البنزين بالنسبه للاكسنت

الفل اتوقع 15 ريال

الفل 91 ب 16 او 15 و 95 ب 21 او 22 هاذا اذا كانت مولعة اللمبة وبالنسبة للمسافات اللي تقطعها على قولتك في الخط فهي تعتمد على حسب سرعتك اذا انت شالخ الموتر بيشرب اذا انت مترفق في الخط يكون اقتصاده حليو وبعدين فيها نظام حقن الوقود مدري وشوا اذا كانت دعستك ثابتة يقتصد في الوقود الزبده انها سيارة عملية وبنزينها يالبيه رخيص ومايصرف وياشين v6 طرب لكن يشرب الملعون ... تقبل مروري

شوف داخل المدبنة تمشيك من 400 ل 500 عحسب المكيف والزحمة 

فلها 16 ريال اذا ولعة اللمبة ومشست حوالي 30 كيلو علبها

الاحمر اغلى من الاخضر ..

الاخضر دايما افضل للتوفير ..

الاحمر ممكن يمشيك 20 كيلو زيادة لكن مايستحق المبلغ الي تدفعه عشان 20 كيلو ..

يعني ركب اخضر اوفر لك..

وترى لاتصدق ان بنزين الاخضر مضر بالمكينه وتكربن وكلام الشياب .. فيه ناس متخلفه لحد احين .. موتره بنزين اخضر ويعبي بنزين احمر ..

والفل للاكسنت 2014 واللمبه مولعه لاخير مره 16 ريال بنزين اخضر

انا معي يارس غالبا ً نفس المصروف هي والاكسنت بالنسبة لما تعبيها ما تتجاوز ال 17 ريال إذا كانت فاضية ما فيها بنزين أبدا ً
بالنسبة للمسافة على الخط تمشي قريب ال 350 أو اكثر شوي ...

انا قرأت كثيرا عن البنزين المناسب لأي سيارة , واتضح التالي : ان في اغلب السيارات بالكتلوج او عند تانكي البانزين مكتوب (استخدم وقود ذو نسبة رصاص اقل)
ونسبة الرصاص في 95 اقل من 91 , كم ان 91 ينحرق بسرعة ويضر بعض السيارات الي مو مبرمجه على استخدامه يحدث انفجارات بشكل غير متسلسل داخل المحرك
وبنزين 95 مضر بالبيئة , لكن مناسب لكل السيارات 

وبنزين 95 او91 تعتبر متخلفة عن باقي الوقود في العالم , لأنهم توصلوا لأحدث منها وافضل , وهم نادرا مايستخدموها ويفضلوا الديزل
ومن ناحية التوفير لا ارى اي توفير لأن ال95 لاينحرق بسرعة مثل ال91 والفرق قد يكون 5 الى 8 ريال تقريبا

بلعكس في فرق بين 95 و 91 و مافي واحد افضل من الثاني و في سيارات يتعبها 95 لانها تحتاج الرصاص اللي في البنزين
انا اشوف انك تعبي بنزين 91 لانو سيارتك تقبل بنزين 89 و طالع يعني 91 و 95 رح يكون نفس الاداء لك و ال 91 ارخص انا كنت اعبي 95 في الكيا حقتي و حولت 91 و اموري تمام كنت امشي بلفل 400 كيلو خط و ال91 يمشيني
نفس المسافة بظبط اعرف المسافة لاني اسافر من جدة الى المدينة كثير بشكل اسبوعي عشان كذا غيرت و ماشفت فرق
غير في السعر و السيارات هاذي سيارات اقتصادية يعني لا تقعد تدفع فلوس زايدة على بنزين ما تحتاجه او تظن انه رح
يحافظ على سيارتك اكثر اغلب السيارات اللي تحتاج 95 تكون v8 و السيارات الرياضيه بعد تحتاج 95 و 91 ممكن
يضرها لاكن الاكسنت 91 يمشيك من غير اي مشاكل و الكلام ذا ماهو من عندي من كتلوج سيارتك

الاكسنت بالخط تصرف اكثر بنزين

بعكس السيارات الكبيره تكون مريحه على الخط وصرفيتها اقل

اما داخل المدينه ماشاء الله خذها موتر

يعني كل يومين عب فل اذا انت راعي فرفره واجد

اي موديل تقصد !!!!

مشكورين جميعا ماقصرتم ..
الاخ : ابو بكر ..انا اقصد موديل 2004 او 2005 ..لكن الظاهر مايفرق كلها سوا الاكسنت بجميع موديلاتها

اذا كنت راعي دعس وجلد بتعبي كل ساعة مجرب 2014 - و2013  

انا موتري كابرس 8 سلندر اعبيه فل اخضر يكون فيه الربع ب 28 ريال وذا كان فاضي وعبيته احمر ب 40 ريال

الاخضر يمشيني 530 كيلو
الاحمر يمشيني 590 كيلو
بس يصرفف بكل الاثنين يشرب شرب

انا سيارتي اكسنت 2003
اعبيها فل ممكن 27لتر كم الطبيعي ان تمشيني كيلو

الله يا الدنيا صار فلها 50 ريال

تصحيح للسعر مو 50 ريال
صار فلها 62 ريال اذا مولعه اللمبة
الله يكفينا شر هالدنيا قبل 5 سنوات
فلها ب 17 ريال تقريبا

سبحان الله من غير الاحول قبل 15 و اللحين ب ٦٠

سبحان الله رجعت مثل اول