أضف سؤال أو موضوع جديد          

عندي 70000 وابي سياره ب85000 هل ممكن تتعاون معي الوكالة

up 0 down 0
goodhearted 130
قبل 8 سنه و 4 شهر



السلام عليكم ورحمة الله وبركاته

اخواني عندي مبلغ 70000 وابي اشتري كيا من الجبر سعرها 85000 ووريا مصاريف زواج وال15000 الباقية صعبه شوي علي
هل ممكن دفع ال70000 وبعد سنتين مثلا ادفع الباقي

هل هناك اجراءات تسهيليه زي كذا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


إللي أعرفه سلمك الله تقدر تحط ال 70000 دفعة أولى على الموتر وتخليه تأجير منتهي بالتملك والمدة تقدر تخليها سنة أو سنتين أو أكثر والقسط ماراح يتعدى تقريبا 600 ريال وهذا و الله العالم ... 


up 6 down 0
يارب فرجك -146
قبل 8 سنه و 4 شهر



ماادري عن نوع السياره الي تبيها او موديلها على العموم اذا كان الموديل تقصده حق 2014 فاشتر موديل 2013 يكون ارخص اما اذا ملزم على نفس الموديل فانتضر الين مايسوون علي سياراتهم عروض وتخفيضات


up 1 down 1
Pro rare 448
قبل 8 سنه و 4 شهر



هذي السنه فيه تخفيضات جبارة في شهر رمضان عند كل الوكلاء ....



up 3 down 0
hasann 157
قبل 8 سنه و 4 شهر



ممكن انت تتعاون مع نفسك

خذلك سياره ب70 الف جديده ليه تجبر نفسك على الدين ووراك مصاريف ثانيه

مب شرط الا تاخذ سياره ب85
عندك هونداي I40 
النترا فل كامل

تراها مجرد سياره تؤدي الغرض
والزواج ومصاريفه اهم


لا تضغط نفسك وانا اخوك عشان ماتندم بعدين 
بدى الاهم وهو الزواج  ولو تشتري سياره اقل من 70 بعد  وتوفر الباقي لك ولمصاريف الزواج 
ومبروك مقدما 


up 0 down 1
شروكي 2007 181
قبل 8 سنه و 4 شهر



اشتر التيما بـ 66 الف ريال اصفار ستاندر نشاط ورساوة وتحمل وفخامة
بالتوفيق ان شاء للجميع


up 4 down 0
عمر عبدالله سالم 25
قبل 8 سنه و 4 شهر




والله ما احطها في كيا 


up 7 down 1
ابوسطاام -1
قبل 8 سنه و 4 شهر



انا كنت بمثل وضعك
عندي زواج و تعينت بعيد شوي و كنت محتاج موتر جديد
اول ابشتري سانتافي 2011 ب85 الف جديد 
بس هونت و اشتريت سيارة سيدان جديدة ب67 الف الالتيما اللي معي و الحمدلله
بس بعدها بسنة نقلت عند اهلي و نوعا" تندمت اني استعجلت على السيارة
 اذا كان دوامك قريب ما تحتاج سيارة جديدة اصبر الى بعد الزواج
مهو لازم العروس تركب جديد انا اول شهر بزواجي  كانت معي كامري 2003 قزاز السواق ما ينزل
تسألني تقول ليه ما تنزل؟ اقول لها حركات وش دراك هههههه



up 7 down 0
أبو نجوى 2443
قبل 8 سنه و 4 شهر



عندك i40   فل  فخامه  وكل شي   لانه ماله داعي تضغط على نفسك  ويمكن بعد 

ال i40 تعجبك 


up 0 down 2
مافي اسم فاظي 68
قبل 8 سنه و 4 شهر



الله يعطيكم العافية المقصد مش كذا

فعلا دوامي قريب لكن سيارتي خبط قيرها وبحط لها قير تليح وببيعها مو ناقص يخبط مره ثاني


up 2 down 1
goodhearted 130
قبل 8 سنه و 4 شهر



اعمل اللي يعجبك يالغالي 

سواء اخذت وكاله ب70 او حطيتها دفعه في موتر جديد وقسطت الباقي لكن نصيحتي ابعد عن الاقساط قدر الإمكان


up 1 down 0
camry grandi 99 7274
قبل 8 سنه و 4 شهر



دام معك 70 ووراك زواج ومصاريف حرام تأخذ سياره واقساط شوفبك سياره جديده وكاش احسن شي


up 0 down 0
أبو غاليه ... 770
قبل 8 سنه و 4 شهر



الله يجزاكم خير


up 1 down 0
goodhearted 130
قبل 8 سنه و 4 شهر



سبحان الله ... 

دايم الواحد يدور سياره اغلى من المبلغ اللي معه ... 


up 2 down 0
ff-ff999 344
قبل 8 سنه و 4 شهر



أبعد عن التأجير ووجع الراس أنا اشوف إنك تخلي السيارة آخر شيء وبعد الزواج بيوم او يومين تشوف كم العونيات وكم معك وش لك وش عليك
 ممكن يكون الفائض ممتاز وممكن تزيد عليك المصاريف وتندم لأنك بتضطر تتسلف لتغطية العجز 
والله يوفقك ويسهل امورك 


up 0 down 0
sokar1983 272
قبل 8 سنه و 4 شهر



الله يجزاكم خير
اخواني انا سيارتي ببيعها وضروري اشتري سياره صعب اصبر


up 0 down 0
goodhearted 130
قبل 8 سنه و 4 شهر



دوامك قريب وتبي سيارة غالية ليه ياخي
شوفني اداوم كل يوم تقريبا 30 كيلو وسيارتي كورولا 13 واسافر بها اسبوعيا 1000 كيلو وحلوة مافيها شي توديني وتجيبني وبتزوج ان شاءالله بعد رمضان وماراح اغير السياره بخليها نفسها 

خذ شي ع قدك ولو تاخذ جديدة ب 60 تويوتا او هونداي او اي وكالة حلوة وقطعها رخيصة يكون افضل فهذا في صاالحك في كل الاحوال 

والله يوفقك ياغالي


up 0 down 0
coco13 893
قبل 8 سنه و 4 شهر



الله يجزاك خير اخوي انا عندي اوريون 2011وخبط قيرها صراحه اصعب اتنازل عن سيارة بأقل منها واللي جرب الأوريون يعرف


up 0 down 0
goodhearted 130
قبل 8 سنه و 4 شهر