إنتهاء استمارة السيارة هل يلغي وثيقة التأمين ؟؟؟

ياخي حط تامين ووفحص دوري بملف وقدمها للمرور ويطلعون لك استماره جديده  وحقت دوله 50 ريال وملف بريال وانتهت سالفه 

المشكلة ياخوي لازم افحص لان الاستمارة ما تتجدد الا لازم تفحص الموتر

ياخي سهله خذ برنت من مرور وقدمها على فحص دوري وافحص سياره ماتخذ 10 دقايق وتطلع استماره جديده 

 انا ضاعت استمارات سيارتي  وطلعت بدل فاقد وحصلت استمارتي تحت مرتبه يعني سيارتي فيها استمارتين 

اهااا تواني فهمت موضوع اجل استماره حقتك  انتهت عادي جددها وش مشكله اذا مطوف سنه 100 ريال 

 التامين ماله خص بالاستماره اهم شي تاريخ  انتها ولا باقي ماانتهى والافضل لي ولك اتصل على مرور ويعطيك العلم 993

سكودر والله انك رهيب الملف بطلوه من زمااااااااااان شكلك مطوف ماراجعت المرور ولاتدري عنه
حقت دولة هذه يسونها رسوم ياغالي
وماهي 50 ريال تراها 150 ريال
صاحب الموضوع تأمينك ساري المفعول وحتى اذا لاسمح الله صار حادث التأمين يغطي أهم شي رخصة القيادة سارية المفعول
الاستمارة فقط لإثبات الملكية

وعلى فكره التجديد الحين عن طريق موقع وزارة الداخلية أبشر
المرور تروح تسلمه الاستمارة القديمة وتاخذ الجديدة فقط

البريد السعودي يجدد الاستمارة والرخصة يا اخوان ولاكن حاولو كل واحد يفعل العنوان الوطني الذي اسمة واصل 
لان الان وزارة الداخلية مربوطة مع هذا العنوان خاصة في الرياض وبدون هذا العنوان لا تقدر ان تعمل شي في 
ابشر

تطويف الاستماره ماله دخل في التأمين