زيارتي لبعض الوكالات وغدا بكمل الباقي

11 3

لايمكنك التصويت حتى الحصول على 20 نقطة على الأقل
إضغط هنا للإخفاء

رايق السيارات 588
قبل 10 سنه و 7 شهر

السلام عليكم ورحمه الله وبركاته

وقت فضاوه والواحد ماعنده شي بعض الاوقات يروح الوكاله يشوف ايش اخر العروض والسيارات خصوصا اني احتماليه كبيره اني اطلع لي سياره وكاله بنهايه السنه باذن الله

نبدا

كيا بس موب الوكاله رحت لموزع معتمد اقرب من الوكيل واسعارهم اكيد ارخص من الوكاله

طبعا انا جاي علشان السورينتو طبعا ماحصلته في عندهم لكن شكله مخلص حتى عند الوكاله شكله مافي مديل 2014سالتهم عن الفل كامل قالي ب119او شي زي كذا وانا في عرض عندهم ادفع نصف المبلغ الان والنصف الباقي بعد سنتين مع تامين شامل يعني حسبها لي ادفع الان 67الف مع السياره زيرو 2014فل كامل على يدي وكاله واخذ تامين شامل على السياره وبعد سنتين ان شاء الله 67الف بصراحه عجبني العرض لكن سالته عن مواصفات الفل كامل وابغى اعرفها كلها قال اعرف بانورما وشاشه ودبل وكذا لكن سالته عن التبريد وثلاجه ونمط القياده قال وسالته عن متى ينزل 2015قال اصبر شهرين بينزل نفس الشكل ماتغير شي مدري ياخوان الي يقدر يجيب لي المواصفات كامله بكون شاكر له
وطلعت

بعدين رحت هيونداي

طبعا اول مادخلت حصلت 3جراندي سنتافي في الوجهيه وتذكرت العروض حقتهم وقلت شكله طايح سوقه مره السنتافي العادي مغطي عليه
محد جالس يشتريه ماتشوفون العروض عليه وحاطين 3قدام عن البوابه والسنتافي اخر الوكاله المهم سالت الموظف قلتله في عروض على السنتافي قال الجراند فقط والسنتافي العادي مافيه باقي حبيتين ويخلص اما الجراند في عندنا (يعني مفول عندهم مره موب ماشي سوقه )وبعدين سالته عن العرض سنتين قال ماعندنا وكاله المجدوعي ياخوان هل العرض هذا متوفر في وكيل الوعلان او الناغي الي يقدر يسالي يعطيه العافيه
بصراحه انا اتوقع الفشل للجراند سنتافي تحس انه فان موب جيب السنتافي العادي اجمل بكثير بكثير والصف الثالث مافيه فرق كبير مره عادي يعني الطويل ياخذ مساحه رجول اكبر فقط انا قلت اخذ سنتافي واركب الصغار صف ثالث والكبار قدا م وبس انتهى الموضوع اتوقع ان الجراند بيفشل عندنا خصوصا انه سعره الف كامل 144الف ومافيه فرق مواصفات عن العادي وسعر العادي 125الف (طبعا السنتافي كان سعره 133الف لكن منافسه المازدا سي اكس ناين سعره 125الف وكان متفوق عليه علشان كذا نزلو سعر السنتافي علشان ينافس مع الزوم9)

نروح لنيسان

كنت جاي لهم علشان البافثيندر والمورانو

المهم شفت البافيندر شكله حلو شبابي عائلي لكن قيره سي في تي وسعره غالي جدا تخيلو الفل كامل ب169الف وش ذا صح انه فيه تبريد وتسخين وشاشات خلفيه و4كاميرات وردار ويباني لكن سعره مبالغ جدا والموارنو نفس المواصفات تقريبا لكن بدون صف ثالث ب 141 الف كثير عليه لكن تصميم داخليه البافيندر احلى وشاشه في النصف جميله جدا

المازدا

كنت بروح لهم لكن الشارع حقهم مسوين له حفريات وشويه بعديه عننا يمكن بكره اروح لهم

على العموم انا بكره باخذ جوله على الوكالات الي يبغاني اسالهم عن شي انا حاضر كل الي ابغاه دعوه لي ولاخوانكم المسلمين الفايده لك وله

إبلاغ

الردود