أضف سؤال أو موضوع جديد          

هام لكل سيارة

up 6 down 2



السلام عليكم ورحمة الله وبركاته 

هام لكل سيارة ، حبيت افيدكم .

كل 100 الف كيلوا تغيير / موية ارداتير + بلف الحرارة وفحص الاهواز أو الخراطيش تبع الرداتير .

كل 60 الف كيلوا تغيير / بواجي + صفاية البنزين + تنظيف حساسات الهواء + فحص الكويلات + اسلاك البواجي + سير الماكينه 

كل 45 الف كيلوا / يتم فحص الفرامل ونظام التعليق في السيارة .

كل 40 الف كيلوا تغيير / زيت القير + فلتر القير + اهم نقطة نوعية الزيت لأنها تختلف حسب الموديل .

كل 20 الف كيلوا تغيير / فلتر الهواء .

كل 5 - 7 الآف تغيير / زيت الماكينة + فلتر وسيفون الماكينه . 

حبين انزل الموضع للإفاده والاجر من رب العالمين .

إن كان هناك اخطاء فأرجوا التصحيح ، وإن كان هناك رأي فمرحباً به .







إبلاغ إبلاغ



الردود


مشكور الله يجزاك خير لأكن القير تقصد التماتيك ولا العادي  لأن اخبر العادي يطول مايتغير ؟؟


up 0 down 0



الموتر لامنه سلك لاتجيه

ياما نااس معهم مواتر ماشيه فوق 400 ومهمله وماشيه سياراتهم تمام

لاتفتف الموتر غير بواجي وسلك

ولامن صارت له مشكله عالجها وكمل

اما الصيانه الدوريه والاهتمام الزايد هو اللي يدمر الموتر

الموتر زي الانسان

لامن وديت الانسان لمستشفى اهلي طلعو فيك عيوب الدنيا

علشان كذا خذنا الحكمه من شيبانا اللي يطول بااعمارهم اكرف

اهم شيء الزيوت وموية الرديتر والباقي سهالات

ولاهنت على طرحك الموضوع

موفق


up 9 down 1
amear 1347
قبل 11 سنه



اقصد الزيت طبعاًً


up 0 down 0



رد على اخوي عامر ... 

قد م تدلع سيارتك وتفحصها وتدلعها هي بالمقابل تبي تدلعك وتونسك .. 

الاهمال يجلب البلاوي .. والا م كتبوا بالكتلوج جدول صيانه .. 

لا هنت اخوي .. 


up 0 down 1
fahadlfc 314
قبل 11 سنه



حتى الكاتالوج وهو محتاط جدا لم يطلب تغيير ماذكرته بهذي السرعة
لاتبالغ جدا في تغيير القطع الاستهلاكية لانك في فترة ليست طويلة تكون قد انفقت قيمة توضيب مكينة

المهم اهتم بالزيت لاينقص والحرارة لاترتفع وباقي الأشياء اول ماتنتهي غيرها بوقتها ولاراح يضر السيارة


up 1 down 0
سلطان4040 1237
قبل 11 سنه



تدري وش المشكله ؟ اذا مشيت على هالجدول اول بأول وغيرت انت من نفسك بدون ما تطلب السياره وفجأه خربت عليه بشي معيين ،،، تتضايق وتقول لييييه طيب ؟ مو انا مدلعها ومغير كل شي بوقته ما تأخرت في الصيانه ف ليش تخرب ؟ وتتضايق وتكره السياره هههههه من ناحيتي ادعس على الموتر واستكثر عليه حتى البواجي واموري ماشيه ولله الحمد لأن الموتر اللي معي من سنين عارفه ( فكتوريا ) ***لكن*** ( اذا سياره جديده وغاليه على قلبي و حساسه ) ف لا والله اول شي بسويه بروح الوكاله وااخذ منهم جدول الصيانه واخليه قدام اعيوني واسوي الاشياء المهمه واطنش الاشياء السهله والاشياء المهمه مثل زيت القير او زيت الدفرنس او او ارجع اسويها بالوكاله ازين لي غير كذا كل شي بسويه برا الوكاله


up 2 down 0



جزاك الله خير ياقمر


up 1 down 0
wadea4 81
قبل 11 سنه



هذا اللي اقصدة بالجدول في رموز .. افحص I نظف c غير  R 



هم صنعوا السيارة هم ابخص فيها ان جاها شيء قضاء وقدر افعل الاسباب 

وتوكل على الله بعد 300 الف كيلو تشوف سيارتك نظيفه وقويه .. 


up 0 down 1
fahadlfc 314
قبل 11 سنه



رد على أخوي فيصل المغيري أقصد القير التماتيك 


up 0 down 1



شكراً لكل الرود 


up 0 down 1



الله يجزاك الف خير 
انا كنت ادور هذا الاغراض الي اغيرها في السيارة 
ومشكور على الموضوع الجميل


up 1 down 0
جيلي ec7 2013 114
قبل 11 سنه