أضف سؤال أو موضوع جديد          

تعرف على حركات واسرار الشريطيه وطريقة بيع السيارات في الحراج

up 21 down 7
محمد990 183
قبل 7 سنه و 8 شهر



تعريف الشريطي :
الشريطي هو رجل نصاب محتال لا يخاف الله وأحيان تجدهم مجموعات تتكون من ثلاثة إلى أربعة أشخاص لا تجد خامس بينهم , يتجمهر في مدخل المعارض أو على سيارة بائع للعب على السذج من بعض الناس الذي جاء لبيع سيارته أما لحاجة أو لتغيير سيارته .

أساليب الاحتيال :-
- دائماً تجد الشريطي يخفي عن العالم أنه شريطي فمرة تجده ( حاسر ) ومرة لابس ( طاقية ) ومرة ( نظارة سوداء ) ومرة ( جنتل ) وهكذا , وإذا جاء يسوم منك السيارة يقول لك أنا مو شريطي أنا جاي من الحفر ( حفر الباطن ) أو من القصيم وتحصله دائماً يسب ربعه الشريطية ويقول يلعبون على العالم وما يخافون الله ( يبعد الشبهه عن نفسه ) .

- في بعض الأحيان تجد الشريطي معه ولد صغير ( أبنه ) حتى يبعد الشبهة عن نفسه , كأنه جاي يدور سيارة لولده وهو شريطي محتال .

- ودائماً يبخس ثمن السيارة حتى لو كانت جديدة وينزل سعر السيارة إلى أبخس الأثمان _ يعني _ سيارتك تسوي في السوق 70 ألف أول ما يسوم يقول لك _ 48 ألف _ ومن بعدها يسوم بسعر أعلى , وأحيانا لم يقرب من سعر السيارة يعني 62 أو 63 والسيارة سعرها _ 70 ألف _ تشوف الشريطي يرمي عليك العربون ويطلبك بنخوة عربية , أو تشوف ثلاثة أذناب _ شريطية _ معاه يقولون لك ( تراها قيمة طيبة والله ) ومن هذا الكلام .

- تجد الشريطي يحاول يركب السيارة أو يقول لك أنزل بسوقها وهذا ( غلط ) لأن ما يركب السيارة أو يحاول يسوقها الإ اللي أعطى سعر يعجب صاحب الحلال أو فرق سعر السيارة عن سومة وقبل صاحب الحلال بالسعر اللي عطاه الشريطي ولا تنسى أن الشريطي المفروض ما يركب السيارة الإ تكون أخذت عربون _ أقل شي 500 ريال _ وبعضهم محتال ونصب يقول لك ما عندي عربون ..!! هذا لا تخليه يحرك السيارة ( أطرده ) .

- بعضهم يتفقون شريطية أثنين عليك حتى يعرفون حدك في السيارة يعني أنت دخل السوق ووصلت السومة 64 ألف ولم تعجبك السومة يقولك الشريطية كم حدك , لا تقول له كم حدك قول لك أنت سوم عشان _ تكفشه _ يعني لو فرق وقال 65ألف تقدر تقولهم عطني عربونك وكذا يكون أرتبط معاك وتحصل دائماً مكالمات جوال بينهم ( مثل الحرامية ) .

- دائماً حاول أنك ما توضح السعر اللي أنت تبيه وترضى بالسومة الأولى _ في أول مرة تجي المعارض لبيع نفس السيارة _ لان الشريطية يعرفون شكل السيارة لو جيت مرة ثانية ويعرفون أنك مضطر للبيع وينزلون سعرها لأن يخبرون بعضهم بعض فتحصل الشريطي أول ما يسألك عن السومة يوقف بعيد ويدق جوال يستفسر .

- لا تخلي شريطي يجرب السيارة أو يركب مكان السائق الإ والعربون في جيبك لا يلعب عليك ويقولك دقيقة ولا شوي ولا روح للمعرض الفلاني ثواني والإ يركب معاك يقول أمش شوي في السيارة الإ والعربون معك عشان ما يدخل إلى معرض تابع لهم ويجتمعون عليك أربعة والإ خمسة شريطية يضيعون وقتك في السوم الفاسد , يعني السيارة قبل 10 دقايق أنسامت بـ 65 يقولون لك هاه راحت بالــ 60 ألف ...!!! أنتبه .

- لا تعطي حدك في السيارة دائماً وأصر على كلمة ( سوم ) للشريطي حتى لو كانت السيارة مسيومة قول له أفرق السوم لأنه بعضهم يقولك والله فيه رجال موصيني على نفس الموتر ويبي يعرف سعره عشان أخلص معاك , وبكذا يعرف حدك ويصير تعميم عن حدك وبعدها الكل ينزلك ألف وألفين من حدك في السوم .

- لا تعطيهم رقم جوالك الإ اللي ( صامل منهم ) لأنهم أنذال يأخذ رقم جوالك يدق عليك دقة وحدة عشان إذا ما بعت السيارة تتصل عليه وتقول له أنت اللي سمت سيارتي بهذا المبلغ خلاص ببيع يروح ينزلك 4 ألاف ولا خمسة ألاف .

- لا تقول لشريطي عن سيارتك أن فيها كذا وكذا وأتركه يكشف السيارة وإذا سألك عن شي قول له الموتر قدامك , لأن هذه طريقة تعاملهم ما يعلمك إذا في السيارة صدمات , أو تخبيط أو غيرها الإ إذا كنت واثق من سيارتك .


شباب أتمنى الكل يدق لايك عشان نسفيد كلنا









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخالفك الرأي أخي. انت صاحب السلعة المعروضة للبيع و أت من يجب أن يحدد سعرها و ليس سوم. بالنهاية اسمع منهم ما هعجبك سعرهم يا دار ما دخلك شر. هم ترى بشر مثلك بيترزقون الله. يعني انت ما تبغاهم يربحون و لا كيف؟


up 4 down 20
nezarnuaimat 733
قبل 7 سنه و 8 شهر



اول شيء مشكور اخي ع ردك بس تراهم يبخسون السلع ويرفعون اسعارهم وانت مع احترامي لك مبين عليك جديد في بيع السيارات هم الشريطيه لو يبغون يبيعون سلعه مثل موتر مثلا والمكينه مضروبه يعدلك حاجات بسيطه ويحلفلك ويقسملك انها نظيفه ومدري شنو ونهايه تبووش المكينه وش ذنب واحد يجيك له فتره مجمع فلوسه ونهايه تطلع السياره مضروبه .... تحياتي لك


up 8 down 2
محمد990 183
قبل 7 سنه و 8 شهر



لا وبعدين يجيك خارج المعارض
 اول ما توصل الشارع الرئيسي الخارجي للحراج يييجي يقلك للبيع
طبعا هذا حرام في الشرع اذا بخس سلعتك
لانه بيشتريها قبل لا تنعرض في السوق بسعر اقل
وبكذا يكون بخس سلعتك


up 3 down 0
moathyaseen 1393
قبل 7 سنه و 8 شهر



الله يبيض وجهك فعلاً كل كلمه قلتها انت صادق فيها. .
وصارت معي كثير..لاكن الحساب قدامهم وين يروحون منه
عشان الف او الفين اغضب ربي..
استغفر الله العظيم من كل ذنب عظيم
+1


up 3 down 0
السترين 185
قبل 7 سنه و 8 شهر



والله كلامك صحيح 100% وتعال شفه لاجاء يبيع موتر له انواع الاستخفاف صراحه بس على مين الناس صارت تفهم
بهالامور ،


up 2 down 0
الالنتراوي 5150
قبل 7 سنه و 8 شهر



ايه صح كلامك بس بعضهم مساكين ياخي والله مره قدامي يجيك واحد هوا وامه اظنه يماني الرجال وع نيااته بس شكله توه شباب وتعال شف الشريطيه عيونهم طويله ونصابين ويحلفون وروح شوفهم وقت الصلاه بعضهم يروح يروق وياخذ شاهي ويتكي ع بال م تخلص الصلاه ويكمل نصبه وحلفه ع االناس


up 2 down 0
محمد990 183
قبل 7 سنه و 8 شهر



شكرا

قدام.  عيوني.  الشريطي. الكلب.  زود. بموتر. فورتشنر 2009 اربعه. سرندل. مع. ورعان لخالهم.  وكنت. ازود. معه ابب ي. استعمل. المهم. زود. وزودد.   ونا وقفت.   واتصل على خال الورعان. ونزل ااورع قال. انا شريت ب. 76.   تربحني.  


قلت طير.  اشتر. سته. سرندل احسلي

المهم.     واشوفه.  يمشي.  بالحراج. ويوقف.  يبي. يبيعه.  قبل. النقل.  واروح لموتري.  وبعد. نصف ساعه. اتصل علي. الورع يقولي.   تعال. خذ. ب76 قلت.  الحيوان. ماشراه. قالي.  وقف.  وقال.   ابجبكم. بعد.  دقيقه.  وسحب عليهم

المهم.  قلت. سوتي.   ب73. تبي.   ولا.  باي.  ورفض


up 2 down 2
امير الاصيل 1714
قبل 7 سنه و 8 شهر



والله وراهم المصايب الله يهدينا ويهديهم بسس


up 0 down 0
محمد990 183
قبل 7 سنه و 8 شهر



الموقف هذا حصل معي كان معي النترا 2012 علا وقت نزولها في السوق كانت ماشيه اقل من عشرين الف بكثير نزلتها للمعارض دخلو علي كل الشريطيه الي في الشارع يسومونها بلكثير 30.000 وهي توها جديده المهم خليتها معي استعملها وبعتها قبل شهر وهي ماشيه ميه وخمس الف كيلو ب30.000


up 2 down 1
ford احمر 20
قبل 7 سنه و 8 شهر



نسأل الله ان يصلح شأنهم ولا تبيع الا بخراجك


up 1 down 0
ابوالوليد 2008 104
قبل 7 سنه و 8 شهر



اربعه شريطية اعطوك ديس لايك وموضوووعك جميل ونستفيد منه


up 1 down 0
القصاب 166
قبل 7 سنه و 8 شهر



وأزيد على كلامك اللي كله صح

يقولك شريت ويطلع يجربها بعد أن يخرجك من السوق

ثم يبدأ يعيبها ويقول فيها كذا وكذا وحنة وونة ثم في الأخير ينزل من سومته

كم ألف وهو عارف أنك لن ترجع للسوق وجاي بياع والكثير من البائعين يرضخ له

وأنا مرت علي هالحركة في معارض النسيم وكنت ناوي ابيع ولا ارجع بها لذا وافقت على طلبه

كوني أريد التخلص من السيارة ولا اريد الرجوع للسوق علشان فرق ألف أو يزيد!!!


up 1 down 0
أبوياسر74 277
قبل 7 سنه و 8 شهر



صحيح والله كلامك وبعضهم يسحبك ع جنب ويكلمك انه صادق ويحلفلك وكذا وهوا عارف انك م تبرجع جاي تبيع موترك وتمشيء


up 0 down 0
محمد990 183
قبل 7 سنه و 8 شهر



لا فض فوووووگ يامحمد
سلمت الانامل
5 ديس لايك=شريطيه ههههههههههههههههـ
ولگ احلى لايك


up 1 down 0
حب حار 99
قبل 7 سنه و 8 شهر



والله مره جيت ابيع موتري مكسيما 2000 ف معارض الدمام
جاني شايب يقول ياوليدي هذي السياره وشهي كااامري؟
قلت لا يابوي هذي مكسيما
قال والله معرفها
لكن. خذ هذي 5000 
وحاطها بيده كاش
وخلنا نتوكل ع الله
قلت اقول رح توكل ع الله
ما اقول الا حسبي الله ع من يبخس السلعه ولا يعطيها حقها
وحسبي الله ع من يرفع بسعر شي مايستاهل القيمه. 


up 2 down 0
حب حار 99
قبل 7 سنه و 8 شهر



قبل 7 ايام شريت كامريي ب53 ونزلت قبل يومين بعتها ب 45
قالوا مافيها الا رفرف واقنعوني اني بستخدمها شهر وشهرين ببيعها ب 57 او 58
ووقعوني على كوم حديد ويوم رحت المعرض قلت لهم شرطي افحص قالوا انت موقع كوم حديد حسبي الله عليهم وين يروحون يوم القيامه مااسامحهم


up 1 down 0
لينكون تاون كار 1
قبل 6 سنه و 5 شهر



جزاك الله خير اخوي ماقصرت


up 0 down 0
المقصر 147
قبل 5 سنه و 2 شهر