوعي   اذا لقيت اكسنت سعودي فيها ABS خذها




لان انا عندي اكسنت 2013 فل كامل وارد الناغي بدون ABS




اذا مالقيت اكسنت سعودي مع ABS 




خلاص خذ الاردني

^^ السعودي 52 الف والاردني 45 الف شوف الفرق نفس الشكل وكل شي؟!!