أضف سؤال أو موضوع جديد          

طريقة النصب الجديدة في محطات البنزين

up 12 down 4
m3aaandd 920
قبل 7 سنه و 10 شهر



السلام عليكم ورحمة الله وبركاته..

صباح/مساء الخير..

حبيت أشارك بموضوع بسيط على قدي وبالنسبة لي يعتبر جديد وأستفدت منه..!!

النصب في محطات البنزين!!!!

هذا رابط المقطع:

http://m.youtube.com/watch?v=OYAw_hFeAgI#

بصراحة انصدمت ولاكنت ادري..

حاببي نتعاون ونتساعد على هالعمالة اللي امتلى البلد منهم و(شبعنا نصب)

من هالأشكال..

اذا كان موضوع مكرر اعذروني لانه اجتهاد ومعلومة جديدة علي وحبيت انكم تستفيدون معاي

واعتذر عن الاطالة وتقبلو مروري..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ريال حلال ولا مليون حرام


up 4 down 0
سلطان نوار 8
قبل 7 سنه و 10 شهر



تسلم اخوي و الله يجزاك خير .. معلومة حديدة بالنسبه لي و لازم تنتشر ..خاصتا اني من اهل الشرقية ودايم اروح و اجي من الطريق هذا  و شكرا لك 


up 1 down 0
عبدالله بن جمعان 17
قبل 7 سنه و 10 شهر



زمان كنت مستعجل وانا مسافر وعطيت العامل 500 وعبى فل وسرقني في ميه يوم جيت اتعشى واحسب الفلوس والقى ميه ناقصه


up 0 down 0
walled709 172
قبل 7 سنه و 10 شهر



اش دخل الهندي يقول عنه حرامي 
الحرامي راعي المحطة مو اللي يشتغل فيها 


up 1 down 3
هتان12 163
قبل 7 سنه و 10 شهر



كيف يعني مافهمت ؟ ممكن احد يوضح


up 1 down 0
eng.mob 127
قبل 7 سنه و 10 شهر



بقولكم قصة صارتلي بخط سفر من الرياض لمكة .
المهم انا كنت كنت مع الوالد و الاهل .
انا نزلت وقلت له عبي فل
نزلت البقالة وانا راجع اشوف الهوز مشبوك على 30 ريال من جهة الخلفية
ومن قدام على 39 ريال ... انا سكت واعطيته 40 ريال ويقولي خلي ريال لي انا .....

والله عينك ما تشووف الا النور( والي يحب النبي يضرب ) الي اذكرة وانا اكفخه خلاص خلاص هذا 10 انته الوالد نزل ولعن والديني هههههههههههههه ولية ولية ولية

اقولة حرامي يقولي ما سوا كذا الا وهو محتاج ومن يومها انا بخطوط السفر اعرف انه مضحوك علي عيني عينك واسكت


________________

قبل يومين الساعه 5 الفجر نازل المحطة عبيت فل ب 40 ريال وشريت منه موبايلي 30 ورجعلي 20 كلها خمسات

ان امن النوع اخذ الباقي ولا اعد ثقةةةةة لا اكثر

بس اشوفه جلس يشكرني شكرا مدير وابتسامة غريبة عرفت ان فية شي وعديت الفلوس الا ناقصة 10 ديورت له اقولة فلوس ناقص وباسلوب الي بينزل يلعن خيره ( هذا باقي انا اسف مدير الخ الخ الخ قلت له تبي فلوس كلام ما يسرق ) واعطيته الي فيه النصيب كرما مني لا اكثررررر وندور الاجر

____

انا اشوف ومن خبرتي بالحياة
اذا المبلغ اقل من 5 ريال اعتبرهاااااا صدقة لك ولعيالك ودااااااااااااااافع بلااااااا وخصوصا بالخطووووووط
واذا اكثر من 10 انت وكرمك واخلااااااااااااااااااااااقكككككككككككككككككككككك ( لانك انت تعبت بهالفلوس )


والله يوفقك الجميع ويستر عليهم بالخطوط و السفريات


up 8 down 2
الرويال الاسود -9
قبل 7 سنه و 10 شهر



جزاك الله خير ياخوي 


up 1 down 0
نجراني 2014 182
قبل 7 سنه و 10 شهر



كل واحد اكيد عارف بكم يعبي
سوا كان التانكي فاضي او نص او ربع


up 1 down 0
ابوسعيد الاحمري 1017
قبل 7 سنه و 10 شهر



اهلا


قبل اسبوع رحت لمحطة في الدمام بعد دوار الشراع

كنت مفلس و التاهو مولعه اللمبة وعندي 10 ريال

قلت اليه عبي 10 وعطيته شوي سكر غطاء التانكي واشر لي انه خلص

اللمبة ما طفت ، اطالع فيه اشوفه مرتبك !

بس قلت يمكن الامبير بعده ما يتحرك و مشيت

وانا في الطريق تاكدت انه يمكن عبى 1-3 او ما عبى بالمره

ويالله وصلتني السيارة للبيت


وبعدها بيوم نفس القصة في محطه قبل مطار الدمام

قلت مدري من الي حادهم عليي !!!


up 0 down 0
عمر الزمان 672
قبل 7 سنه و 10 شهر



كيف طريقة النصب .. الفيديو غير واضح ..


up 1 down 1
بسدك 1365
قبل 7 سنه و 10 شهر



اسلوبه مرره زفت مع الهنود والله لو انا بدال الهندي كنت اوريه مين الحرامي وبعدين مسوي يعننه ينبه الشعب على النصب. وعلى فكره المحطات كلها زي كذا يعبي البنزين ويخليه زي ماهو واذا جاله زبون يصفر العداد ويعبيله


up 2 down 7
اوتشيها ايتاشي 145
قبل 7 سنه و 10 شهر



الله يجزاك بالخير ويجزى صاحب المقطع بالخير


up 1 down 0
كرومان 517
قبل 7 سنه و 10 شهر



الرويال الأسود
عليك أن تسأل عن معنى كلمة مدير وش تعني عند البنقال

, من المفترض تحاسبه عليها أكثر من الفلوس ...


up 0 down 0
أحمد العسبلي 138
قبل 7 سنه و 10 شهر



جزاكم الله الف خير..

بالنسبة للأخوان اللي اعطوني ديسلايك!!

المفروض تدعولي بظهر الغيب لان الموضوع فيه فايدة للجميع...

لاكن ماهو فارق معي والله سواء لايك او ديسلايك قد مايهمني الدعوه في ظهر الغيب..

الله يجعلنا حنا وياكم مما يدخلون الجنة بلا حساب ولا عذاب..اللهم امين


up 1 down 0
m3aaandd 920
قبل 7 سنه و 10 شهر



صارت لي مرة عطيت العامل 100 عبى لي ب 30 
.. 
رجع لي 60 ومشى قلت تعال تعال وياقف واقوم قلت بافي عشرة .. 

ويعطيني قال خلاص م في زعلان م عليش ..واروح واخليه .. 

المشكلة المحطه جديدة ونظيفه علشان كيذا اجيها ومن يومها شهر تقريبا 

الى الحين م بدى يعبي لي ههههههههههههه 


هذي طرق نصبهم وافصل شيء اعرف كم تاخذ سيارتك وحط مبلغ بالدرج 

مخصص للبنزين وانتهى كيذا اسوي 


اللع يحمينا واياكم من شر العماله


up 1 down 0
fahadlfc 314
قبل 7 سنه و 10 شهر



قد صارتلي   انا طبعا من سكان الرياض   قبل فترة كنت ناوي على مكة    مشيت ووقفت على اول محطه عشان اعبي بنزين وامسك الطريق زي العاده      الا عبيت فل  طبعا الحساب ب10   عطيت الهندي 50  رجعلي 30   اكل 10 واعصب عليه نافخت عليه شوي ورحت      يقهرونك ياخي حتى لو انا 10 ريال     شوف كم مرة يسوونها    باليوم   يستغلون الناس عشانهم مستعجلين ولاهم مدققين

طبعا اسم المحطه محطة الحجاز   طبعا هي عالخط ببدايه الخط وانت طالع من الرياض    معروفه المحطة كبيرة كلن يعرفها


up 0 down 0
العامري دوت كوم 2 455
قبل 7 سنه و 10 شهر