موضوع للمناقشة
3
1
إضغط هنا للإخفاء
السلام عليكم ورحمة الله وبركاته. ..
شباب لاحضت كثير ناس ""مدرعمين""
قبل شوي دخلت إعلان مرتب وحلو
كل شي مكتوب فيه بالتفصيل الممل..
اول رد يقول كم ماشي..رغم انه مكتوب فوق وواضح
ثاني رد يقول كم موديله..رغم أنه مكتوب وواضح
..
الموضوع الثاني..
واحد ينزل سيارته للبيع لاكن لا صور ولا مواصفات ولا اي شي يذكر..
واذا سمت يزعل يقول بخست سلعتي طيب نزل الصور والمواصفات بنشوف..
..
الموضوع الثالث..
ينزل صور سيارته ولا هو كاتب غير موديله ونوعه.
طيب كمل وش وضع الموتر نظيف تعبان مرشوش او لا
عشان تبيع بسرعه وترتاح.
الموضوع الرابع..
حصل قبل شوي شفته بعيني بالموقع..
واحد عارض سياره.... الشباب وصلوها 28
يجي واحد يقول 35 الف؟؟؟
اقسم بالله لاني حسود ولا حسدته ولا شي بالعكس ان شاء الله يوصل مليون
لاكن بالعقل واضحه. .ي إنك تدخل بحساب ثاني وتسوم
او حساب ل صديق لك.
او واحد يبي يخرب البيعه عليك وعلى اللي بيشتري
..
الموضوع الرابع...
هذا يرفع الضغط. .
فيه ناس ماخذه مقلب ان مافي مثل سيارته..
بقول القصه ..
دخلت على إعلان ل سياره.. معينه طبعاً بالموقع
السياره اللي مثلها بالحراج ما توصل 25 الف
والي بالموقع حدها 33 الف فقط
ابوالشباب الله يهديه حادها ب 40 ألف
اقسم بالله لو تسوى تستاهل لكن وربي يبي لها شغل كثير
الزبده ماهي نظيفه..
والنظيف مثلها يعني على قولهم المخزن الورده..سعرها 40 ألف
..
..
..
هذا المواضيع اللي عندي أتمنى ما احد يزعل او ياخذ بخاطره..
مجرد وجهة نظر مني انا فيه ناس موافقين عليها وفيه ناس مو موافقين
..
هذا وصلى الله وسلم على نبينا محمد وصحبه أجمعين
تقبلوا تحياتي ووجهات نظري بصدر رحب..
سلام الله عليكم....
إبلاغ
الردود
1
0
الي هم وظيفتهم البخس والتخريب
ويحاول ينزل سعرها عشان تبيعه بالي يخارجه
مثل يجيك شخص ويقول انا شفت مثل سلعتك بجزر الوق واق بالسعر الفلاني
موقف حصلي اليوم
نزلت اعلان بلاك بيري جديد وطالب فيه اقل من سعر المحلات بالمدينة الي فيها انا
وجاه شخص لصق فيني لصقه بالردود وهات وخذ بالردود
ويكتب رد انا شفته بالموقع الفلاني بسعر كذا وكذا
قرفني بالردود واخر شي حذفت الاعلان لين ارتاح هو ضعيف النفس
المشكله حتى لو وافقت بالسعر الي محدده هو بخراجه ماراح يشتري
هذه الاشكال الي تخرب وتقطع الرزق بالموقع
الله لايسامحهم
1
0
هذا الكلام اللي كان ودي اطلعه وانت ماقصرت كتبته
تستاهل احلى لايم
قبل 10 سنه و شهر