أضف سؤال أو موضوع جديد          

سؤال للي يعرف البيجو

up 5 down 3
أحمد-حائل 273
قبل 7 سنه و 5 شهر



السلام عليكم ورحمة الله وبركاته 
اسعد الله صباحكم بكل خير 
انا ياجماعة الخير سيارتي خلاص اندمرت عشر سنين كرف وكل يوم طالع لي خراب وكل ماطاح بيدي فلس راح تصليح للسياره 
وقررت اتوكل على الله واشتري سياره جديده على قدي وقد ميزانيتي
علماً بأني راح اخذها نظام تأجير من شركة اليسر والشكوى لله والقصد مايتعدى 800 ريال
شفت اليارس قير تماتيك قزاز تماتيك مكينه 1300 الظاهر 85 حصان ضعيفه جدا وسعرها خمسين الف من
معارض اوتو ستار صرفت النظر عنها
شفت الاكسنت قير وقزاز تماتيك حساسات خلفيه انوار بروجكتر طيس بسعر 48900 من اوتو ستار بعد صراحه 
انا من ناحيتي اشوف انها غاليه وماتستاهل هالسعر
سألت عن الصني قير تماتيك قزاز يدوي مكينه 1500 بسعر 39000 تقل انها دخلت راسي بس قالي الموظف موديل 
2013 مانزلت 2014 انا هنا تخوفت شوي قلت اخاف اتوهق فيها مع ان الموظف يمدح فيها مدح ماهو صاحي
خلصت منهم رحت للحاج حسين قلت مالي الا الصينيه جيلي لقيتهم رافعين السعر من ثلاثين الف الى خمس وثلاثين الف
قلت طمع بعد الثاني وصراحه متخوف كثير من الصينيه لأني انا ابي استخدم اقل شي خمس سنين ولا يهمني سعر 
اعادة بيع او غيره
طلعت منهم ورحت لليمني وكيل ايسوزو وسوبارو ولقيت عندهم بيجو 301 قير وقزاز تماتيك ونظام اي بي اس 
ونظام ثبات وصناعه اسباني وقطع الغيار سعره معقول ومكينه 1600 ’ 115 حصان وبسعر 45000 الف واوسع من 
الاكسنت واليارس والدفعه 5000 ريال والقسط 800 ريال انا من هالناحيه اشوف انها انسب سياره بقيمتها وجودة 
الصناعه والصانع اعتقد مافيها كلام ادري طولتها وهي قصيره بس ابي اللي مستخدم البيجو او يعرف عنها شي تكفى 
لاتبخل علي بأي معلومه من ناحية العزل والتحمل والكرف وبرودة المكيف واسعار قطع الغيار لأنهم عطوني اسعار
قطع الغيار الاستهلاكيه قماشات وسيور وغيره والله يعطيكم العافيه ويجزاكم خير 
وشكراً 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ما اعرف عن البيجو وما احد مدحها وصعب تجرب الا اذا ما صلحت لك بعتها واخذت غيرها

لاكن على حسب كلامك تبي سياره تستخدم 5 سنين وبدون مشاكل ابعد عن البيجو والسوبارو والصيني والصني صناعه هنديه
خياراتك كالتالي يارس نصف فل ب 51 قير تماتك زجاج تماتك كشاف رموت


اكسنت نصف فل قير تماتك جاج تماتك صحيح ايباق واحد وبدون اي بي اس والقير لك عليه ب 46 والباقي ما يصلح


up 3 down 4
Abu-Nawaf 338
قبل 7 سنه و 5 شهر



اخي أنا ما جربت البيجو ولا اعرف احد جربها
بس شوف التاكسي الي بمصر زحمه وحر ومديلاتها قديمه وشغاله زي الحلاوة 
مع انها اقل شي تقطع باليوم ٣٠٠ كيلو
وأبو خليل قالك انهم ضمان لحد المليون علي كل شي 


up 2 down 1
االخاالدي 3898
قبل 7 سنه و 5 شهر



^^^ نعم كلامك على الموديلات القديمه الثمانينات لاكن من 2000 وطالع تختلف


up 1 down 1
Abu-Nawaf 338
قبل 7 سنه و 5 شهر



البيجو زمان موديل الثمانينات كانت جيدة

الآن ما أدري لكن ترى عند البيع وضعها سيء وغير مرغوبة

عندي لك اقتراح: جرب تشوف الرينو لأن وضعها صار أفضل بعد الوكيل الجديد (أفضلية الخليج) وصناعة فرنسية وقطعها معقولة وأسمع أن أقساطها رخيصة وعلى الأقل تاخذها من الوكيل بدل ما تتورط مع اليسر أو أوتوستار

ولا تنسى الاستخارة


up 2 down 1
أبو عبادة 4852
قبل 7 سنه و 5 شهر



من واقع تجربه كانت معايه 2001 مريحة في الخط وراسية ومتماسكة ولكن تعطلت علي ووديتها الصناعية وكل الورش يقولون مانصلح بيجو عجزت احصل واحد يصلحها وبعدين مكة كاملة مافيها يمكن الا محلين قطع غيار بيجو يعني تتعطل عليك وتروح بعض المدن والمحافظات تتورط فيها للاحاطة


up 6 down 1
mazen - 80
قبل 7 سنه و 5 شهر



الله يعطيكم العافيه بيض الله وجيهكم وماقصرتوا 
الاخ ابو عباده ماعندنا وكيل او حتى موزع لرينو 


up 1 down 2
أحمد-حائل 273
قبل 7 سنه و 5 شهر



أخوي أحمد اذا كنت ناوي على الفرنسي وتبي شي رخيص أنصحك بالستروين


up 0 down 0
كرومان 517
قبل 7 سنه و 5 شهر



اخوي كرومان ماعندنا وكالة لستروين واعتقد ان بيجو وستروين شركه وحده حتى بعض السيارات نفس التصميم بس يختلف الشعار


up 1 down 1
أحمد-حائل 273
قبل 7 سنه و 5 شهر



تبي العلم
لاتاخذ بكلام كل من رد في موضوعك لأن ولا واحد منهم استخدم السيارة
واحد يقول في مصر والثاني يقول ضمان مليون حنا علينا عندنا هنا كيف الوكيل وكيف توفير قطع الغيار والصيانة اذا فيه أحد منهم أعطاك عنها معلومات خذ بكلامه


up 2 down 1
hussain4 854
قبل 7 سنه و 5 شهر



دامك بحايل نصيحه لا تشتري بيجو مافي وكاله هناك ولا قطع غيار ممكن ما تحصل ابدا وبتتعب من هذي الناحيه



خذلك يارس ولا اكسنت على الأقل قطع غيار متوفره و الوكاله بحائل موجوده

الله يكتبلك الي فيه الخير "


up 2 down 0
07sbeshal 1344
قبل 7 سنه و 5 شهر



البيجو حاول تاخذها من الحاج حسين لان خدمته افضل من الوكيل الثاني

الجيلي الصغيرة 30 الف القير العادي الاوتو يجي اغلى 

مع انه فيه عرض على الجيلي الكبيرة ب 42 الف مكينة 2000 


up 1 down 0
albroker99 742
قبل 7 سنه و 5 شهر



الله يالبيجو كانت مع الوالد الله يحفظه ويطول بعمره ,, سياره جودتها عاليه وتهتم يمواصفات السلامه
,, انا اؤيد سيارة البيجو


up 2 down 1
الهتان 66
قبل 7 سنه و 5 شهر



اكثر سيارة ندمت اني استغنيت عن خدماتها بعد ماخدمتني سنة ونص هي البيجو .. 
والآن اترحم على ايامها ... فعلا سيارة اقتصادية وممتازة وتقنيتها عالية ومواصفاتها روعة .. 
وللأمانة انصح كل من يريد اقتناء سيارة مريحة وقوية وذات اداء وتقنية عالية بالبيجو .. 
علما سيارتي كانت 2007 وقطع غيارها متوفرة وسعرها معقول 


up 1 down 0
fado72 1
قبل 7 سنه و 5 شهر



اقسم بالله كان معنا 307 2003 
كل يوم خراب مرة كمبيوتر والقير مايبدل نمر والمكيف خرب وكل يوم طالع خراب اشتريناها ب12 وبعناها ب6 ونص


up 1 down 0
ســفير الأحـزان 4
قبل 7 سنه و 5 شهر



السلام عليكم اكسنت في معرض عماد الدين في النسيم 40 الف و 500 ريال واعتقد فيه عروض قوية على الانترا هذه الايام في كثير من الوكالات والمعارض وانخفاض في الاسعار في شركة هواندي


up 0 down 0
saad1b 132
قبل 7 سنه و 5 شهر



خذلك   كورلا   
ولايارس    كد   وقطع   متوفره   ومعروف جدها   وخالها  

 لاتهور   بالفرنسي   والايطالي   والصيني

بعضها   الا  الان   لم  تثبت   جودتها   وثقتها   بالسوووق

الله   يوفقك

  


up 0 down 0
امير الاصيل 1714
قبل 7 سنه و 5 شهر



اذا انت ما تعيش في المدن الرئيسية الرياض وجدة والشرقية ابعد عن الماركات النادرة نصيحة



up 0 down 0
alfars911 2
قبل 7 سنه و 5 شهر