أضف سؤال أو موضوع جديد          

كيف تختار مكينة مستعملة وبعض النصائح المهمة .......

up 32 down 29
مدرس عاطل 5
قبل 7 سنه



السلام عليكم ورحمة الله وبركاتة 

اسعد الله اوقاتكم بكل خير

بعد طول غيبة وانقطاع عن المشاركة بالمنتدى العام لاسبابي الخاص 
اشكر كل من سال عني وراسلني بالخاص 
وعذرا للجميع لضيق الوقت عندي 
غالبا خطوط ههههههههه

حبيت اطرح هالموضوع بما عندي من خبرة وكذلك 
لكي نستفيد من خبرات النشامى 
واتمنى ثم اتمنى محد يذكر معلومة الا متأكد
سواء بمرجع علمي متخصص او خبرة منه شخصيه 

وشركة يقولون مانبيها  وولد عمي يقول هههههه
الدعوه مب لعب فيها مكاين وتخبيط ههههههه

بداية بموضوعي احب اوجة تحذير من واقع خبرة وتجربة 

عند شراء سيارة مستعملة السؤال عن اهم قطعتين بالسيارة 
التي لايمكن التعويض عنهم بسهوله او تحتاج الى صعوبة 

اللي هم 
1/ المكينة 
2/ القير 

والسؤال هنا عن كم اسعارهم بالتشاليح ومحلات بيع المكاين والقيور 
المستعمله 
لان فيه كثثير من السيارات الشعبيه اسعارها على 15 و 20 و 25 الف 
ريال 
لكن بالمقابل سعر المكينة مستعمله جاهزه على السيارة بالتركيب وبعض الملحقات
الجانبية  تتجاوز 10 الاف ريال 
وكذلك القير ممكن يوصل لهذا السعر 
من اشهر هالسيارات 
الكامري 2003 الى 2011

الكامريز2003 سعرها بحدود ال20الى 25
لكن المكينه تكلف حدود 10 الف تقريبا نصف السعر 

وقس هذا المثال على بعض السيارات الشعبية 



طبعا في حال التخبيط لاقدر الله 

انا ضد التوضيب نهائيا 
وذلك لانه عندنا في بلدنا الحبيب 
غير قايم على احدث الاجهزه وعلى اسس علميه 
بحيث تكون المكينه تحت ضغط وصرفية بنزين 
وقدرة حصانية مثل خروجها من المصنع 
يعني تتكلف وتدفع مبالغ وفي الاخير 
اذا ضبطت مثلا 
ضعف عزف ولا تفته او صرفيه بنزين 
الخ الخ من مشاكل التوضيب 

الان الموضوع الاساسي 
كيف تختار مكينة مستعمله 
من محلات بيع المكاين والقيور او التشاليح 
من واقع تجربة 

لا انصح بمكائن الاستعمال الخليجي نهائيا 
وذلك لضعف الصيانه الاستهلاكيه عندنا 
وكذلك استهلاك واستخدام زيوت غير مناسبة 

الا في حالة معينة  مثل تاخذ مكينة من 
موتر موديل حديث 2012 و 2013 ويكون
ماشي قليل 30 الف او 40 الف كم 
وبشرط اساسي تاخذها وهي راكبه على 
الموتر وبشرط اساسي تنتبه لكراسي 
المكينة لايكون عليها اثار فك ....
لان في حيلة دارجه تركيب المكاين 
على بودي السيارات المصدومه 
ولاتثق ابدا باحد الا بعيونك ونفسك 

هذا في حال المكاين الخليجيه 

اما الوارد الياباني او الامريكي 
حاول قدر المستطاع 
1/تبتعد عن المكاين الملمعه والمنظفه ومطروحه لوحدها 
2/ البحث عن المكاين اللي تكون مع قيورها وكامل الاغراض والملحقات
بكرات سيور دينمو اسلاك بواجي الخ الخ 
3/ النظر الي السلندر من برى اذا لونه يميل الى الذهبي والنحاسي 
هذا دليل على المشي الكثير 
واذا كان فضي او عليه اوصىاخ هو المطلوب ههههههه المهم اللون اللي
3/ فتح غطاء تعبيئه الزيت والنظر الى داخل المكينة ويفضل وجود
كشاف والقيام بعملية التكشيف والتاكد من عدم وجود كربون 
ماده بنيه بمجرد تحكها باصبعك او حديده تطلع معك ويبين لون المعدن تحتها
الافضل كل ماخف هاللون او انعدم دليل على نظافه المكينة وقل ممشاها
والزيوت المناسبه فيها 

4/ لف الكرنك بمفتاح وكل ماكان ثقيل كان ضغط البساتم ممتاز 

5/ التركيب ويفضل عند صاحب التشليح او المحل 

اذا تم فك المكينة وتنزيل الاغراض حاول قدر المستطاع تفك غطاء البلوف 
فوق ولا يحتاج تعب غالبا كذا مسمار وكذلك فك الكرتير والتشييك عليها 
من اسفل للاطمئنان 

6/ التشييك على البواجي والصوف والبخاخات وبلف الحرارة والليات 
والكويلات والااسلاك والرديتر وغطاء الرديتر وتعبئة ماء راديتر اصلي 
موزون وجاهز ... والابتعاد عن اظافه الماء المقطر والعادي قدر الامكان 
وكذلك التشييك على كراسي المكينه 

7/ يفضل ثم يفضل انك تكون متواجد وقت التركيب حتى لو صوره 
وافضل وقت تجيهم الصبح وقت بدء الدوام 
وغالبا تركيب المكينة مايتعدى 5 ساعات 
حتى لو زحمه عنده ارفض انه يشتغل فيها 
والسبب 
لابد ان تسمع اول تشغيله للمكينه 
سبحان الله  منعا لا محاوله غش 
صوت تكايه صوت جنزير الخ الخ 
وبعض الاجزاء اللي من الممكن تغييرها بسرعه

8/ اعيد واكرر للمره المليون اي سيارة من موديل 
2003 وفوق زيتها المناسب من عيار 10w30 وعيارات اقل 5w30ومواصفات SM او SN
اما من موديل 2010 وفوق لابد مواصفات SN

9/ التجريب والاختبار 
عند التشغيل وعدم ظهور دخان ابيض او ازرق 
او حدوث اصوات غريبه تستعدي الغاء البيعه وتنزيل المكينه 
ووضع الزيت المناسب والابتعاد عن زيت 20w50 نهائيا للابد 
لموديل 2003 وفوق 
يفضل ثم يفضل لسفر لمسافة 1000 كم بفترة النهار وتحديدا
على ضغط مكينة 3000 الاف دورة وفوق .... او 160 كم 

ومعايرة الزيت بعد 1000 كم اذا حدث نقص دليل على وجود مشكله 
سواء تهريب او ضعف بالمكينة وعلى الورشه لحل المشكله او تنزيل 
المكينة 
ملاحظه اعيدها اذا كان الزيت مناسب للمكينة ووفق المواصفات والمعايير
لان غالبا الزيوت SL تنقص من نفسها كذا هههههههه

اما اذا حدث سواد للزيت دليل على مشكله بالاحتراق سواء البواجي
او كربون على البلوف 
او زيادة البنزين ويجب مراجعه هالامور واذا لم تحل المشكله 
يتم تنزيل المكينة ......

اذا مشت الامور يتم فحص المكينة اخيرا بمحلات الفحص 
وتصفيتها اذا ماصفيتها قبل التركيب 
بواجي تنظيف بخاخات الخ الخ 
ترى بعض التشاليح مايحتاجون لمكينتك المستعمله 
بس ياخذها غثاثه كذا يبيعها ب٥٠٠ سكراب 
حاول قبل تسعر بدون تركيب والتركيب بمحل اخر 
لكن هذا وقت الاحتراف ههههههه
يعني يبيلك تخبط على الاقل ب 8 سيارات 

وهنيئا لك مكينة ممتازة ههههههه

ادري الموضوع طويل وممل والتنسيق فاشل لكن حبيت افيد ونستفيد منكم 
واللي عنده ملاحظه يذكرها 


وسلامتكم ......







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يجزاك خير معلومات مفيده جدا وقيمة


up 0 down 0
braverodi
قبل 2 سنه و شهر



انت نطيت على طول وماوضحت لهم ان مكينة سيارته
لازم تنفك عند محترف اذا المشكله بالسلندر كبيره
الافضل مايوضبها واذا المشكله بالسلندر بسيطه او مشكله
خارج السلندر
الافضل تتوضب ولا تستغني عنها لان اصلا محلات المكائن
يوضبون المكينه الرجيع حتى لو السلندر معدوم ويبيعونها
على الزبائن
عندنا بالمدينه مهندس تركي توضيب عالمي لكن غالي جدا
والمشكله انه الان مايوضب بنفسه العمال يوضبون
وعليه ملاحظات شغله ليس كالسابق
فالمهندس المحترف
يرجع لك المكينه شد بلد بشرط السلندر ضرره غير كبير
ومشاكل التوضيب الان هي بسبب كل من هب ودب
صار يوضب واصحاب الخبرات صارو مايشتغلون بانفسهم



up 0 down 0
مساافرر 1
قبل سنه و 10 شهر