قرض الزواج 45 الف

عادي روح قدم وحدد المبلغ اللي تحتاج

تراه ها لحين يعطي ٦٠  ما عاد فيه ٤٥

غلطان ياخوي ال٦٠ قصدها ١٠٠٠ بس

ايه قصدها الف ريال 

اخوي ترى ألغوه أمس نظام الـ 45 

والله اخوي راح لهم أمس وقالوا له تقفل النظام حق 45 ورجعت معاملته

واللي مو مصدقني يروح للموظف ويسئله 

هذا النظام جاء أمسسسسسسس أمسسسس

يمديك تحدد من نفس الطلب بالموقع تحط المبلغ اللى تحتاجه لكن القسط بيكون 18 في المية من راتبك نفس قسط الستين الف لكن بعدد سنوات اقل

انا قبل شوي كنت ببنك التسليف
عادي تقدر تحدد المبلغ اللي تبيه سواءً كان 45 او 60 لكن النظام الجديد على حسب راتبك تسدد ولا عاد فيه مثل اول تسدد لمدة 60 شهر يعني لو تأخذ قرض 45 تسدده شهرياً على حسب راتبك انتهى زمان التسديد الشهري بـ 750 اللحين زودوا القسط الشهري عشان تسدد خلال اقصر مدة بالنسبة لي انا شخصياً طلبت 60 ألف ووافقوا بحيث يتم التسديد شهرياً 1699 ريال لمدة سنتين وتسعة شهور

ليش ترجع القرض ليش ما يكون زي دوال الخليج قرض الزواج هديه من الحكومه لطالب الزواج

يابو نواف نحمدالله الحكومة عطتنا بدون فوااائد تذكر يعني 60 الف وقسط ب 1600 وش تبغى اكثر من كذا والحمدلله الله يوفق الجميع يارب

انا راتبي 9 الف كم يصير القصد لو اخذت 60 

وانا صراحه ابي 45 الف 

ياليت مايرد غير المتاكد لان الحين احترت اكثر من الردود كل واحد يقول كلام مختلف

مشكلتي كفيل ولا كان طلعت قرض زواج الله يعيننا

طيب اللي يقول يمديك تحدد القيمه 

ليه رفضوا معاملة اخوي لأنه مقدم على 45 وقال له ألغوا نظام 45 

والله لحسة مخ 

او الموظف زعلانه عليه الحرمه 

45 الف = 750 شهرياً لمدة 5 سنوات
60 ألف = 1000 ريال لمدة 5 سنوات 

سلامات وش قصد 1800 و1600 حسستني انه قرض عقاري 1000 ريال قرض الزواج اللحين 

ادخل الموقع تحصل تحت حاسبة تحسب بها راتبك والقسط

فعلا الستين الف قسطها ١٧٠٠ على ثلاث سنوات اكثر شي مافيه خمس سنوات

واقل قسط ٩٠٠ حتى لو طلبت قليل وبالمقابل يقصرون المدة 

السلام عليكم ورحمة الله وبركاته
عندي سجل تجاري وأرغب في التنازل عنه, للتقديم على قرض الزواج
لكن السؤال الآن ، ماهو الوضع في حال وجود عمال بإسمي
هل يحق لي الحصول على القرض لو ماعندي سجل لكن عندي عماله ؟ 




شاكر ومقدر لك تفاعلكم أخواني الكرام

ياخوان التقديم كيف