اذكر قصه سافرت وتعطلت بك السيارة
11
3
إضغط هنا للإخفاء
السلام عليكم ورحمه الله وبركاته
ان شاء الله انكم بتمام الصحه والعافية جميعا واهلا وسهلا
ومنور المنتدى بعد رجوعك ياالمطلق والحمد لله على سلامتك
اليوم جايب موضوع عن سفره لك او لاخوك او لابوك
سفره سافرت وتعطلت بك السيارة بالسفر
اتمنى الموضوع يكون فيه حركة وبلاش كسل وعدم مبالاة سولف احكي
القصة1-- سافرت انا واهلي على شفروليه بقس ماني فاكر اسمها من الرياض للحفر الباطن
بنشرت السيارة وشيء طبيعي طبعا بنشرت وحاولنا نبشرها ورفضت لا يجي المفك على الصامولة
فكينا كل الصواميل الا وحده دقرت نضرب الجنط ما نفع لازم مفك لها
حقت الكفر ومسافرين على سيارتي طبعا وجت السيارة الثانية دسسن 2002 ومعه مفك الرباعي
ولا نفع وقعدنا ساعتين ونص نحاول والله يهديه الوالد تعبنا مع ان الديره باقي 100 كيلو
بس رفض لا يخلليها السيارة ودقينا على امن الطرق ومعه مفك كفرات وفك على طول
ووصلنا للديره الساعه 1 بليل
القصة الثانية 2=== معي النترا موديل 2006
خبطت علي بالخط المكينه بسبب اهمالي للزيت وماشي على نظام الامريكان يزود للسيارته فقط لا غير
الى ان ضربت معي المكينة قبل الديرة بــ20 كيلو ولله الحمد ووضبتها وماامسك التوضيب
القصة الثالثة 3==== على جمس موديل 91 طلعت من الديرة 70 بعدها القير رفض لا يعشق
احيانا يعشق واحيانا تمسك معه ما يبدل ورجعت تاشيرة مع كداد للديرة واخذت السيارة الثانية
صابونه يوم رجعت دق علي الوالد وقالي اشتغل الجمس ومشى الى ان قطع مسافة 550 كيلو وما في اي مشاكل
اتمنى التفاعل والمشاركة بالموضوع وعدم الخروج عن الاداب العامة 4اخوكم
محمد العنزي
إبلاغ
الردود
0
0
قبل 10 سنه و 7 شهر