أضف سؤال أو موضوع جديد          

أهل حائل أهل الكرم والجود مشوار منساه

up 38 down 9



السلام عليكم ورحمة الله وبركاته :
قبل كم يوم  كنت رايح لحائل وهذي أول زياره لي لها
تعديت القصيم وماشي على هوني ومع اللوحات والطريق سهل ماهو بذاك الصعوبه
بعد ماقربت وانا اتتبع اللوحات اول لوحه لقيتها مكتوب حائل 760 متر يمين  
يوم جيت للكبري  الا اشوف دخلتين على اليمين !!
وحده قبل الكبري والثانيه بعده
  قلت ادخل مع اي وحده واي وحده فيهم تودي لحائل >> ( شختك بختك )

واللوحه الثانيه بعد الكبري مكتوب ( مخرج )  
قلت خلني اكمل سيده واشوف اخرتها
امشي  مره ثانيه القى لوحه يقولي حائل تقريبا 77 كيلو !!!
وشلون اللوحات اللي ورا مكتوب حائل
قلت كمل
لقيت دوريه على الطريق الثاني
والطريق كان فاضي على الصباح وقت الدوامات مافيه احد
دخلت يسار الطريق وقفت جنب الشبك مقابل الدوريه وهي في الاتجاه المعاكس بوقف وادخل من تحت الشبك وانقز الطريق الثاني عشان اوصل للدوريه واسئله عن الطريق الصحيح

>> اللي متوقعه راعي الدوريه بيشغل ( قاق قاق ) وش عندك ياراعي الفورد وبيكون معصب واخلاق قافله
هذا اللي شفته من اغلب اصحاب الدوريات مع كثرة الوقفه فالخطوط لحالهم

المهم ماجيت افتح باب السياره الا راعي الدوريه ناقز لي عند الشبك وقلت كويس وفر المشوار
جى عندي  قلت سلام 
رد علي السلام بشكل كامل قلت في نفسي احراج وحسيت انه احرجني 

قال تفضل ياخال امر وش بغيت ؟
>>>  اخلاقه كويسه وباين انه محترم 
قلت ابد ابي اسئل عن حائل ومضيع طريقها فيه لوحه ورا تقول حائل والحين لقيت لوحه ثانيه تقول حائل باقي قدام

قال ايه كلها تودي 
لكن انت روح سيده بيجيك اول كبري ثاني كبري ثالث كبري رابع كبري بتلقى لوحه يقولك حائل اطلع معاه بيرجعك باتجاه الغرب وتكون قدامك 17 كيلو تقريبا تخش حائل
شكرته ومشيت كملت طريقي

دخلت حائل وانا تعبان ابي شقق مفروشه مافيني حيل
ضعت في حائل وماوقفت الا عند حراج حق اثاث قديم ويساري محلات مثل مستودعات كبيره ولقيت واحد كبير فالسن قلت خلني اسئله
يوم سئلته قلي 
انت وش جابك هنا ؟
قلت هو انا ادري فين انا عشان اقولك وش جابني هنا
قال : هاه وش تقول مافهمت
قلت ابد اسئلك فين محلات الشقق المفروشه 
قال انت من وين جاي 
قلت انا ضايع شلون تبيني اقولك الطريق اللي جيت منه ؟
قلا لالا اقصد نت من اي مدينه جاي ؟

قلت الرياض ...
قال لا انت منت من الرياض لاشكلك ولاكلامك
قلت ايه ساكن فالرياض بس من الغربيه
قال ايه كذا انا ماخاب توقعي لكن خلك وراي وابشر بعزك

الوقت هذا الصباح الباكر
مشيت وراه ودخلت في شوارع حواري  يمين ويسار والله لاشفت لاشقق ولا شي وشوي وقف عند بيت 
نزل وقال ارحب انت ضيف وواجبك علينا انزل طال عمرك وتفضل البيت الفطور والغدا عندي

قلت كثر الله خيرك وهذا من طيب اصلك وكرمك لكن واللي يرحم والدينك لاتجبرني على شي

شد معي فالكلام وقال عيييييب تراها قويه تردني انت تفهم
وقام يسرد من هالكلام لدرجة حسيت اني بنجلد 

قلت طيب طيب ابشر اللي تبيه يصير بس ابي شقق مفروشه بعدين الظهر نتواصل واجيك ماعندك مشكله
بس انا ابي اخذ راحتي فالسكن
قال ماتروح البيت عندي هنا شقه مفروشه
اصريت والحيت على قراري واقنعته وقال طيب تعال وراي
وصلنا لشقق ماهي ببعيده عن بيته
ونزل وقال والله ماتدفع شي ماحبيت اتجادل معاه الرجال شكله متحمس وصعب تغيير قراره
دخلنا للشقق والا يقول الموظف عزوبيه مانأجر
ضحك الرجال قال احسن
هيا خل موترك واقف واطلع موتري الشقق للعوائل
قلت لا بروح ادور شقق عزوبيه
قال اقول بس اطلع ولاتزعلني

قلت انت وراك شغل والتزامات وبتعطل نفسك 
قال اطلع اطلع بس
رجعنا للبيت دخلت لقيت الفرش جاهز للنوم والمويه والفطور جاهز ؟
اثاريه مكلم اهله ومزهبين الدنيا تكفل بالواجب وزود
افطرنا ونمت لكن مب مرتاح بصراحه 
الساعه 12 وربع مصحيني للصلاه بعدها الغدا كان جاهز الرجال كللللللللف على نفسه وعلى اهله 
تغدينا وسولفنا وتعرفنا على هالوجيه الطيبه 

الحين قلتله خلاص لازم استئذن بروح اخلص شغلي 

قال ترا باقيلك يومين مابجبرك بخليك على راحتك اذا ودك نكمل جملينا معاك حياك

قلت ياعم انت فيك والبركه وقمت بالواجب ومانبي كلافه لكن خلنا على تواصل يادوب اروح اخلص شغلي وارجع ومشيت

المهم اعجبني في حائل
عندهم الاشارات محد يوقف على اليسار حتى لو كان فيه صف طويل واليسار محد يدخله الا للي حاب يلف يسار
يعني عندهم احترام للانظمه رغم ان حائل من مبانيها وشوارعها اشوفها بسيطه ذكرتني بحفر الباطن

اشاراتهم ماتطول مثل الرياض ههههههه

هذا اللي صار معي في رحلتي البسيطه
وشكرا لهل حائل الطيبين 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ههههههههههه
حياك الله يالغالي بأي وقت


up 0 down 0
قمم المجد 364
قبل 5 سنه



اشهد ان حايل هي السحر الحلال

يابري حالي ياحايل واهله


up 0 down 0
bassell -4
قبل سنه و 10 شهر