ركبت كفرات صينيه وتجربتي مع الكفرات المنتهي تاريخها

35 6

لايمكنك التصويت حتى الحصول على 20 نقطة على الأقل
إضغط هنا للإخفاء

شاقح بن مشقوح الشقيحاني 22707
قبل 10 سنه و 8 شهر

السلام عليكم ورحمة الله وبركاته :
اليوم بتكلم عن مشكلة كفراتي شريتها جديده على الضمان بس تاريخها قديم
وبتكلم عن الكفرات الصينيه اللي ركبتها

اول ماشريت الفورد غيرت الكفرات وركبت دونولب ياباني عليه ضمان سنه
بعد مامرت سنه لقيت فيه بداية اثار تشققات في الكفرات بسيطه مع الجوانب للكفرات الاربع + كفر فيه تحبيله خفيفه جدا + السياره كانت قاسيه 
جدا والسبب طلع الكفرات محجره ميبسه 
يوم طلعتها اضغطها بيدي ماتنضغط لكن الكفرات الجديده بسهوله تنضغط

رغم ان الدعسه حالتها جديده ومافيها مسحيه لكن هذي نتيجة اللي يركب كفرات تاريخها قديم
لاتركب كفرات تاريخها قديم 
لاتركب كفرات تاريخها قديم 
لاتركب كفرات تاريخها قديم 
خذ تاريخ السنه ولاتصدق اللي قولك تاريخ السنه مايجي هذولي يبون يصرفون كفراتهم اللي تاريخها مطول شوي
انا شريت كفرات عليها تاريخ السنه الجديده

قلت بغيرها بس هالمره دخلت فمواضيع الكفرات ورموزها وكنت حاط فبالي كفرات صينيه لسبب
خويي معاه مرسيدس 8 سلندر ومركب كفرات صينيه ( جنويرو ) لها سنه يسافر عليها الكويت كل فتره والان 
حالتها ممتاز ويمدح فيها كنعومه وليونه وثبات

رحت للغرابي وانا مجهز ورقه فيها معلومات عن الرموز واعرف واحد هناك دايم اجيه بس قلت بروح افر المحلات قبل ماجيه واشوف الصيني بعدين اجيه
لقيت انواع كثيره
اكثرها جونوير عليها رسمة فيل بس مالقيت نفس المقاس 17-60-225 تعبت منه
رجعت لخويي قلت انا ابي صيني بس 
قال عندي صيني واضمنه لك وفيه مواصفات ماهي فالدنلوب اللي مركبه صناعه صينيه مواصفات اوروبيه
بس مقاسها 17-55-235
قلت ذي راح تسببلي تنقيز وانا قد جربت منها النيكسن ركبتها كم يوم ورجعت بعتها وغيرتها

قلي هذي لينه ولو ركبتها وكانت قاسيه رجعها وانت زبوني واعرفك زين ودايم تجيني عندك تجربه 3 ايام ضمان من عندي انا عن التنقيز والقساوه

المهم ركبتها وكان سعرها 1160 بعد التخفيض وتاريخها 2014 الاسبوع السابع يعني جديده
صناعه صينيه والجوده اوروبيه حسب ماهو مكتوب عليها

مواصفاتها اللي غطت على الدنلوب هي
مؤشر اقصى حموله فيها 103    الدنلوب 99
اقصى سرعه فيها 280 رمزها   w الدنلوب اقصى سرعه 210 رمزها H 
مؤشر التاكل فيها 300   الدنلوب مؤشر التاكل 350 يعني الدنلوب اقوا شوي

طبعا باقي المواصفات مثلها من ناحية الحراره وغيره او تكون اعلى منها

تجربتي لها رحت مشاور طويل وجبت طبلون السياره والنتيجه
الرساوه تغيرت 180 درجه
الثبات مع المنعطفات تغير 

اذا دعست لها للاخر عند الانطلاق بالقوه تفحط والتراكشن مايشتغل كثير لازم فيه تراب عشان تفحط مثل يوم كان الدنلوب راكب عليها
عكس الدنلوب كانت وقت القومه تفحط والتراكشن يشتغل يحاول يروض الكفر 

اذا دعستله مع اللفات بقوه مايحوس ولايزحف مثل اول كانت الدرفتات على ازفلت الرياض شي هههههههههههه
الحين ماتدرفت زين وهذا دليل على تشبث الكفر بالطريق 

بصراحه لايخفى عليكم ظهر فيها عيب ازعجني لكني راح اضطر اتحمل لان الكفر اعجبني ماتوقعته لين مره
( صوت الكفرات ) عالي شوي وهالشغله قالها لي راعي المحل وانا قلتله مو مهم الصوت اهم شي لينه وثابته

طبعا انا مافكرت اشتري صيني الا بعد ماشفت تجربه حقيقيه له

خلونا النظام السيئ ( الكفرات الغاليه هي الافضل )
طبعا بيجي واحد يقولي خلها فتره وتخرب ؟
خلنا نجرب وانا مئمل خير
وانا ماركبتها الا بعد ماشفت غيري ركبها وجربها بعيد عن القيل والقال 

تعقيب على موضوع ميزان العضيب
انا كنت ماخذ مقلب فيه وصارلي منه موقف ماراح انساه
وفي الاخير الوزن عنده يدوي على مسطره فيها مويه مثلهم مثل اللي فالصناعيه

الان بعد تركيب الكفرات رحت وزنت فميزان كمبيوتر بالليزر يركب على الكفرات الاربع ويعطيك الدقه بالشكل الصحيح 

إبلاغ

الردود