موضوع مهم يا أخوان ..

السلام عليكم ..

أولا اجازة سعيدة للشعب ... بما اننا بدأنا من اليوم نأجز انفسنا ههههههههههههههههه

ثانيا الموضوع ...

لاحظت في الفترة الاخيرة كثرة الاتهامات ...
يعني شفت مقطع في اليوتيوب لسعودي سيارته مطلية ذهب والحقيقه انها تجليدة نيكل لكن ممكن يحب الفخفخه
مو هذي المشكله المشكله ان التعليقات كلها (من فلوس الشعب- هذي فلوسنا الله لايسامحهم... الخ الخ)

لحظة ! اي فلوس؟ يعني انت اللي متبطح تتهم وتجري سب في الخليقة لك حق بمبلغ وقدر...
والناس اللي اجتهدوا ودرسوا وتعبوا حرامية !!

واحد اعرفه ضابط في المرور يقول والله تعبت معاه لكزس جيب يقول كل من شافه وعرف اني ضابط قال( من فلوس ساهر والا يقول من المخالفات اللي تنهبونها)

خلاص صار الاتهام بالسرقه مثل شرب الماء

طيب انا بقلكم موقف صارلي وضحكت منه (طالب في الثانوي طايح ومهمل ونسبته 3ثانوي72 في الادبي
يقول مرة يوم شاف امير في زيارته شف الموكب هذي من فلوسنا اخذها وحطها بحسابه

انا كتمت كلام وضرب والله مايعلم فيه الا الله الحين انت لادراسة ولاتعبت ولاحاولت تأسس مستقبل
وتجي بكل بجاحة تقول حقي وحقي؟؟

على فكرة ترا (الضباط_الالوية-الوزراء-المسؤولين-التجار ..الخ الخ) ماوصلوا لهذي المراتب وهم جالسين ورا الشاشه
يسبون ويتبعون الخلايق طنشوا الناس ومشوا في طريق ممكن محد كان يتوقع ان له نهاية..

زبدة الكلام اتقوا الله في انفسكم ياناس مو كل واحد مسؤول او ربي انعم عليه قلتوا هذي فلوسنا او هذي من حقوقنا ...

حقك انت تسعى له لاتتوقع انه بيجيك كل شي وانت منسدح واللي تشوفهم هذولي درسوا وتعبوا ممكن فيه واسطه ..لكن اسأل نفسك هذا الواسطه كيف صار واسطه
بتقولي بواسطة ثانية طيب لابد تنتهي السلسله الى شخص اجتهد وتعب حتى اصبح مرموق ..ليش ماتجتهد انت وتسعى حتى تصبح انت الشخص اللي يطلب منه
مو الشخص اللي يطلب له..

ختاما ليلة سعيده ولاتنسو الوتر ياإخوة.

إبلاغ

الردود

كل نفس لن تموت حتى تستكمل رزقها
فاتقو الله وأجملو فى الطلب ، ولا يحملنكم استبطاء الرزق
أن تطلبوه بمعاصى الله .... فإن الله لا يدرك ماعنده إلا بطاعته

اللهم اغننا بحلالك عن حرامك وبفضلك عمن سواك يارب العالمين

aboamani 1147
قبل 10 سنه و 8 شهر