وش رايكم في امبالا 2014 ناوي اشتريها ان شاء الله

خلفيتها عاديه جدا 

خذ كابريس ال اس ٢٠١٤

فخامه داخليه

دفع خلفي

اضمن لك بعد الله ٥ سنوات ماتحط فيه ريال اذا حافظت على زيوته 

والموتر هيبه 

وعندك الماليبو ٦ سلندر فل كامل 

الامبالا للان حتى الورش ماتعرف ايش بطنها

وغير كذا وجهها بطل الخلفيه سيئة

بصراحة السيارات الامريكية الجديدة تخوف شوي

ليه ماتشوفلك


بقيمتها جنسس

والله الكوري ما يعيبه شيء بس انا تعودت على الامريكي وبالذات شركة شيفروليه والله لا ني راعي سرعة ولا مطاوف في الخطوط ان اسرعت مرة وصلت 100 كم 

سيارة جبارة مقارنة بمثيلاتها في الفئة انا املك امبالا وماندمت عليها سيارة جبارة بمعنى الكلمة

اللي يقول ان الورش ما تعرف بطنها حبيت أقول لك انها نفس مكينة الكامارو 6 سلندر ونفس مكينة الكدلك سي تي اس  ونفس مكاين الكابرس واللومينا 6 سلندر

وترا الامبالا كنديه والماليبو والكابريس على حد علمي استراليه 

والله شكل ممتاز بالذات مع اللون اللؤلؤي فخخخامه

والله شفتها منتشره بالغربيه وشكلها مجنون وابداع , توكل على الله وخذها , بس سو لها تأمين شامل , لان لو لا سمح الله وحكيت فيها او صدمت , بتكون اسعار القطع شوي عاليه لانك راح تاخذها من الوكاله لان مافيه اي محل يبيع قطع امبالا الا الوكاله في بيكون السعر , يعني سو تأمين شامل وريح راسك :) , وانصحك بالـ LTZ سعره حدود 128 الف وكاله جديده

على كلام واحد جربها يقول انها معدومه الرساوه انا استغرب صراحة ماهو باين ان السيارة ماهي راسية
على عموم انا استاجر وحدة وجربها هي تناسبك ولا لا

يالبى الشفر بسس 

شف هي موتر لايعلى عليها لكن غويليه شوي على مواصفاته وشكله 

صراحة شكلها رائع جدا جدا جدا
بس المشكلة اللمبة الخلفية موب LED ودفع امامي
وسعره فل كامل 136 الف من توكيلات العالمية!!!
توكل على الله وخذها وحط تأمين شامل علشان ما تروح فيها من اسعار القطع وندرتها بما أن السيارة جديدة

نصيحه لاتاخذ كلام من ناس ماجربو ههههههههههههههههههه  شوفلك احد جربها شخصيا 

انا معي امبالا 2014 وانصحك بها بقوة السيارة مريحة جدا جدا وعزل الهواء ممتاز جدا ماتسمع صوت الا بعد ال200 وماهو مزعج 
و تبريد المراتب تلقائي مع التشغيل بالريموت اذا كان الجو حر وشاشة معلومات بالطبلون تقدر تشوف ضغط الكفرات وتقدر تتصل من الطارة وتقدر تشغل الملاحة وغيره 
وفيها ميزة تسجيل الراديو وفيها فيش كهرب تقدر تركب عليه dsl او شاحن و...الخ  
والشاشة تقدر تغير خلفيتها فيها اكثر من ثيم 

ترا فيه نوع ltz عند الجميح لكنه بدون ملاحة وبدون رادار تنبيه التصادم وبدون تحذير انحراف عن المسار وسعرها 127 او حوله الفل عند الجميح او التوكيلات جنوط 19 ب135 وجنوط 20 عند التوكيلات 142

الله يعين والله دخت بعض الشباب اللي معهم السيارة اشتكو من عيوب مصنعية وراسي دايخ اللحين بينها وبين افالون

خذلك اغلون واله كثرت عرضها للبيع واجد وسعرها رخيص علي افا من يشيل  
وبكره تبي تبيع مانجيبلك 20الف

وش تفرق عن الماليبو