أضف سؤال أو موضوع جديد          

إحذر من مخلوقات في الحراج تسمى الشريطية ....

up 41 down 8
شيبة الحمد 1853
قبل 6 سنه و 9 شهر



بعض النصائح لتفادي نصب الشريطية وحرق اعصابهم
السلام عليكم ورحمة الله وبركاته
هذي شوية نصائح ومصطلحات حطها في ذهنك قبل لا تروح وتبيع سيارات

اول ما توصل بالسيارة حقتك للمعارض توقف في محل قريب لتجمع يعني ما تكون بحالك وحاول تجيب معك اثنين من الاصدقاء وانزلو من السيارة وخليها مقفلة
اول ما توقف بيجوك الشريطية يلهثون وهم على عدة انواع
1-قسم يشيك السيارة وما كانك موجود هذا لا تطالع فيه ولا تعطيه اي اهمية الا بعد ما يسألك وحاول انك ما ترد عليه الا لما يسألك اكثر من مرة نفس السؤال
2-قسم بيقول كم سيم كم ماشي كم موديل عطيه السومه والموديل والكيلوات واصرف النظر عنه
3-قسم يقوللك احنا نبي السيارة تقوله كم اذ عجبك السعر حقهم تقول عطني عربون لو قال كم قله 500ريال فما فوق(وما يطلع معك الا وهودافع المبلغولا اصرف النظر عنه) بس
تروحون الفحص تفحص الموتر بالكمبيوتر..الكمبيوتر بيعطيك التقرير ..انت تاخذ الفحص على قير مكينة دفرنش
بس لوقالك الشريطي مثلا قماشات ولا اهواز ولا اي شي لا يتعلق بالمكينة والقير والدفرنس قله هذي اشياء استهلاكية لازم يغيرها الشريطي.. بيقولك الموتر في كذا ولونه مو مرغوب وفيه بويات.. قله كل شي على الفحص.. ولو قاللك ماابي الموتر تقوله توكل على الله والعربون يروح عليه يعني ما ياخذ فلوسه ولا يقدر يحاججك ولو قاللك اي شي زيادة قله نروح شيخ المعارض بينطم ويبلع ارياقه والعربون حق لك بالاجماع ..
تخلي الشريطي يوللي وترجع مكان ما وقفت ولازم تكون هذي المرة اشد حذر لانه يمكن يخلي اخوياه الشريطيه يجوك بس ما عليك منهم خلي مخك مفتح .
بعض الشريطية يقوللك انا لقيت موتر اعلى موديل من اللي عندك وبارخص تلتفت له بنظره فيها شوية استغباء وتقوله النظيف يبيع نفسه وكان اشتريته وانت مبتسم كانك بتضحك.


لو تسهلت معك الامور وبعت الموتر على شريطي واخذت العربون والفحص عجبه ورحتون المعرض
تدخل المعرض وتجلس على الكرسي قدام الكاتب وتشرب شاهي وتقول للشريطي جيب باقي المبلغ الحين وكاش.. لو قالك بكره ولا اي شي تقوله انا ما عرفك ولا تعرفني ولا بيننا اي شي وتعطيه تحذير اخير الحين الفلوس ولا تمشي عنه وتخليه ..بس لاحظ ان في هذه الحاله لازم ترجع له العربون وتمشي عنه


اخر نقطة احب اتكلم عنها هي كيف تعرف ان اللي جاك شريطي ولا مشترى اليف

بعد ما تخلص اجرائات البيع وقبل توقيع المبايعة يعني في المعرض او في طريقكم له
لشريطي دائما يقولك ان السيارة فيها عيوب وهو متمسك بها ويبغاها ويحاول باي طريقة ينزل من المبلغ الف ريال على الاقل هذا بينشف بلعومك بالكلام ..انت لا تعطيه وجه ولا تتكلم واجد خليه يرغي على كيفه ولوقالك نزلني قلله ما يصرفني ما اقدر هذا حدي

المشترى الاليف يحاول ان ينزل السعر قبل لا يركب السياراة ويطلع معاك يجربها او الفحص هذا على حسب طيبتك ان نزلت له ولا حاول ترغبه في الموتر اكثر بعد ما يقولك انا شريت ما ياقشك في السعر ابد ولا يجيب طاري السيارة وهذي النوعيه تقدر تعطيه شوية ثقة وتراعيه في السعر بعدين وتقبل منه الشيك لانه ما بيوجع راسك


رجائا للي بيبع الموتر حط في بالك هذا الكلام ولا تنساه
اتمنى من الجميع يحط لايك عشان يشوفه كل شخص مقبل على بيع وشرائ سيارة








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وقفها بالمعرض وحدها وبلا وجع راس..


up 0 down 0
ونيت98
قبل سنه و 8 شهر



وقفها بالمعرض وحدها وبلا وجع راس..


up 0 down 0
ونيت98
قبل سنه و 8 شهر