يشتري سيارة وكالة ويحطها بالبايكه نقاش
13
14
إضغط هنا للإخفاء
السلام عليكم ورحمه الله وبركاته
ان شاء الله انكم بتمام الصحه والعافية جميعا ومساءكم الله بالخير جميعا
وجمعة مباركة ياخوان
فيه ظاهرة يمكن معروفة وبدات عند الحضر اول شيء والناس الهاي هاي <= على قولتهم
والحين انتقلت عند ربعنا بشكل ملحوض الي هي ظاهرة
يشتري سيارة وكالة ويحطها ب البايكه <= يخزنها يمكن
طبعا انا لا اخفيكم كنت اؤيد الفكرة واشوفها ممتازة
بس مع الوقت تغيرت نظرتي الى ان شفت قريب لي
شاري له موتر بــ110 الف ريال امريكي نوعه <= من اهل الشمال
وسيارته بـ10 الالف ريال يروح عليها وتمشي
طبعا كل واحد وحررر بنفسه يركب سيكل او بوقاتي يطلعها اقساط بكيفه
وفيه ايضا عندنا بحارتنا ملازم اول بالجوازات معه لانسر 2010
وعنده جمس يوكن دينالي مطلعه وكاله وايام عزه بربع مليون تقريبا شاريه
يعني شفته مار على اللانسر هذاك اليوم كانه طالب بثانوي اخر مرحله له
يعني ما تسوى عليه لو بكره لو سمح الله يصير حادث او ضربه على بابه ويروح غلطه
اشوف السيارة اليي تتونس بها انت واهلك وتقضي ربع يومك بها
اهم من سيارة ما تمشي الا 20 الف بالسنة
بعضهم يقول لا بغيت اسافر اطلعها وتحصله كل ثلاث شهور يسافر مره او ديرته تقرب
600 كيلو يعني سيارة وكالة لو تمشي بها نص مليون ما في خوف اهم شيء اهتم بالصيانة
واذا قصدك تحافض عليها علشان لا سافرت اغلب اعطال السيارات بالخط
بسببه خرطوش او انقطاع البنزيم او الكهرب
اتمنى وصلت الفكرة او المعلومه
هل انت مؤيد للفكره او لا وعلمنا رايك
وخلنا تنقاش نتجادل نتحاور
بدون الخروج من الاداب العامة
وفيه العضو ابو ناصر والوجيه محد شافهم ؟؟؟؟؟
مع تحيات اخوكم محمد العنزي
إبلاغ
الردود
عيني -- يعني
0
0
عيني مثلا تشتري سياره بميتين الف زي GXR وانت عارف شوارعنا اللي تجيب الاكتئاب
والمطامر تقول بلايستيشن 3 وندرة المواقف في اي مكان تبغاه والدوام ووقفة الشمس اقل
شي ٥ ساعات لازم تخلي الشغلات ذي لسياره اي كلام اما بتطلع تتمشى في الليل
او تسافر او معزوم لا والله خذ السياره الجديده ولا توقفها اكثر من اسبوع ظروري تتحرك
لانها صنعت للاستخدام وليس الوقوف
قبل 10 سنه و 9 شهر