سيارات فخمة بأسعار مناسبة والمشلكة قطع الغيار

2 3

لايمكنك التصويت حتى الحصول على 20 نقطة على الأقل
إضغط هنا للإخفاء

theadaaq 287
قبل 10 سنه و 7 شهر

السلام عليكم ورحمة الله وبركاته

ودي ادخل على طول مالي بالمقدمات ابد

السيارات الفخمة المستعملة او الجديدة بعضها اسعارها مناسبة جدا

100-150 الف لا تقول 100 غالي الحين الكامري الفل ب 102

تاخذ اودي Q5 2011 ولا كامري؟

المهم ما علينا موب موضوعنا

خل نقول لقيت لك السيارة الزينة تناسبك عجبتك نظيفة لونها خرافي يا ربااااااه ما بقى الا الدفع!!

لحظة باقي اسأل اللي جربوها يعرفون لها الورش ولا لا؟ خرابها كثير ولا لا؟

السلام عليكم يا شباب وش رايكم بالسيارة الفلانية انا نويت اشتريها ان شاء الله افيدوني

يجيك ابو فيصل ابععععد قطع غيارها ما تجي الا بعد شهووور

وابو فهد لو يخرب ابسط شي فيها صيانتها 20 الف وش لك فيها

وابو سلطان كوش عليه بالمره.. اذا راتبك اقل من 30 الف لا تشتريها 

الرجال انصدم يقلبها يمين يسار تحطم والشكل الجميل راح؟ واللون الخرافي بحح؟

معقولة يا اخوان اشتري سيارة من شركة اوروبية متفوقة بورش ولا مرسيدس بي ام او حتى رنج

عشان اصرف عليها كل شهر 20 الف

ولا الشركة ما اهتمت بسمعتها وصنعت سيارات ذات جودة رديئة؟

ولا الاخوان يبالغون وبعضهم اصلا ما جربها يحكم من شراء سيارة موديل 19 وحطبة
هذا اذا كان قد اقتناها

الزبدة بالموضوع 

ليه معروف عن هذه السيارات كثرة الخرابات وصيانتها وقطعها غالية؟

مع اني احس فيه مبالغات بالموضوع شوي 

يعني صدق هذي هي الاسعار؟ ولا حب التهويل والتعظيم في السواليف؟

شاركونا رايكم

اتمنى ما اكون طولت عليكم, اعذروني

إبلاغ

الردود