أضف سؤال أو موضوع جديد          

كامري 94 قهرني وابغى احرقه

up 16 down 1
ينبع في قلوبنا 70
قبل 9 سنه و 3 شهر



صباااح الخير
عندي كامري زي هاذي موديل 94 من القهر اللى فيني ودي احرقه ؟؟ حطيت فيه اكثر من قيمته وكل ماسويت حاجه فيه تخرب حاجه ثانية وبعد حافز الله لايبلأنا صارت كل يوم بورشة وشهر بشارع ومرة عند البيت حتى حقين الورش كثر مااتردد عليهم قالوا مايصلحون السيارة وقبل اسبوع اشتري كمبورسر مكيف 250 ريال + الفريون واصلاح بعد المواسير 300 ريال ما يمر يومين الا و3 كفرات تبنشر غيرت واحد 180 ريال وخليت 2 قلت غيره ان شاء الله لجاء حافز الشهر الجاي ولايمضي على كلامي سوى 3 ايام والا تجي الطامة الكبرى والسيارة ماهي راضية تمشي ولها 4 ايام عند البيت والمهندسين يقلون المكينة ضربت .وبصراحه من القهر كتبت هذا الموضوع ...وبسلامتكم حبيت اطلع اللى بخاطري وافضفض عليكم على هالصبح.والسلام عليكم
.تحديث##1
اسف ان الصورة ماطلعت ولكن شكل هذا النوعية من السيارات معروفة .
تحديث##2
صباح الخير للجميع
للأخوان اللى يطلبون بيع السيارة بعد اصلاحهاا ؟؟
اولا..الاصلاحات ممكن بالقليل تكلف 5 الاف ريال
ثانياا..لو بعتهاا مراح تجيب بالكثير 6 الاف ريال.
لاتنسى ان موديلها قديم وتحتاج للكثير من التزبيطات من غير اصلاح الخربات.
ولكن لا اقول سوى ان الحمدلله على كل حال .نحمده ليل نهار وصحة البدن خير من كنوز الدنيا ومافيها.
استغفرالله العظيم من كل ذنب عظيم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لاحول ولا قوة الا بالله

اسأل الله العظيم رب العر الكريم ان يعينك ويساعدك ويرزقك من فضله

اخوي عليك بقيام الليل .. اطلب ربك ولح عليه بالدعاء صدقني مايخذلك باذنه وتشوف البشاره قريب
وباقي اليوم عليك بالاستغفار

لا تياس بس ياخوي ولا تقول بحرقه ومن الكلام هذا .. تاكد ان كل امور بني ادم فيها خير .. قد يكون الله سبب عطل في المكينه لجل يبعدك عن حادث ممكن ياثر عليك او على اهلك

خلي ايمانك قوي وامش في الدنيا والله كريم

واسف عالاطاله وسامحني 

والله يوفقك

دمت ،


up 13 down 0
abuturkie3 299
قبل 9 سنه و 3 شهر



الله يصبرك ويكتبلك الأجر ويعوضك بأحسن منه
بس أنت عليك الاحتساب والصبر وعدم الجزع والضجر
ترى كل شيء مكتوب ومقدر قبل أن يتم الله خلق أدم بملايين السنين
وبعدين ماأحب الله مؤمناً إلا إمتحنه في الدنيا
وسامحني على الإطالة



up 8 down 0
ه عبدالله الحربي ه 1335
قبل 9 سنه و 3 شهر



ياخي بيعها وارتاح منها وربنا يوفقك بغيرها :) واحلى لايك


up 5 down 1
كارمي 2038
قبل 9 سنه و 3 شهر



السلام عليكم

معوض يالغالي ولايضيق صدرك
الزم الاستغفار فالاستغافار يفرج الهموم ويجلب الرزق باذن الله
قال سبحانه ((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

ويالغالي اذا عندك جانب من التقصير مع الله حاول تعدله فكان من السَّلف مَن يقول: إنِّي لأجد أثرَ معصيتي في خُلُقِ دابّتي وامرأتي.

بالتوفيق


up 10 down 0
ابووفهدد 1528
قبل 9 سنه و 3 شهر



اعذروني والله كلامك درر وحكم وتمنيت ان اعطيكم لايك على الاقل ولكن النظام لايسمح لي بالتصويت ولكن شكرا لكم من اعماق قلبي على الاقل احسست ان هناك من يسمع لى ويشعر معي وهذا هو المطلوب .لكم جزيل الشكر جميعااا


up 9 down 0
ينبع في قلوبنا 70
قبل 9 سنه و 3 شهر



تعديل للاخ ابو تركي ( رب العرش الكريم )
الاخ ينبع في قلوبنا نقول الحمدلله على كل حال واعتبرها خيرة من ربك ماتستعمل السيارة كثير

وربنا يعوضك بأحسن منها
كن مع الله يكن معاك ...... لايك وتستاهل الف لايك


up 5 down 1
فل اوبشن mr 3279
قبل 9 سنه و 3 شهر



هلا ولله بولد ديرتي ينبعاويه السياره منحوسه من الخربات الي بها  انت صلاحها تصليح يثبت شوي مدامك على حافز الله يرزقنا ويرزك 
وبيعها بس اهم شي ركز على البودي وداخليت السياره والله يكتب الي فيه كل خير


up 3 down 0
لافي يوسف 1153
قبل 9 سنه و 3 شهر



جزاك الله خير اخوي ( فل اوبشن mr ) على التعديل .. سقطت سهوا




up 3 down 0
abuturkie3 299
قبل 9 سنه و 3 شهر



ولا يهمك كلنا لبعض :)


up 4 down 0
فل اوبشن mr 3279
قبل 9 سنه و 3 شهر



الله يعينك ترا مريت بحالتك زمان يمكن 7 سنوات الله لايعيدها من ايام
احيان بسياره واحيان ايجار وهو اكثر شي الايجار عميل تميز بعد الى يومك هذا من كثر الايجارت
راحت فلوسي كلها بالايجار يعني انت اهون مني ، واحيان مشي ومره مع اخوياي وكل فتره وانا بحاله
والحمدلله ربي فرجها علي وزانت الامور ان شاء الله تزين امورك معليك قول الحمدلله على كل حال اهم شي الصحه وانا اخوك


up 2 down 0
عـادل عبدالله 4751
قبل 9 سنه و 3 شهر



أبو تركي وأبو فهد لايك .. جزاكم الله خير


up 3 down 0
أبو جـود 2747
قبل 9 سنه و 3 شهر



يجزانا ويجزاك خير يبو جود وفيك الخير اخوي




up 3 down 0
abuturkie3 299
قبل 9 سنه و 3 شهر



الله يرزقك يالغالي بموتر 2012
أنت مثلي انا معي مكسيما لعبت فيني الكهرباء ..
جربت بطاريه وجربت دينمو وفكيت المسجل وسويت كل الاقتراحات من الاعضاء.. ومع هذا ترفض تصلح

لكن الله يرزقك ويرزق الجميع ...


up 2 down 0
dr:hdrz 308
قبل 9 سنه و 3 شهر



اخوي من المعروف انه الكامري هاذي الموديلات راعيه ككككد وكرررف ولازم العنايه باالسياره ماشاءالله ليها اكثر من 18 سنه وتكد معك والله يوفقك المهم لا تكون مصاب بعين حسود والله يوفقك ويرزقك بواسع فضله وباالنسبه للكمبروسور سيارات جديده موديلات 2010 ويخرب فيها الكمبروسور عموما الله يوفقك ياالغالي


up 4 down 0
t o m a h a w k 761
قبل 9 سنه و 3 شهر



حبيبي  ريح ضميرك بيع السيارة بس صلح العطل الي فيها

وبيعها


up 0 down 0
موستنج جي تي ار 3470
قبل 9 سنه و 3 شهر



أحــــــرقــــــهـااااااا


up 0 down 5
عاشق المعارض 705
قبل 9 سنه و 3 شهر



لا تحرقها ولا شي بيعها وزود عليها كم ريال وخذلك لكزس 2012 اقل مقاس حتي تكفي فلوسك .



up 0 down 3
طيب الكلام -4
قبل 9 سنه و 3 شهر