أضف سؤال أو موضوع جديد          

تلميع انوار السياره شغل يدي

up 25 down 3
phantom101 3
قبل 7 سنه و شهر



السلام عليكم ورحمة الله وبركاته 

اخواني بما اني جالس لاوظيفه ولا شي

قلت اتعلم شي جديد ومنها استفيد

اللي هو تلميع الانوار - طبعا بالاول الشغله شفتها قلت صعبه شوي 

لكن والله مافي اسهل منها ونزلت اعلان في حراج وان شاء الله يجوني زباين

طبعا الاغراض اللي تحتاجها 

1-دريل
2-فرشة تلميع اللي تركب على الدريل
3-ورق صنفره رقم 1000 
4-ملمع خشن تحصلها في محلات الزينه بس خذ الاصلي
5-ملمع كار واكس الاصفر

الطريقه 

تغسل الانوار وبعدها تاخذ ورق الصنفره وتبداء تصنفر النور 
مع الاستمرار برش المااء انتبه لازم ترش ماء عشان ماينعدم النور
تجلس تصنفر لمدة 10 دقايق الى ربع ساعه

بتحس النور صار ناعم

بعدين تجيب الملمع الخشن وتطمس النور فيه وتاخذ الدريل وتشغله عليها 
الى ان يختفي الملمع واعملها مره ثانيه

خلاص كذا انتهينا 

تجيب الكار واكس وقطن وتحط شوي وتفركه وبعدها بقطن ثاني وامسح الباقي 

ومبرووووووك عليك النور طلع مثل الجديد ان شاء الله 

http://haraj.com.sa/113927856/%D8%AA%D9%84%D9%85%D9%8A%D8%B9_%D8%A7%D9%86%D9%88%D8%A7%D8%B1_%D8%A7%D9%84%D8%B3%D9%8A%D8%A7%D8%B1%D8%A7%D8%AA%D8%B4%D8%BA%D9%84_%D9%8A%D8%AF%D9%8A%D8%A850_%D8%B1%D9%8A%D8%A7%D9%84/

هذا رابط اعلاني 

وبالتوفيق للجميع








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كيف فك البرتقالي *البرتقالي داخل القزاز ولا كيف ؟


up 0 down 0
temo2016 -25
قبل 4 سنه و 12 شهر