الاسعار غير منطقيه ملينا من العروض الهزليه

واغلب الاعلانات تحصل مو كاتب سعر وكانه سر خطير من اسرار علي بابا يجب عليك خوض الاتصالات والمحاولات لتسلطلفه وتاخذ لو نبذه عن حده وماراح يعلمك لانه ينتظر خبل يدفع سعر اعلى من الي في باله فما يبغى يحدد كله طمع

موقع حراج 90 بالمائه من اعلاناته اسعارها اضعاف مضاعفه من سعر السوق

والامثله كالتالي
اعلان عن جهاز مساج للسياره سعره 210 حصلته بالغرابي 75 ريال نفس النوعيه
وراعي الاعلان يقول يباع بالسوق 359

عطر 25 ملي تقليد ماركات معروض باعلان 35 ريال ولازم تاخذ درزن بسعر420 ويقول يباع
بالسوق ب 50 ريال
شريته من البطحا ب 9 ريال للحبه والدرزن ب 100

لبلاستيكه الخارجيه للشاشة الجلاكسي بانواعه يبعونها بالموقع 200 و250 وسعرها بعماير الراجحي
40 ريال 

اعلانات الجولات الجديده تحصلها بره ارخص 100 ريال وانت طالع

والمستعمل يطلبون فيه اقل من سعره جديد 100 ويقول ذي سومة محل بعد يبي زود
لان عاى كلامه يسوى اكثر لان راعي المحل يبي يترزق على قوله

ذي ثلاث امثله فقط خلال يومين
صراحه اغلبهم كذابيين واسعارهم غاليه جدا والي يغبنك انه يكذب ويقول بالسوق بسعر ضعف سعره
ولا جيت رديت عليه ان سعره غالي يحذف الرد ويصلحلك حذر ويرسلك رسائل شتم

في السعودية , سيارات بمواصفات معدومة واعلى سعرا مقارنه بمواصفات الامريكيه ,
مع ذالك مصاريف شحن السيارة من اليابان او كوريا او اوروبا  اقل لأنها اقرب للسعودية من امريكا اذا نظرت للخارطه
كما ان الضرائب لدينا لاتوجد , شركه تويوتا اعلى سعر بفئة السيارات المتوسطة وهي الشركه الوحيدة التي لايفرض عليها اي جمرك
----
اما بالجوالات وجميع الاجهزه الالكترونية ذات الوزن الخفيف قم بشرائها من الانترنت ستوفر الكثير

وغير امثلتك اعلانات واجد انا من فتره مكتشفهم وعلى قولتك اذا وضحت سعره الحقيقي بالسوق حذفك ويساعد على حظرك ظن انه نبخسه حقه طيب ماهو حق انه نوضح السعر الحقيقي للسلعه عشان ننصح اخواننا المسلمين والاداره تقول مالك دخل اسكت لو تحصله يبيع بمليون لا مو من حقه اقله انكر هالشي فان لم تستطع فبلسانك اما اشوفه يضحك على البشر والمسلمين لا والف لا والساكت عن الحق شيطان اخرس....من المضحك واحد عارض جوال اس3 سعره جديد بالسوق 1000 ويقول جاني هديه وطالب فيه 1150 ثم يجوك المدرعميه وصلوه 1000 وهو يقول باقي شوي نطلب من الله الزود ههههه عالم غريبه اقسم بالله

والله كلامك صحبح
تدري من اسبوع دخلت اعلان سياره سنتافي 2013 نص فل ويقول راعيه بالاعلان فل الفل اعلى
فئه بالمملكه وهو معروف انه نص فل بدون شاشه وذواكر وتوهلد وبريك الكتروني وحول 10 اضافات ثانيه بالفل
فرديت بالاعلان انه موترك ماهو فل وينقص عن الفل ب كذا وكذا حول 13 اضافه
رد علي ان هذا الفل الي جابه الناغي 2013 طبعا هنا غير رايه وماعادت اعلى فئه بالمملكه
فرديت عليه اني امتلك نفس الموتر وموديل 2013 اول دفعه وارد الناغي وفيها كل الاضافات الي انا ذكرتها
وماهي موجوده بموترك لان موترك نصف فل وزياده عن باقي الوكلاء بتسخين وتبريد المقاعد فقط
وما يسوى القيمه الي انت طالب
حذف ردودي وصلحلي حذر وارسل رساله يدعي علي اني باخس حلاله ههههه
+1

والله صادقين يااخوان انا من شهر الف بالموقع ماقدرت اشتري شي كله مبالغ فيه وعروض غير جاده ومستهلكه

^^ تم التسليب بالغلط , مابقيم احد مرة ثانية عشان لا ياخذ سالب ^^

لديك نقاط سلبية بناء على تقييم الأعضاء لمشاركاتك. نرجو عدم إضافة ردود إلا ردود مفيدة فقط حتى يتم تقييم مشاركاتك بشكل إيجابي. عدد نقاطك الحالية هي -9. يسمح النظام فقط بإضافة عدد 4 ردود في اليوم فقط.

لييش قسم بالله كل ردودي كويسه !

يا ابوي فيه واحد معاه كرتون فكتوريا 97 و يبي فيه 35 الف ماشي يمكن حول ال 300 الف

و ازيدك من الشعر بيت فيه ناس مثلا عارض كامري 2008و تسأله كم السوم يقول مافي سوم و تقول طيب اسوم مثلاً 27 الف يقعد يزعل و يقول بخستني و مدري وش و ماني مسامحك و كلام فاضي

الي يقهرنك لو تجي مثلا تسوم سياره من نوع تاهو باي سعر فوق الخمسي وموديلها ٢٠٠٩ او حول هالموديل ينط عليك واحد ملقوف ويقول ليش بهستها وانت ما تعررف تسوم والمشكله يسبك ويشتم احيانا وش تسوي له زي هذا والله مشكله طيب ليش يتدخل اذا ما يسوم ينطم وبس

ياحبيبي هذا موقع ربحي مافكر فيك

المهم عنده ينباع عن طريقه حاجة ويجيه السعي

ومن مصلحته تنباع اشياء بسعر غالي لان السعي بيرتفع 

هذي مشكلة الاسترباح تنقلب الموازين وتغيب المباديء

والله عجيب فعلا اسعار مبالغ فيها مثلا كامري 2009 سعرها مايعدي 35000 ويجيك واحد عارض 2008 مصدوم يبيله رفرف وشغله ثانيه ويقولك مسيوم ب 37000 وييين والمشكله فيه ناس ترد وتقوله انت بعيد ولا قريب واللهوعيب الكذب والنصب والادارة تتفرج