أضف سؤال أو موضوع جديد          

المساحات تشتغل تلقائيا

up 2 down 0
ابوخلوودي1 5070
قبل 8 سنه و 3 شهر



السلام عليكم والله يسعد اوقاتكم بكل خير 




السيارة جراند ماركيز 2010 امريكي 




والمشكلة عندي المساحات قبل كم يوم اشتغلت تلقائي عند تشغيل السيارة وكانت على اقل سرعة يعني تشتغل مرة وتوقف حوالي 10 الى 15 ثانية وتشتغل وحاولت اشوف السبب من يد المساحات وكانت اليد تشتغل عادي لكن اذا رجعت اليد الى وضع الايقاف ترجع نفس المشكلة وتشتغل المساحات وتوقف والبارح اشتغلت وما وقفت على السرعة المتوسطة وموية المساحات رفضت تشتغل وصارت تثقل المساحات عند تشغيل رشاش الماء واليوم الفجر جيت على السيارة لقيت المساحات شغالة  تلقائياً والسيارة طافية وشغلت السيارة وضلت شغالة المساحات وفي الاخير فصلت البطارية 
تكفون يا شباب اللي عنده حل للمشكلة ولا سببها يعطينا الحل 
وسلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يمكن فيها تهريب كهرب ولا شي تشتغل من حالها انا من رايي انقز به لكهربائي وخله يفك لك الديكور ويشوف العلة من ايش


up 1 down 0
a.ibrahem 3169
قبل 8 سنه و 3 شهر



أنتبه تفك الديكور لانه اذا انفك مو اي واحد يرجعه نفس ماكان يمكن يرجع يقرقع ويطلع أصوات


up 2 down 0
hmada1213 2018
قبل 8 سنه و 3 شهر



المشكله عندك مو من البطاريه او الكهرب المشكله في ( دينمو المساحات ) .. هذا و الله اعلم


up 2 down 0
عبدالله بن جمعان 17
قبل 8 سنه و 3 شهر



يا حمادا 1213 الديكور مصيرك بتفكه بكره ولا بعده يعني وشلون تبيه يشيك على الموتر بدون مايفك الديكور ويشوف اسلاك العصا حقت المساحة الا اذا كانت المشكلة خارجية هاذا شي ثاني ... وبعدين مرة ولا مرتين ينفك ويترجع زي ماكان بدون عباطة عشان ماتتكسر كلبساته هاذي ماتضره لكن اللي يتبثر عاد كل شوي فاك الديكور وممد اسلاك مدري وشوا هاذا الله يعينه على الاصوات


up 0 down 1
a.ibrahem 3169
قبل 8 سنه و 3 شهر



حاول تشيك عل الفيوزات


up 1 down 0
الميموني 1118 6
قبل 8 سنه و 3 شهر



مساء الخير أبو خلودي .. كيفك عساك طيب .

أشور عليك تمر على كهربائي ... احتمال الخراب عندك واحد من 3 أشياء .

1- عصا التحكم بسرعة المساحات خربانه ... وتحصلها في التشاليح وقطع الغيار موجودة .

2- الكتاوت منحرق أو معلق ويبيله تغير ..

3- الدنمو الموجود في الكبوت احتمال منه ... والله أعلم ............. الكهربائي يفيذك أكثر .

عسا الله يحلها لك على خير وموفق أبو خلودي .




up 0 down 0
مستر بن . 10377
قبل 8 سنه و 3 شهر



بعض السيارات منها الجمس الدينالي وبعض الماركيز الفل اوبشن اي شي يجي على الزجاج تشتغل المساحات تماتك
تاكد ان الزجاج الامامي نظيف

اذا استمرت في العمل لازم تشوف كهربائي يصلح او يستبدل الحساس


up 1 down 0
الشرقية1 270
قبل 8 سنه و 3 شهر



ذكرتني صارت معي بالكراون فكتوريا وغيرت العصا وما فاد وبعدين غيرت الدينمو حق المساحات وتلقاه تحت الزجاج الامامي يعني عند فتحات مرش المويه 


up 1 down 0
yeem77 430
قبل 8 سنه و 3 شهر



يفكلك الشبك الاسود وتلقى الدينمو شغلته سهله


up 1 down 0
yeem77 430
قبل 8 سنه و 3 شهر