بناشر الخطوط والمناطق النائية -- بعيدة عن الرقابه
9
2
إضغط هنا للإخفاء
يااخوان انتبهوا من الزيوت الموجوده في البناشر الموجوده في القرى البعيده عن المدن والخطوط السريعه
قصتي بإختصار
معي كامري ٢٠١٠ من شريتها تتفتف عند الوقوف وهي معشقه في الدي أو آر فقط
وكنت استخدم زيت كاسترول ٢٠-٥٠
المهم جاء البرد قبل وغيرت الزيت إلى ١٠ - ٣٠ كاستروول في الطائف
واختفت التفتفه نهائيا وصوت المكينه صار ناعم وانبسطت لاني ماخليت شي ماغيرته فلاتر بواجي صفايه مويه لديتر
المفاجأة!!
غيرت الزيت مره ثانيه بس هالمره للاسف في الديره جنوب الطائف ١٥٠ كيلو. وغيرته ١٠ - ٣٠ لكن تفاجأت رجعت التفتفه اقوى من اول. والله اني من اول ماني مرتاح حسيت انه نصاب البنشري و فاتني اشوف العلبه اللي فكها جديده او مفكوكه للآسف بعدين ناداني قال شوف الزيت جديد وهو يصب !! قرصني قلبي من هرجته
لأن اللي على رأسه بطحا يحسس عليها
وقلت بمشي عليه ٢٠٠٠ واغيره عند البنشري الأول بالطائف واتأكد وفعلا غيرته اليوم واختفت التفتفه نهائيا وعلمت البنشري قالي غشششك مافيها كلام بعضهم يعبي العلب زيوت من ارخص الانواع وخصوصا البناشر خارج المدن ماخذين راحتهم وسلامتكم
إبلاغ
سيارات للبيع
الردود
والي ما يخاف الله يسوي اكثر من هذا الشيئ
0
0
لكن الغالبيه العلبه اصلا تكون مفكوكه
يعني خلوكم حريصين تنفك العلبه قدامك
0
0
الأغطية بسيطة تقدر تركب الغطاء القديم إذا فكيته كامل بعناية لأنه ألمنيوم وطريقة تركيبة بالمكواة تضع الغطاء في مكانه وتسخنه ويمسك
0
0
طيب وين راح بالك بالك من اللصق حق الشركة اذا فكيت الغطاء ويكون عليه غراء؟؟؟؟؟؟
0
0
وخليه يفتح السرة والسيفون وبعدها قله ترى اغراضي في السيارة وشيك انت
ع السيفون ومستوى الزيت وعطه حقه وشغل وامشي هذا افضل حل
دايم اسويها
2
0
وتلقاه عند محلات الجمله
0
0
والمره الثانية ادا جيت تغير زيت تأكد انه يكون عندك العلبة علشان لو فيه تفتفه ارسل العلبة لوزارة التجارة وهم يعرفون إدا كان مغشوش او لا
والافضل تشتري زيت كرتون يطلع عليك ارخص
0
2
قبل كم يوم جيت اغير الكفرات وقلت اشوف تاريخ الكفر الاخير .!!
طلع 2007 يعني تقريبا له 5 سنوات مركون بالبنشر لحظة ماشراه اخوي .!!!
1
0
عموما و نعم و الحرص واجب
0
0
قبل 11 سنه