عندي 70000 وابي سياره ب85000 هل ممكن تتعاون معي الوكالة

إللي أعرفه سلمك الله تقدر تحط ال 70000 دفعة أولى على الموتر وتخليه تأجير منتهي بالتملك والمدة تقدر تخليها سنة أو سنتين أو أكثر والقسط ماراح يتعدى تقريبا 600 ريال وهذا و الله العالم ... 

ماادري عن نوع السياره الي تبيها او موديلها على العموم اذا كان الموديل تقصده حق 2014 فاشتر موديل 2013 يكون ارخص اما اذا ملزم على نفس الموديل فانتضر الين مايسوون علي سياراتهم عروض وتخفيضات

هذي السنه فيه تخفيضات جبارة في شهر رمضان عند كل الوكلاء ....

ممكن انت تتعاون مع نفسك

خذلك سياره ب70 الف جديده ليه تجبر نفسك على الدين ووراك مصاريف ثانيه

مب شرط الا تاخذ سياره ب85
عندك هونداي I40 
النترا فل كامل

تراها مجرد سياره تؤدي الغرض
والزواج ومصاريفه اهم

لا تضغط نفسك وانا اخوك عشان ماتندم بعدين 
بدى الاهم وهو الزواج  ولو تشتري سياره اقل من 70 بعد  وتوفر الباقي لك ولمصاريف الزواج 
ومبروك مقدما 

اشتر التيما بـ 66 الف ريال اصفار ستاندر نشاط ورساوة وتحمل وفخامة
بالتوفيق ان شاء للجميع

والله ما احطها في كيا 

انا كنت بمثل وضعك
عندي زواج و تعينت بعيد شوي و كنت محتاج موتر جديد
اول ابشتري سانتافي 2011 ب85 الف جديد 
بس هونت و اشتريت سيارة سيدان جديدة ب67 الف الالتيما اللي معي و الحمدلله
بس بعدها بسنة نقلت عند اهلي و نوعا" تندمت اني استعجلت على السيارة
 اذا كان دوامك قريب ما تحتاج سيارة جديدة اصبر الى بعد الزواج
مهو لازم العروس تركب جديد انا اول شهر بزواجي  كانت معي كامري 2003 قزاز السواق ما ينزل
تسألني تقول ليه ما تنزل؟ اقول لها حركات وش دراك هههههه

عندك i40   فل  فخامه  وكل شي   لانه ماله داعي تضغط على نفسك  ويمكن بعد 

ال i40 تعجبك 

الله يعطيكم العافية المقصد مش كذا

فعلا دوامي قريب لكن سيارتي خبط قيرها وبحط لها قير تليح وببيعها مو ناقص يخبط مره ثاني

اعمل اللي يعجبك يالغالي 

سواء اخذت وكاله ب70 او حطيتها دفعه في موتر جديد وقسطت الباقي لكن نصيحتي ابعد عن الاقساط قدر الإمكان

دام معك 70 ووراك زواج ومصاريف حرام تأخذ سياره واقساط شوفبك سياره جديده وكاش احسن شي

الله يجزاكم خير

سبحان الله ... 

دايم الواحد يدور سياره اغلى من المبلغ اللي معه ... 

أبعد عن التأجير ووجع الراس أنا اشوف إنك تخلي السيارة آخر شيء وبعد الزواج بيوم او يومين تشوف كم العونيات وكم معك وش لك وش عليك
 ممكن يكون الفائض ممتاز وممكن تزيد عليك المصاريف وتندم لأنك بتضطر تتسلف لتغطية العجز 
والله يوفقك ويسهل امورك 

الله يجزاكم خير
اخواني انا سيارتي ببيعها وضروري اشتري سياره صعب اصبر

دوامك قريب وتبي سيارة غالية ليه ياخي
شوفني اداوم كل يوم تقريبا 30 كيلو وسيارتي كورولا 13 واسافر بها اسبوعيا 1000 كيلو وحلوة مافيها شي توديني وتجيبني وبتزوج ان شاءالله بعد رمضان وماراح اغير السياره بخليها نفسها 

خذ شي ع قدك ولو تاخذ جديدة ب 60 تويوتا او هونداي او اي وكالة حلوة وقطعها رخيصة يكون افضل فهذا في صاالحك في كل الاحوال 

والله يوفقك ياغالي

الله يجزاك خير اخوي انا عندي اوريون 2011وخبط قيرها صراحه اصعب اتنازل عن سيارة بأقل منها واللي جرب الأوريون يعرف