هل استطيع شراء سياره جديده من امريكا وارسالها الى السعوديه ؟

بالنسبة للضمان ماله علاقة ولا يشمله ولا شي لانك جايبه من برا ماشريته من الوكيل نفسه ولو سمح لك تصين عنده بيلزخك في السعر وبالنسبة لل 6 سلندر فهو موجود عندنا وبعدين السيررا مافيه اختلاف بين اللي في امريكا واللي عندنا اللي مايسمح بدخولها المواتر التالفة واللي عليها تعديل ومدري وشوا بس اما بالنسبة لسالفة الجديد فما اقدر افتي لك فيها لكن اعتقد انها عادي معارض واجد يوردون وارد فطيمي ولا بريمي اصفار بقراطيسه من الخليج ما اعتقد بيرفضون لكن انت لا تبدا في اجراءاته لين تتأكد اول ويفضل تسال هنا في السعودية قبل ... بالتوفيق

اخوي الغالي او الاخوان الموجودين هل ممكن اعرف سعره بالضبط بالمعارض بالسعوديه ؟؟ طبعا اقصد 6 سلندر ستاندر الي تكون النوافذ حقته يدوية مو كهرب .. والف شكر على المعلومات .. 

السيررا الحين ماعاد فيه قزاز هندل كله كهرب اظاهر بس يكون مراياته ومسكان البيبان سود وبدون كبوس وداخلي رصاصي واسود هاذا اللي اعرفه

مشكور اخوي وماقصرت.. 

ارجو من عنده الاجابه يتكرم علي.. هل اقدر اشتري جديد اصفار وارسله ؟؟ لأني سمعت وقريت كثير بالمواقع انه لازم يكون مستخدم علما اني لم اجد هذا الكلام بالموقع الرسمي للجمارك.. ايضا كم سعر السييرا 2014 غماره ستاندر 6 سلندر اقصد الشكل الجديد طبعا في المعارض بالسعوديه ؟؟ ولكم جزيل الشكر 

ابراهيم 

انت غلطان مع احترامي لك 

الضمان ساري سواء في امريكا ولا في السعودية 
ضمان الشركة المصنعة ماهو على كيف الوكيل 

لكن اخوي صاحب الموضوع رح لاقرب وكيل وعطهم رقم الهيكل وسجله عندهم من الان 

الجديد يدخل عادي بدون مشاكل ولا احد راح يكلمك 

الله يعطيكم الف عافيه .. ومشكور اخوي naac .. اخر استفسار بالنسبة لطبلون لفت انتباهي انه بالمايل وليس بالكيلو ولافيه الارقام بالكيلو فقط بالمايل فهل يوجد مشاكل عند دخوله ؟ 

الطبلون ماله علاقة المواتر اللي تجينا وارد امريكا كلها طبلونها بالميل سواءن صناعة امريكية ولا مواصفات امريكية مثل الكوامري والسوناتا يجي فوق بالميل لكن تحت مكتوب الكيلو صغيره لانهم يعتمدون على سرعتهم بالميل مو مثلنا بالكيلو وبالنسبة للاخ ناااس 2 تقول لي الضمان وما الضمان اذا انت مطلع موتر من العيسى وبغيت تصين في الجميح بهذولك وبل يالله يصينون لك ويخلونك تدفع دبل فما بالك جايبه من امريكا الحين اللي يطلعون مواتر من الصالات يوكون ولا اي سيارة امريكية قد سمعت الصالة قالت سو صيانتك عند الجميح ولا العيسى على وقته يوم انه ماسك الشفر يعطونك ضمان من شركة رمزي مدري وش اسمها وانا مطلع موتر من الصالة وعارف نظامهم ممكن الجميح بيغير لك زيت وفلاتر وطقته وبيلزخك في السعر لكن في حال لاقدر الله صار عيب مصنعي في الموتر بيقول انت اللي جايبه تواصل مع الشركة الام لانك ماشريته من الوكيل نفسه .... فهمت ... تقبل مروري وشكرا

الطبلون يجي ارقامه فقط بالمايل مافيه ارقام بالكيلو مطلقا لا صغيره ولا كبيره هذا بالنسبة لل 2014 الامريكي.. و مشكور على المرور اخ ابراهيم..

ابراهيم 

توكيلات الجزيرة وكلاء فورد تجيب لهم موتر جديد وارد امريكا يدخلونه على الصيانة عندهم وتستمر معهم

مسألة الضمان تختلف لأنه ضمان مصنع 
ماهو ضمان العيسى ولا الجميح 

الضمان ضمان الشركة الام 

لحد يلعب عليكم 

اخوي السلام عليكم حبيت انبهك لازم تكون السيارة مستعمله اذا جديدة ممنوع في نظام الجمارك 
تستورد سيارة جديدة على الزيرو 

الله يعطيك العافية اخوي ماجد انا سمعت نفس كلامك بس الشرط هذا مو موجود بالموقع الرسمي !!!

مسموح بالجديد

والمنع مجرد اشاعات

السلام عليكم ...سؤال ياخوان نحن في نهاية 2016 وأرغب في استيراد سياره فورد موديل 2011 جديده أو مستعمل فهل يسمح بإستيرادها من المصنع أو من الشركات لديهم وماهي الاجراءات المطلوبه ؟ ودمتم ...

وكرمآ اللي يعرف أسعارها يفيدني (كراون فيكتوريا أو لينكون تاون كار)