أضف سؤال أو موضوع جديد          

التشاليح واستغفال المستهلكين وارتفاع الاسعار بشكل جنوني جدا

up 9 down 5
xpoldx 1432
قبل 7 سنه و 5 شهر



السلام عليكم ورحمة الله وبركاته

حي الله كلن بإسمه نفر ونفره ( مع اني ما اعتقد فيه الطرف الثاني ^_^ ههههههه )

المهم بالموضوع يا شباب هو 


استغفال اصحاب التشاليح لدرجة ان اسعارهم صارت تفوق اسعار الوكالة باضعاف مضاعفه 


البارح مريت الحاير منها اتمشى ومنها اشوف قطع لسيارتي الاف جي مثل يايات ومساعدات


وانا قبل اروح سألت بالوكالة وبمحلات القطع الاصلية مثل النهدي والضحيان وغيرهم عن القطع اللي انا ابغاها

وطلع بمجملها تقريبا 11 قطعه 2700 ريال وشوي 

المهم مريت ع اول محل وفيه ذاك الزول واليمني وراعيها الراس الكبير الهرش النصاب 


قلت ابي 4 مساعدات مع اليايات امامي وخلفي 

ويطلعني ع موتر منقلب ياساتر رايح تقول قوطي سلمون 

ولا ادري كم ماشي 

المهم قلت على كم قال 4500 ريال 

ههههههههههههههههههههههههه قلت واخر شي كم 

قال 4000 

قلت ياخي ماتخاف الله ؟ قال كلم عمنا 

قلت وينه 

الا واشوف الراجل يقرطع له من بياله مشلوخه كانت على جنط مسويه طاوله ^_^

واقوله على كم يقول 4000 مثل ماقالك العامل

قلت ياخي خاف الله اذا انت تخاف الله يامسلم 

طقم جديد بالوكالة وكالة وكالة ب2400 ريال وبرى ارخص بعد وانت تعطيني شي منلعن والديه ب4000 

وش هالنصب واللعب على المسلمين خاف الله واسحب عليه واطلع 


وامشي شوي والقى زول متكي على استبنه اف جي عليها غطا فضي مع الكاميرا واسأله بكم يقول 2500 
ههههههههههههههههههههههههههههههههههه

وانا افقع ضحك قلت له ياخي الغطا بالوكالة قيمته 900 ريال والكاميرا احصلها ب400 - 500 ريال 
لأني حصلتها ب450 ريال وكالة 



الى متى جشع اصحاب التشاليح واللعب على المستهلكين ؟؟؟


ياناس ياللي تدورون بالتشاليح تكفون خلونا نتكاتف بحركة وحدة بس ماهو قطع لأرزاقهم لا والله ولكن

عشان مانصير دلوخ وكل من جا لعب علينا وبالاخير نكتشف ان قيمة القطعه جديدة ارخص من المستعملة 
بالتشليح ولا تدري عن كيفية المستخدم اللي قبلك 


اهم خطوة قبل تروح التشليح 
تسأل بالوكالة عن القطعه اللي تبيها بالضبط وتاخذ تسعيرتها

وتمر المحلات غير الوكالة اللي تبيع قطع اصلية وتسأل وتشوف ارخص سعر

مثل ما سويت 

ولا تروح للتشليح على عماها حتى تنصفق على جبهتك بسعر دبلين وثلاث دبلات سعر الجديد 

الى متى وكل من جا لعب علينا 

خلونا نبين لأصحاب التشاليح اننا نعرف سعر القطعه جديدة وجايين ندور الرخيص

تخيلوا باب الاف جي بالوكالة 950 ريال ( الكبير ) وبكرتونه

بالتشاليح ب2000 ريال ^_^

ياعمي تشاليح نصب واحتيال 


واعذروني على الاطالة والله انفقع قلبي قهر استغفال بشع جدا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يرجال الخافي اعضم 

انا سعرت بالتشاليح شماسيه للكامري قالي بـ150 واتفاوض معه ع 100 خذيته نظافته وسط 

واحد من العيال ماخذه من الوكاله بـ100  تندمت خذيته تشليح خخخخخخخخخخخ


up 2 down 0
fawaz__11 534
قبل 7 سنه و 5 شهر



ههههههههههههههههههههههههه

انا ماعاد اروح التشليح قبل امر الوكالة

قبل كان معي كابرس 2004 
رحت ادور شريط الايرباق لان البوري مايشتغل 
واحصله وكالة ب580 ريال جديد بقراطيسه 


واروح التشليح والقاه ب1200 وبعد التخفيض ب700 ههههههههههههههههههههه

واوريه الفاتورة واقوله هاه تبي 200 ^_^ ولا 150 زينه تدري خلها 100 

ها خذ 50 وبارك لنا ^_^ 

طقطقت عليه شوي ومشيت 


up 0 down 2
xpoldx 1432
قبل 7 سنه و 5 شهر



اخذت الشماسية حقت كامري 2007 ب200 حسبي الله عليهم
اتاريها ب 100 للوحدة بالوكالة والله غبنة


up 2 down 0
ابو عبدالله احمد 3519
قبل 7 سنه و 5 شهر



الله المستعان قهرر


up 0 down 2
xpoldx 1432
قبل 7 سنه و 5 شهر



التشليح ماخذين فكرة انك ماتجيهم الا بعد ماتدور القطعة بالوكالة واذا ماحصلتها تجيهم
وتاخذها بأي سعر ولهذا السبب اسعارهم اكثر من اسعار الوكالة بكثيييير



up 1 down 0
أأبو نوااف 1641
قبل 7 سنه و 5 شهر



الله المستعان والله لا حسيب ولا رقيب 
والمصيبة بعض القطع مثل العكوس والمقصات وخلافة يتم خرطها وتشحيمها وبيع العكس على انه لم يفك وحالته مثل الوكالة 


up 1 down 1
sokar1983 272
قبل 7 سنه و 5 شهر



نصابين و مشلحين على اسمهم

بس بعض الاحيان يكون الفرق كبييييييييييير جدا بين الجديد و التشليح


up 1 down 0
مخاوي القايلة 259
قبل 7 سنه و 5 شهر



كلامك صحيح 100% قد حصل ورحت التشاليح يمكن عام 1418 وكانت خبرتي قليلة في السيارات وكنت ادور
ممكن قزوز كرسيدا 84 في تشاليح الدمام وبعد تعب وفر واشتريها بحوالي 300 ريال بعد ما جلس يماطل فيني
العامل وحين رجعت لمدينة الثقبة واحصلها عند الموزع 280 ريال جديد وكالة بالكرتون وتعلمت درس
وايضا" لا يحق لي ارجاع القطعة خذيتها في خشمي ومشيت خخخخخخخخخخ ورضينا بالواقع .


up 1 down 0
ابوزياد 85 115
قبل 7 سنه و 5 شهر



ماخفي اعظم بالنسبه للي مكينته تخبط ويروح يركب من عندهم مكينه ب 15 الف و11 الف هل وصلنا لهذه الدرجة من الاستغفال مكينه هايلكس 2004 سعرها في التشليح 18 الف وانت ماشي واذا مكروفه اقل مع العلم ان نصف المكينه في الوكاله المكون من البساتم والعمود والبلوف وتوابعها ب 10 الاف ريال خذ جديد واطبق الراس والكرتير لان المتضرر من نقص الزيت بطن المكينه خذ الثانية مكينه الددسن البخاخ في التشليح من 13 الف وانت ماشي وتوضيبها بقطع اصلي مايكلف 6 الاف بالكثير قطع اصلية مرة انلعب علي اخذت عصى باب للكرسيدا ب 50 ريال ويوم جيت للورشه طلعت العروه تجارية رحت اخذ قطع من المحل حصلت سعرها ب 15 ريال تجاري والاصلي ب 40 ريال


up 0 down 0
بريق الرياض 258
قبل 7 سنه و 5 شهر



التشليح المفروض يصير اخر شي لما الواحد يسعر في الوكالة والمحلات 
بعدين يروح للتشاليح يدور ويصير عارف اسعار القطع جديدة 

لكن للامانة التشليح يضل خيار ممتاز في كثير من الاحيان 

وخذ لك لفه كاملة ولا تعتمد على محل او محلين 




up 0 down 1
naac 2 2722
قبل 7 سنه و 5 شهر



عليكم السلام ورحمة لله وبركاته لك احلى لايك موضوع مهم اتذكر كان معي فولفو940 م94 المهم خرب فيها قطعه اكترونيه زي الكتاوت واروح الف الصناعيه القديمه الي هي صناعية الخرج واحصلها 600 بعد الخصم المهم واروح لتشليح الحاير والف اشوي والقى القطعه وكلم الهندي قلت بجربها قبل لئنه سهل تركيبها وافكها من سيارتي واركب القطعه يوم ظبطة السياره صارت ساعه ماتطفي ولاتقطع كنها وكاله قلت حلو كم ياصديق قال 50 ماصدقت بغيت احب راسه من الوناسه هاذي الحسنه الوحيده الي خذتها من التشليح واسف طولت  


up 1 down 0
faisal2002 892
قبل 7 سنه و 5 شهر



التشليح مهم بس مو لدرجه الاستغفال 


يالربع اللي عطاني ديسلايك صاحب تشليح هههههههههههه



التشليح نروح له مانقول قاطعوه بس كونوا فطنين بالتاكد
من سعر الجديد عند الوكيل و الموزعين 
يكفي صرنا اضحوكه والعوبه عند كل من هب و دب 


up 0 down 1
xpoldx 1432
قبل 7 سنه و 5 شهر



أنا أيضًا حصل لي موقف مشابه رحت الحاير أدور اسطب خلفي للاكستيرا ومن تشليح بتشليح لين حصلت 
وحده بكم يازول ؟ 400 ريال لا و فيه شلخ و مستعملة 
و أنا سائل عنها عند العيسى قبل ماأروح قالي ب 280 بكرتونها مع الظفيرة و الشمعات 
و بعد سألت عن رديتر جراند فيتارا XL-7 في الحاير قال 1200 مستعمل ولا تدري شوضعه و سعره في الوكالة جديد 1434 


up 0 down 0
أبو راشد 33 979
قبل 7 سنه و 5 شهر



أهم شي تسأل في الوكالة قبل لأن هو يتوقع أنك مار الوكالة و ماحصلتها فمضطر تشتريها بأي قيمه 


up 1 down 0
أبو راشد 33 979
قبل 7 سنه و 5 شهر



نصابين نمبر ون واصلا المشوار لهم متعب ياكثر ماارجع منهم خاوي اليدين وارجع اشتري قطعه جديده وانا مرتاح الغريب محصل موضوع من فتره يقول الحقو على التشاليح عشان ينقلونهم يقول القير م دري مكينه تحصلها بثلاث مية ريال رحت ماحصلت بثلاث مية الا زيق وكله مخوش


up 1 down 0
craysiler 244
قبل 7 سنه و 5 شهر



اهلين اخوي
-(انا عن نفسي قبل لا اطب التشليح اروح الوكاله ثم قطع الغيار لو طلع عليا غالي اروح التشليح عشان لا تحصل عمليه نصب او استغلال وانت كويس انك قبلها رحت قطع غيار او الوكاله وعرفت الاسعار وما تسرعت ويريت كل الاخوان يسوي الطريقه هادي)
والله يعطيك العافيه وشكرااا لك


up 1 down 0
صديق المنتدى 367
قبل 7 سنه و 5 شهر



التشليح اجانب كله في غياب الرقابه عليهم جالسين يرفعون الاسعار . المفروض فيه قوانيين كل قطعه يعرض قيمتها بالوكاله ويعرض قيمته


up 0 down 0
silent12345 31
قبل 7 سنه و شهر



دفرنس خلفي 2012 
ج/0598520045 واتس


up 0 down 0
محمدمخيزن
قبل 5 سنه و 6 شهر