أضف سؤال أو موضوع جديد          

X موضوع متنوع وخفيف عن مواقف حصلت لي X

up 17 down 8
ابو يزيد 000 8712
قبل 8 سنه و شهر



السلام عليكم ورحمة الله وبركاته

كيفكم عساكم طيبين ان شاء الله

اليوم موضوعنا منوع شوي , يعني بذكر لكم مواقف متنوعه حصلت لي او حصلت لأحد اعرفه

نبدا في الموقف الاول

هذاك اليوم الله يسلمك كنت طالع انا وولد عمتي ومتواعدين احنا والشباب نتقابل في مكان معين ونسولف

المهم إن الساعه 8 الليل , وتوي دخلت الدرعيه ودخلت شارع مظلم مافيه الا انوار سيارتي والشارع فاضي ما احد فيه

وانا وولد عمتي انشغلنا في وصلة AUX نبغا نشبك الجوال على مسجل السياره وعيا يشتغل , فأنشغلنا فيها وانا كنت ماسك الاوسط

ومشغل الانوار اللي جوا السياره والشارع مظلم جدا

وما ادري الا وصوت اخذ عقلي وقلبي , صوت عالي جدا جدا جدا كانها قنابل ومتفجرات وبوري تريله وكل شيء عالي

ونصايح انا وولد عمتي مثل الحريم ههههههههههههههههههههههههه وما فيه الا كلام مشفر هههههههه

وانا الف يمين ويسار وكنت باركب الارصفه والردميه ما ادري من وين الصوت , وشوي الا ويمشي ويعطيها يعزم زاد فقع اذني

ويمشي قدام وانا وراه , و نقول وقف يابن .... ومافيه الا شغل تكبيس واقوله تعال تعال الله ياخذ قلبك هههههه

قسم بالله اني انخرشت خرش ذاك اليوم , احس بجسمي مثل الاشعاع كذا من الخرعه واقول بسم الله علي وبسم عليك , اذكر الله لا يكون دخل فينا شيء اعوذ بالله

وطلع واحد حمار فجعنا الله يفجعه , معه باترول مدري ربع , وعليه تعديلات مثل الدرباويه وكذا

وكان مشغل السكن ومهدي السياره ومريحها لين ما وصل عند قزازي الايمين عشان كذا ما حسيت فيها لان مافيه صوت ولا انوار

وفضا القير واعطاه عزم وخلها تتفت لين ما كانت بتنفجر وفجعنا الله يفجعه هههههههههههه

ويدري ان الرسول يقول : ( لا تروعوا المسلم فإن روعة المسلم ظلم عظيم )

المهم يوم بعد دقايق قعدنا نضحك على بعض انا وولد عمتي ههههههه , الحياه فعلا جميله هههههه وخذوها بروح رياضيه وبترتاحوا كثير :)

---------------------------

فيه موقف ثاني الا وهو كنت ماشي على الدايري بالرياض الساعه 2 الليل والدايري كان شبهه فاضي وانا كنت ماسك الاوسط وكانت على ايامها بالدينالي

المهم وكان فيه فورد ذهبي مشهب ماسك اليسار وبعيد شوي عني , شوي وما ادري الا والفورد يحذف على خفيف يمين بدون اشاره ولا شيء , ويدخل في خطي الاوسط وانا ماكبست له لانه بعيد عني , وقلت يمكن بس بيدخل يمين ونسي يدق اشاره

وشوي الا واشوف الفورد حاذف يمين من جد والرجال شكله نايم

بدأ الفورد يدخل في الايمن والمشكله في اقصى الايمن فيه تريله وقريبه جدا منه

والشارع عباره عن 4 اسياد في الدايري وهو بدأ يدخل بالثالث يمين والرابع في تريله ومن جبنه تماما

وانا ادعس بالدينالي وماشاء الله كنت باطير بشنطة الدينالي من العزم ما شاء الله ههههه

والف يمين واكبس واعلق على البوري وكنت ناويها ادخل بين الفورد والتريله لكن المساحه كل مالها تضيق , واعلق على البوري والزق بصدام الفورد واكبس واكبس واشوف الرجال الله يهديه على الجوال ولا دق لي خبر وشكله كان مرفع صوت المسجل

الا والفورد يلف يسار باقوى شيء ويلف يمين ويعطيها كم شوط هههههه ويثبت السياره

ويهدي بسرعه واجي من جنبه ادق له بوري دقتين ويرفع لي يده كانه يقول ( مشكور ما تقصر )

فنيصحه يا أخوان الجوال وقت السواقه لا تستعملوه الا بوقت الضروره , والحمد لله عدت ذي على الخير وماسار شيء , لكن ترا فيه حوادث كثيره وشنيعه والسبب الجوال وبالذات ( الواتساب )

______________

كلمني الوالد وقالي : ياولد , قلت يالبيه , قالي تعال , انا عند عمك في مكتبه العقاري وبغيناك في موضوع

قلت ابشر >> :) الموضوع اكيد ان فيه بشاره :)


المهم رحت

وقبل لا ادخل عليهم كان فيه تشارجر واقف ومضلل كتم والسياره طافيه وواقفه

جيت عندها وقعدت اشخص و اوزن الشنب ههههه و واعدل العقال و اشوف الثوب من ورا في وصاخه ولا عفطات كثيره و قاعد اقصد تعرفون وقت التشخيصه لازم من القصايد والعلوم الزينه

و اعطيها ذيك النظره واقول من هالزين اللي واقف قدامي , اوووه انا , لا لا ما توقعت الصراحه ههههههه

المهم إني فليت امها عند السياره لان قزازها مثل المرايه ووجهي واضح فيه

اشوي الا الموتر يشتغل ومعروف صوت التشارجر

وانقز من الخرعه و تخرب ابو الشخصيه و العقال طار

وامشي كني ما سويت شيء حتى عقالي خليته >> ما ابغا اتفشل هههه ( وضعية الميت ههههه )

واركب سيارتي

واقول يوووووووووووه يلعن ام الاحراج وش هالفشيله :(

الا شوي رجع ريوس ودقلي بوري النذل هههههههههههه

الله يهديك بس ههههههههههههههههههههههههههههه

________________________________________


قبل سنه وشوي كنت معصب جدا وكنت امر بضروف تقهر من الكليه وكذا , لكن الحمد لله افتكيت منها لاني حطيت براسي الدنيا ما تستاهل هذا كله , حاول تصطنع السعاده رقم الاوجاع اللي حصلت لك , حتى ولو كانت احيانا فيها تهور , اهم شيء تستانس واضحك وفرفش لان الدنيا ما بناخذ منها شيء وما بيفيد الزعل بشيء , ما يجيب الا وجع راس , خلك ريلاكس وراح تعيش حياه جميله طبعا ولا تنسى ربك وصلاتك وبرك بوالديك لان هذا اساس السعاده

المهم كان ذاك الوقت ( ابويزيد زعلان ههههه ) عاد الا زعل ابو يزيد تراه يتهور اذا زعل

المهم كانت معي الوالده الله يحفظها , وقدامي تفتيش وانا اقول يالليل وقت ذا الحين وش يبغا اللي فينا مكفينا , يزيد يجي هذا هو تفتيشه وتقول الوالده ياولدي وش فيك اهدا , و اللي زاد الطين بله اكثر واكثر واكثر ان السيد اللي انا فيه فيه عسكري نفسيه , يوقف كل واحد ويقعد يحقق معه واغلب اللي في خطي يخليهم يوقفوا

وهذاك الوقت يقدح ابو يزيد ههههههه , وادق البوري طااااااااااااااااااااااااااااااااط طااااااااااااااااط طااااااااااااااط ط ط ططططط طططاططط طاطاطاطاطاطاط طاطاطاطا هههههههههههههههه

ويجي دوري وانا ما ني رابط الحزام وتقول امي اربطه , و اقول لها ماني رابطه واذا كان في راسه شيء خله يصك به في جدار خخخخخخخخخخ

ونوصل عنده وانا اطالع قدام ويقول الاستماره , وانا افتح نص القزازه , ما فتحتها كلها هههه

واقول لامي افتحي الدرج , وعطيني لا هنتي الاستماره , وتطلع لي اياه , وانا اطالع قدام , ما اطالع فيه وجهه , واعطيه بيدي الرخصه ونظري قدام وحتى يدي ما طلعتها من السياره , خلته هو ياخذها >> وشرايكم في القدحه ههههههه انتبهوا ترا ابو يزيد ما يمزح

ويقول الاستماره , ونفس النظام اطالع قدام وامد يدي له واخليه ياخذها , ويقول تدق بوري هاه , تدق بوري , واطالعه بنص عين واقول متى دقيت ؟؟ هههههههههههههههههههههههههههههههههههه وشرايكم في الجحده والنظره هههههههه

المهم ويقولي جنب يمين واقوله عطني الرخصه والاستماره خلني امشي الله يرضى عليك ترا كل اموري سليمه وابغا يومي يعدي على خير , قال يعني تهديد , قلت افهمها مثل ماتبغا عطني اوراقي وامي تنغزني وتقول خلاص ياولدي اسمع كلامه , وقلت والله مو عشانك بوقف عشان بس الوالده

واوقف على جنب وانزل له , ويقول لي عندك مخالفه عدم ربط الحزام , قلت بالله عليك , قال لا تقعد تهدد وترفع صوتك , وقلت له يعني تبي تمسك علي اي شيء هاه ؟؟ خلني امشي وعطني اوراقي , كل الناس ماهم رابطين الحزام واصلا ترا الشارع سرعته 80 ماهي 260 عشان اربط الحزام , ويقول مافيه والنظام نظام , قلت له الله يبلاك في نفسك ان كان قاعد تبلا الناس وما خليت احد في حاله كل من جاء وقفته وصكيته بمخالفه , عسا الله يسلط عليك واحد مثلك , و عطني المخالفه بسرعه , تحسبني بقعد ارجيك هاه

وجاء خويهم وقال وش فيكم , قلت خله يعطيني مخالفتي وان يبي يعطيني مخالفه ثانيه خله يعطيني , يحسبني بأذل نفسي عنده مثل اللي مشاهم , وش ذنبي اذا انت ناقص وتبغا تكمل النقص هذا في ان الناس يقعدوا يرجوك ويقول , خويه اذكر الله واحنا هنا نشتغل , قلت انت فيك الخير والبركه لكن خويك الناقص هذا الكلام موجهه له و بسرعه اخلص علينا واعطنا المخالفه وعطاني اياه وقلت بتلقاها بكره , مايضيع حق احد

واركب السياره وانا معصب واحط القير بالدي , واعلق على البوري , واقول تحط راسك براسي يابو شنب بني

اوريك منهو ابو يزيد وتقول امي ياولدي اذكر الله ياولدي وخل عنك هالحكركات , وكان معي وقتها كابرس الوالد 2008 وهاتك درفت عند نقطه التفتيش هههههههههههههههههههههههه وتعليق على البوري

الله يسامحني بسس خليت الوالده تزعل علي , والله ماعرفت انام لاني خليتها تزعل , لكن الحمد لله سامحتنا :)

وعلى فكره ليومكم هذا والله ماني مصدق اني انا اللي سويت هذاك كله , لكن عرفت اني لا عصبت الرجاء الكل يبتعد عني

الحمد لله الحين تروني عقلت وراحت القدحه خلاص , سرت عاقل ووالله ماورا القدحه ربح وكلها خساره وتجر للمصايب , الحين سرت اخذ الامور بضحك وفرفشه وهدوء وتمشي زي سلام عليكم


______________________


وبس هذي المواقف اللي اذكرها لحد الآن وسلامتكم

ملاحظه : بأنزل صورتين من تصويري أمس عطوني رايكم وقليلا من المجامله :)

مــلاحظه اخرى : انا العضو ابو يزيد 000 + أبو يزيد 000

الفرق بينها الهمزه وكل العضويتين لي 

تحياتي للجميع : اخوكم ابو يزيد

http://www.youtube.com/watch?v=_66UOYWtajA

http://www.youtube.com/watch?v=bfxJMEAI0sY








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ولعلمك انا ماعندي الا هالعضويه وعضويه أبو يزيد 000 فيها 200 نقطه

وأنا ماني بندر يا الغالي , ولعلمك بندر غلط علي وللآن ما اعتذر فكيف يكون انا

عموما ترا ما احب الناس اللي تقعد تشك وتضن ضن السوء , هالشغل اكره جدا

انا ابو يزيد ماعندي الا العضويه ذي والثانيه ام 200 نقطه وكلها شايله نفس الاسم




up 1 down 0
ابو يزيد 000 8712
قبل 8 سنه و شهر



الف مبروك على الكرايزر
الله يعطيك خيرها ويكفيك شرها


up 1 down 1
جيلي ec7 2013 114
قبل 8 سنه و شهر