الناس وطريقة تقييمها للسيارات غريبة عجيبة
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
إضغط هنا للإخفاء
السلام عليكم
اليوم بتكلم عن موضوع صار فيه حماس خاص بالمازدا زايد طرحه العضو ( معالم التقنيه ) مدري هو جرب المازدا شخصيا ولا لا
وبصراحه استغرب من تقييم الناس للسيارات
حسب مافهمت من راعي الموضوع واللي حاط صورة سياره لاقطها من النت وعارض الموضوع في موقع حراج
ان الاكسنت افضل من المازدا 6
في عزل الهوا !!! تسمع صوت الهوا كئنك فاك القزاز ... والله هالوصف حسسني انه راكب شاص 79
و إذا حطيت يدي في اليد حق باب السائق من جوا و انا مسرع الهوا قاعد يضرب بيدي >>> ياخي قول فيه تنسيم هوا اوا الهوا يضرب والله هالوصف وكئن السياره بدون باب
مو معقوله كانت عندي زوم 3 وعزلها افضل من الفورد حاليا
يااخي
هناك عدة عوامل لازم تحطها في بالك بخصوص العزل
اذا كان فيه هوا معاكس او هوا قوي اكيد بتسمع الازعاج وهذا طبيعي
اذا كان فيه اختلاف في وزنية الباب او ضعف فالجلد
احتمال الدفعه الاولى فيها مشاكل تصنيع
مب شرط السياره خلاص من اول مديل لاخر مديل سيئه
بخصوص الرساوه يقول :
اقسم بالله مافيها هاذيك الرساوة على 160 تهز يمين وشمال من الهوا
^^
مدري اخونا كان راكب الماني قبل كذا عشان يقيم مستوى الرساوه بهذا الشكل
اذا كان فيه هوا قوي وعلى هالسرعه طبيعي السياره تحس بعدم رساوه فيها
اما القزاز الخلفي يجي عليه ندى وماعاد ينشاف شي
بس الاكسنت حقته مايطلع ندى وحتى باقي كل السيارات مايطلع فيها شي ماعدا المازدا يطلع فيها ندا !!
شي طبيعي يطلع الندى على القزاز
مدري الاخ يفكر نفسه راكب مازيراتي ولا اودي جاي يتكلم عن ملاحظات بسيطه وطبيعي تكون فالسيارات هذي
قبل لانحكم على السياره
تاكد انك شاري اول دفعه منها وهذي غالبا يشملها العيوب وكلكم عارفين هالشي فليه تنقزون تشترونها ؟
الشي الاخر اللي جالس يعيب فالمازدا
ابيك تحسب كم سياره انباعت وكم واحد اشتكى منها
مثلا انباعت 500 سياره
قول اللي اشتكوا منها 50 شخص
انت تروح تجمع ال50 شخص وتقول تعالو شوفوا كيف الناس تشتكي من هالموتر
طيب باقي 450 سياره ملاكها محد فيهم اشتكى من شي
تركتهم ورحت للي يشتكون
ولاتعتمد على كلام اللي يشتكون
لان اغلبهم مفكر السيارات اليابانيه مثل الاوروبي ولا الالماني يبي فيها كل شي
هذي هي الطريقه الصحيحه لتقييم السياره
احسب كم سيارع تم بيعها وكم عدد الملاك اللي اشتكو منها راح تجد نسبة المشاكل 1 بالمئه
المهم انا جاي اتكلم عن كذا نقطه
اللي يقول شريت موتر وكله عيوب والشركه كلها عيوب ومن هالكلام
طيب انا شريت مازدا 3 وكاله جديده وخرب فيها الدفرنس وركبوا جديد ونفس المشكله وهبلت فيني السياره
لكن ماجيت قلت ان كل سيارات مازدا مضرررووبه عشان تجربه سيئه مريت فيها
( لكن اعطي المازدا3 ارسى سياره في فئتها واجمل من الداخل ) حسب تجربتي لها ومافتكر تعرضة لاعطال
غير مشكلة الدفرنس
شريت فكيتوريا 2009 وكاله واخترب علي العكس وهو مامشى الا 3 الف كيلو
غيروا العكس والرمان ورجع بعدها فرط الدفرنس والسبب عدموا وزنيته
صلحوا الدفرنس رجعت مشكلة الكهرب رحت بعته بعد ماصلحته وقد كرهته
واخذت فورد ثاني
ماجيت قلت والله شريت فورد وطلع فيه كم مشكله ورحت اسب الشركه عشان تجربه سيئه مع سياره واحده واليحن مبسوط معاه
الجيب المازدا سبو فيه وقالوا اعطال ويوم بخثت فالمنتديات ومن المجربين وجدت ان العيوب بسيطه
( خراب دينمو القزاز + صوت باب الشنطه ) غير كذا الموتر حق كرف
النيسان اكستيرا ايضا ماخليت منتدى مادخلته
ووجدت ان خراب الكرونه بسبب سوء الاستخدام + عدم توفر قطع الغيار
وقس على ذلك باقي السيارات
حتى الامبالا الشفر الجديده ماتركوها فحالها سب وسخط يوم تجي تسئل اللي يسب فيها يقولك ماعندي موتر بس سمعت !!
اما بخصوص السعر عند البيع
فاعتقد كلنا عارفين وش السيارات اللي تمسك سعرها ووش السيارات اللي ماتمسك سعرها
فلذلك يوم تشتري المازدا وتجي تبيع ويطيح سعرها فلاتزعل
لانك عارف السوق عندنا انت عايش فالسعوديه وعارف السيارات الدارجه عندنا فمايحتاج تسئل احد
تبي موتر كرف وتوفر قطع ويمسك سعر عند البيع عليك بتويوتا
لكن ترا مافيها لاراحه ولاتقنيه
تبي راحه وتوفر قطع وفخامه وسعر عند البيع
عليك بالمريكي بشكل عام لكن لازم تحافظ عكس سيارات تويوتا
وقس على ذلك باقي السيارات
بصراحه انا صرت ماخذ كلام قيل وقال
افضل طريقه تعرف فيها عن السياره ومشاكلها هي المنتديات واليوتويب
منتدى السيارات
منتدى مكشات
منتدى فورد العربيه
منتدى هونداي بيست
منتدى تويوتا
وعندك اليوتويب فيه ناس منزلين مقاطع عن سياراتهم ياخي تقدر تسئلهم
انا استخدم هالطريقه
على سبيل المثال
سئلت واحد معاه رانجلر ومنزل مقاطع فيديو وسئلته بخصوص الحراره والكلتش وكان هذا رده
(( Saleh Alqudsi
صح 2012 صغرو المكينه بس رفعوها 100 حصان تقريبا
و كان جزء من هدفهم لهذي الحركه عشان الحراره
بس الحراره باقي فيه تسخين و ما يجي الا في الصيف و اذا كثرت طعوس فيها
و الكلتش لا ما حلو المشكله بس اذا مني غلطان قيمة الكلتش الرياضي بحدود 2000او 3000
تركبه تريح راسك))
^^^
شوفو كيف الموضوع بسيط
هذا واحد معاه رانجلر وعنده خبره ووضحلي اللي طلبته
افضل من كلام القيل والقال
اخر شي اخليكم مع مقطع للاكتسيرا وبصراحه عجبني في قوته
قبل كم يوم كنت فالقصيم وشفته منتشر
والحين منتشر في عمان
https://www.youtube.com/watch?v=0UvuxdvyXtU
![إبلاغ](https://montada.haraj.com.sa/images/alert.gif)
الردود
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
قبل 10 سنه و 5 شهر