أضف سؤال أو موضوع جديد          

سيارة واقفة 3 أشهر هل تحتاج اغير زيتها رغم ان اللي فيها جديد

up 3 down 1
goodhearted 130
قبل 8 سنه و 4 شهر



السلام عليكم ورحمة الله وبركاته
اخاوني انا سيارتي صارت فيها مشكلة بالقير ووقفت بالوكالة تقريبا 75 يوم والحين بصلحها ولكن ماتصير المشكلة كنت مغير زيت السؤال هل تحتاج الحين اني اغير الزيت مرة ثانية بسبب وقفتها ام مايحتاج







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ما يحتاج أخوي
وإذا أنت جازم تغيره فرغه لي بعلبة أحطه بسيارتي


up 8 down 6
أبو حمد القصيمي 91
قبل 8 سنه و 4 شهر



هههههههههههههه من جد ضحكني الله يسعدك

الوكالة طال عمرك رفضوا قالوا مانقدر نصلح وعندك حلين يا اما تجيب قير تشليح ونركبه لك مجانا او تشتري جديد ونعطيك خصم عليه 30% ويطلع بعد الخصم 19700 وضمان 6 اشهر والتشليح ب10000 وياخذون القديم وضمان شهر والاقرب بحط جديد ان شاء الله مالي الا كذا اما وزارة التجارة قالوا لي معوض خير السيارة منتهي ضمانها مانقدر نسوي لك أي شيء


up 2 down 1
goodhearted 130
قبل 8 سنه و 4 شهر



نعم اخوي وضحت للوزارة لاني المرة الاولى قالي لا ورفعت بلاغ المرة الثانية وكلموني قالوا لي احنا علينا من الضمان الاساسي وهو منتهي المشكلة صعب تدين الوكالة بعد ماغيروا الزيت والفلتر لان السسيارة كانت 45 يوم تمشي طبيعي


up 1 down 0
goodhearted 130
قبل 8 سنه و 4 شهر



لا عادي ما يحتاج


up 0 down 0
معالم التقنية 145
قبل 8 سنه و 4 شهر



انا اعرف واحد معه فان شفر خمس سنوات واقف ماغير الزيت يوم شغله


up 0 down 0
فهد4950 2543
قبل 8 سنه و 4 شهر



الزيت يتغير حسب الكالتلوج

كل 15 الف كيلو
او سنة ايهما اولا


up 1 down 1
مخاوي القايلة 258
قبل 8 سنه و 4 شهر



هههههههههههههههههههههههههه


up 2 down 0
حسان الشوق -254
قبل 8 سنه و 4 شهر



اخواني الله يعافيك

اولا للي قال متخيسر 150 لا والله ماني متخيسر لكن هي اساس معلومة سمعت قبل وحبيت اتأكد منها

اما اخوي اللي يقول اشتك عليهم اشتكيت وقالوا لي ماينفع الا اذا جبت تقرير ان عطل القير بسبة تغييرالزيت وهذا الشيء ماثبت




up 0 down 0
goodhearted 130
قبل 8 سنه و 4 شهر



حسب اللي فهمته من موضوعك السابق ان موترك كان ماشي 99 الف كيلو
ورحت الوكالة غيرت زيت القير والفلتر
وعطوك ضمان 6 شهور او 15 الف كيلو وبعد 45 يوم ضرب القير
يعني بالعقل هي من شريته من الوكالة مافيها شيء وبعد تغيير الزيت يضرب !!!!!!!
خلاص كل شيء واضح ان المشكلة من الوكالة يا انهم زودوا الزيت او ناقص
لا تسكت عن حقك وفهم وزارة التجارة مضبوط
معاك ضمان 6 شهور او 15 الف كيلو يعني لو تحسبها يكون ضمانك إلى ممشى 118 الف كيلو



up 2 down 0
mr959 430
قبل 8 سنه و 4 شهر



والله يعينك مبلغ 19 الف على قير مو شوية


up 1 down 0
mr959 430
قبل 8 سنه و 4 شهر



اصلا اذا ما خبطت المكينه احمد ربك 3 شهور المفروض كل اسبوع تشغل السياره


up 0 down 2
walled709 172
قبل 8 سنه و 4 شهر