أضف سؤال أو موضوع جديد          

استفسار بخصوص سالك دبي والعوده

up 3 down 1
abuturkie3 299
قبل 8 سنه و شهر



بسم الله

السلام عليكم ورحمة الله

بحمد الله اليوم وصلت الى دبي برا من السعوديه.
لكن والله في موضوع قالقني شوي ورحم الله والديكم اللي متاكد يجاوبني
انا عديت من طريق سالك وماعندي الاستكر الخاص فيه هل لو جيت خارج من الامارات يقولولي ارجع دبي سدد او ماشابه ولا الموضوع سهل

سامحوني لكني والله حاس اني متورط وقلقان لهذا السبب

الله يوفقكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السلام عليكم

تطمن مافي امل يقولون لك سدد
انا توي جاي من الامارات قبل اسبوع
مافيه سالك مامريت منه
ولا فيه رادار ماصورني (ساهر حقهم)
حتى المخالفة الورقية عطوني اياها وهذا هي معي الى الحين
ولا احد قال لي شي
حتى اني مثلك كنت خايف
لما وقفت لي دورية وسألته عن المخالفة
قال لي الحدود مالهم علاقة بالمخالفات قلت له يعني اقدر اطلع بدون لا أسدد قال ايه
قلت بيض الله وجهك
وبالفعل رجعت السعودية ولا احد قال شي
طبعا كنت رايح بالسيارة
زبدة الكلام لاتشيل هم





up 1 down 1
ع ز و و ز 37
قبل 8 سنه و شهر



اذا موترك سعودي لا ماتدفع شي ولا يطلب منك الكرت حق سالك
انا كنت بموتري من حول شهرين والفندق حقي كان بالشارقه وكنت امر من بوابات سالك كثير جلست عشر ايام
وكل يوم اروح مرتين وثلاث على دبي وارجع الشارقه
ولا احد كلمني
تطمن وماعليك ان شاء الله


up 0 down 0
sc_est 717
قبل 8 سنه و شهر



اول شي حياك الله ياخوي وسط دولتك ودارك  ومرحبا الساع فيك. والحمدلله على سلامتك .. وبالنسبة للمخالفة تنلغي في في حالة وضع الستيكر خلال 24 من مرورك على بوابة سالك .. ولكن شيكت على الموقع ماحصلت مخالفات لدول الخليج .. كلها للإمارات السبع بس .. وان شاء الله ما توصل مدام مب موجوده السعودية في خيارات البحث .. والله يحفظك ويوفجك اخوي 


up 3 down 0
بوسلطان 91297 342
قبل 8 سنه و شهر



بالنسبه لاخ برد الاول
صحيح الكميريات والمخالفات ماتدفع شي عالحدود ولا يطالبوك بشي
لكن لو لاقدر الله حصلك اي شي وبغيت تراجع الشرطه او اي دوائر حكوميه
او مخالفه فيها حجز مايفكونك الا تدفع الاول والتالي وكله مسجل لديهم هذا بالنسبه للمخالفات المروريه
فخلك حذر من المخالفات


up 0 down 0
sc_est 717
قبل 8 سنه و شهر



ياشيخ الله ينور دربكم جميعا والله توي تطمنت
مشوار دبي من السعوديه طويل ولا صدقت اوصل

ابغى انهي عملي وارجع بدون عثرات باذن الله وهذا اللي كان قالقني

الله يوفقكم جميعا على افادتكم. وجزيتكم خيرا


up 1 down 0
abuturkie3 299
قبل 8 سنه و شهر



بس أظن لما ترجع السعودية وتبي ترجع مر ثانيه بنفس السيارة للامارات  يحشرونك تسدد تأكد من المعلومه ذي 


up 0 down 0
نو اسـم 15
قبل 8 سنه و شهر



طيب مدام انك هناك ممكن تفيدني ايش شروط دخول المواطنين السعوديين هناك ؟ ودي اروح اجازة الصيف هناك
لاكن سمعت ان لازم يكون معاك جواز سفر و ان هذا النظام الجديد و انا عندي مخالفات .. و سألت كم واحد
قالولي اذا بسيارة مايحتاج جواز الجواز يطلبوه اذا رحت بطيارة ... ممكن افادة ؟ :)


up 0 down 0
shadowz33 1098
قبل 8 سنه و شهر



حياكم الله

اخوي الزهراني. انا بالاساس ماعندي مشكله والله لو يبغوني اسدد قبل اطلع حتى بس اهم شي.ماتعطل

والاجراءات جدا سهله وبالبطاقه. انا اخذت الجواز احتياط بس ماحد طلبه مره. والله يوفقك



up 0 down 0
abuturkie3 299
قبل 8 سنه و شهر