أضف سؤال أو موضوع جديد          

مافي محل مارحت له ومالقيت كفرات لسيارتي - وقصة الطيحة ف حفرة

up 5 down 3
TA CARS 854
قبل 7 سنه و 7 شهر



السلام عليكم

يسعد مساكم

انا عندي هوندا سيتي 2013

وكنت ماشي في احد شوارع المدينة ودخلت في حفرة وحبل الكفر

طبعا انا مو مثل الناس اتضرر من الحفرة وامشي ولا كأنه صار لي شي , لا ^_^

وقفت جنب الحفرة ودقيت على المرور وجا كتب لي تقرير وطلبت منه يرفع بلاغ للأمانة واعطاني رقم البلاغ

وثاني يوم رحت الأمانة وقدمت خطاب وطلبت تعويض بالأضرار وأرفقت رقم البلاغ وقال لي تابع الجوال

وانا اتابع الجوال وكل يومين يرسلوا رسالة بمتابعة الطلب وان شاء الله يعوضوني

طبعا بعد اسبوع الأمانة راحت وضبطت الحفرة اللي طحت فيها , الحمدلله

وراح احط لكم صورة الحفرة قبل الصيانة وبعد الصيانة

المهم دخلتكم في موضوع طويل

انا لفيت المدينة كلها ابغى كفر مثل مقاس سيارتي ماحصلت

وش السواة ؟ ×_×

ابد ميشلان بريجستون بريللي جودير هانكوك كلهم اول مااقلهم المقاس يقول لي احلم تلقاه

لازم الوكالة تشوف حل وتجيبه وتبيعه

طبعا رقم المقاس :
185-55R16

تحياتي واعتذر ع التطويييل













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعينك فيه وكالة يوكاهما في الصناعية القديمة وهانكوك 
وفيه برجستون على طريق مكة اسم الوكالة شركة الطلائع
اذا انت في الرياض روحلهم 
وفيه تاير بلاس مرة وحدة في الصناعية القديمة على ااشارع 


up 1 down 0
عبدالله ون 147
قبل 7 سنه و 7 شهر



والله مافي مثل الجيوب تاكل حفر وعلى سرعة وانشاء الله مايجيك شي اما السيرات الصغيره تتعبك عند الحفر والمطبات


up 1 down 4
امجد 10 163
قبل 7 سنه و 7 شهر



الله يعينك بس بسالك سؤال بالله كني مشبه عالحفرة هذا الشارع الي جنب جامعة نورة ؟ قد كان وقت امطار وطحت بحفرة الله لايوريك طبعا ماشفتها لانها غرقانة موية
وانطعج الصدام صار مايل والله اعلم وش صار للكفرات والمساعدات طبعا مشيت ولا كنه صار شي


up 3 down 0
ahoh 178
قبل 7 سنه و 7 شهر



مو كأن هذا الشارع اللي قبل مجمع عادل مدري القمة؟


up 2 down 2
m11013 923
قبل 7 سنه و 7 شهر



ذكرتني في ابراهيم التركي قد طاح في حفرة وانضرت السيارة وطالب الشركة وتم التعويض 


up 0 down 1
شليطيح 5018
قبل 7 سنه و 7 شهر



يعطيك العافية والله ما قصرت لو كل مواطن يطيح في حفرة ويشتكيهم كان البلد ما تلقى فيها ولا حفرة


up 3 down 1
متعب2300 572
قبل 7 سنه و 7 شهر



هلا محمد فورد وينك منقطع   

 بنسبه للكفرات اخ محمد عندك  جودير   كفرات قويه اخبر كانت راكبه على لكزس وكان مقص الامامي طالعه حديده وشلخه كفر وسياره كانت مسرعه بس سبحان الله من الله عدت على خير 

 وكفرات ماشاء  الله قوي وتثبت ولا انصلخ  وصناعه الماني لو كفر ثاني كان ودع 


up 0 down 0
سكودر 14927
قبل 7 سنه و 7 شهر



الحمدلله عالسلامه وان شاء الله هينه وان شاء الله يعوضوك 
بخصوص الكفر تقدر تركب 16 55 العرض شوف لو في175او195كلهم مايضرو بالمره فرق العرض يطلع اصغر ويطلع اكبر بشئ بسيط ولا تشيل همها عادي جدا شوف البناشر لو عندهم عرض مختلف ركب وارتاح


up 0 down 1
احمد شريف 3176
قبل 7 سنه و 7 شهر



اخوي روح للوكلاء ...
اذا انت بالرياض مر طريق خريص ...يوكاهاما/بيريلي/بريدجستون/دنلوب وانت طالع من مخرج 13 مر على مخرج 15 وكيل جوديير الراشد وعلى الطريق هانكوك...



up 0 down 0
talal abdullah 5419
قبل 7 سنه و 7 شهر



اخواني سؤال بسيط ...الحين البلدية تعوضك اذا الكفر حبل فقط ؟؟ معقولة ؟؟


up 0 down 0
shadowz33 1098
قبل 7 سنه و 7 شهر



يالغالي أقرب مقاس لسيارتك هو 195 _ 50 r 16 وتحصله مليان لأنه حق آكسنت فل كامل ومابه فرق كبير يكون أعرض شوي


up 0 down 0
nnmm 1414
قبل 7 سنه و 7 شهر