أضف سؤال أو موضوع جديد          

هل ضمان الصالات على الامريكي حقيقي؟

up 3 down 2
goodhearted 130
قبل 8 سنه و 4 شهر



السلام عليكم ورحمة الله وبركاته
اخواني بصراحه لي فترة ادور لي سياره بسعر تقريبي مايتجاوز 65000 ومريت الصالات اللي عندنا بالشرقية العوهلي والسلام وشفت عدة سيارات مثل الكرايسلر والفورد فكتوريا والفورد ايدج وبصراحه السيارات نظيفه ويغريني الضمان 4 سنوات وبعضهم 5 سنوات على القير والماكينة والدفرنش ابي رايكم هل احد جرب شرى من هالصالات وجرب ضمانهم يعني صار عنده خلل في القير او الماكينة او شيء مضمون بالسيارة وتحملوها







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اكيد راح يقولون سوء استخدام 


up 3 down 2
meedoo999 144
قبل 8 سنه و 4 شهر



لا هو ضمان حقيقي و صحيح ، بس ياخذون زيادة على سعر السيارة 5 آلاف و فوق !!!! إذا كانت
السيارة نظيفة و فحصها كويس ما أشوف داعي للضمان ، و أنت بهواك .


انت انتبه ع العقد اذا فيه ضمان او مافيه لانه في ناس تقول في ضمان ومايكون عندهم... شيك ع العقد اذا فيه ضمان


up 0 down 1
bmw x6 235
قبل 8 سنه و 4 شهر



وعليكم السلام ورحمة الله وبركاته
والله ياصاحبي بالنسبه للضمان أنا تعاملت مع ضمان شركة "حماية" ( شغل نصب )
قبل 6 سنوات شريت تاون كار 97 أستخدام أمريكي وعطوني ضمان من شركة حماية المهم بعد ماشريت السياره بأيام انفقعت الثلاجه حقت المكينه ورحت لهم قالو تدفع 300 ريال نسبة تحمل المهم دفعت 300 ريال وبعد مماطله لعدة ايام أستلمت السياره أكتشفت أنهم مركبين ثلاجه مستعمله ورجعت السياره لهم وقلبت الدنيا عليهم وركبولي ثلاجه جديده أتوقع كان سعرها 750 ريال ف المقصد من الكلام أنهم نصابين أكبر همهم الفلوس ((( شركة حماية ))) غيرها لا أعلم عنها



up 3 down 0
Saleh Al Masri 644
قبل 8 سنه و 4 شهر



أنت اذا نويت تشتري أفحص السياره واذا كانت أوكي توكل على الله واذا بيعطونك الضمان مع السياره بدون ماتزود ولا ريال يكون أحسن
بالتوفيق



up 1 down 0
Saleh Al Masri 644
قبل 8 سنه و 4 شهر



يارجال نصابين شرينا سيارتين وحده فورد وخرب الكمبروسر ومرمطو فينا وسحبوا فينا وحنا منتظمين عندهم بتغيير الزيت عندهم واخرتها بعد شهر رحت الصناعية وشريت الكمبروسر وتركتهم والثاني جمس للوالد خرب القير والموتر طول وقته في البايكة ويقولون سوء استخدام وبعد مرمطة قالوا النص بالنص


up 1 down 1
saif2257 121
قبل 8 سنه و 4 شهر



والله انا شريت من صالة وصاحبها قالي بالضمان زياده 500 
قلت له بالله عليك هذا ضمان 
عموما العوهلي اخوي مطلع فكتوريا اشوف انه اشتكى من شغلات بسيطه ولا سووا له فيها شي
يقولون له عادي وكذا
وصار عليه حادث والسياره باسم الكفاح الزبده حسبوا عليه تحمل الف
وزياده 15 بالميه باسعار القطع ولو سيارته قديمه توصل اكثر من النسبه هذي بكثير
انت اعتمد ع فحصك الخاص والدقيق ولا تعير ضمانهم اهتمام 
من يوم تشتري السياره ماعاد احد وده يشوفك خذها قاعده حبيبي


up 1 down 1
ابو سراج55 136
قبل 8 سنه و 4 شهر



شوف الكار فاكس -وتاريخ السيارة في أمريكا ضروري- وأفحص وتوكل على الله. وبالنسبة للضمان حتى السيارات الجديد يتعبوك لكن ماضاع حق وراه مطالب- وبالتوفيق مقدماً.


up 2 down 0
abassam10 200
قبل 8 سنه و 4 شهر



شف وانا اخوك
انت احسبها بعقلك 

موتر مستعمل مافيه احد يضمنه لو يكون الي يكون 

انت افحص وجرب وتأكد بنفسك من نظافة الموتر والضامن الله سبحانه


up 0 down 0
naac 2 2722
قبل 8 سنه و 4 شهر



اخوي اذا الموتر امريكي خل اعتمادك اذا نويت عليه على الفحص الاولي 
اللي هو التقارير .. عشان تعرف تاريخ السياره برى .. 
كارفكس واوتوشيك .. 
وبعدين اذا سليمه تتيسر الامور ان شاء الله .. 
وشوف الفحص الداخلي 
وبالنسبه للضمان مادري صراحه .. 
واهم شيء الاستخاره قبل كل شيء
والتوافيق بيد ربك


up 0 down 1
م.بن عبدالله 2027
قبل 8 سنه و 4 شهر



الكلمه الوحيده عندهم سو استخدام


up 1 down 0
سامي 2014 -31
قبل 8 سنه و 4 شهر